ପିଜୁଳି ଖାଇଲେ ମିଳିଥାଏ ଏହି ସବୁ ଫାଇଦା, ଜାଣନ୍ତୁ
ପିଜୁଳି ଖାଇବା ପ୍ରାୟ ସମସ୍ତିଙ୍କୁ ପସନ୍ଦ ଆସିଥାଏ। ପାଟିକି ସୁଆଦିଆ ସହ ଏଥିରେ ଭରପୁର ଔଷଧୀୟ ଗୁଣ ମଧ୍ୟ ରହିଛି। ଭିଟାମିନ୍-ଏ, ସି, ପୋଟାସିୟମ୍, ଫ।ଇବର, କାର୍ବୋହାଇଡ୍ରେଟ୍, ଭିଟାମିନ-ବି୨, ଭିଟାମିନ-ଇ, ଭିଟାମିନ-କେ ପିଜୁଳିରେ ଭରପୂର ମାତ୍ରାରେ ରହିଛି । ଏହାସହ ଏଥିରେ ଫଲିକ ଏସିଡ, କ୍ୟାଲସିୟମ, ଫାଇବର,ପୋଟାସିୟମ, କପର ଓ ମାଙ୍ଗାନିଜର ତତ୍ୱ ରହିଛି। ତେବେ ପିଜୁଳୀ ଖାଇବା ଦ୍ଵାରା କେଉଁ କେଉଁ ଫାଇଦା ମିଳିଥାଏ ଆସନ୍ତୁ ଜାଣିବା।
ଖାଇ ସାରିବା ପରେ ପିଜୁଳୀ ଖାଇଲେ କୋଷ୍ଠ କାଠିନ୍ୟ ଭଳି ସମସ୍ୟାରୁ ମୁକ୍ତି ମିଳିଥାଏ।
ଖରାଦିନେ ପିଜୁଳୀ ପେଟ ଥଣ୍ଡା ରଖେ । ତେଣୁ ଖରା ଦିନରେ ପ୍ରତିଦିନ ୨-୩ଟି ପିଜୁଳୀ କିମ୍ବା ପିଜୁଳି ଜୁସ ପିଇଲେ ଭଲ।
ଭିଟାମିନ-ଏ ଥିବାରୁ ଏହା ଦୃଷ୍ଟି ଶକ୍ତି ବଢ଼ାଇବାରେ ସାହାଯ୍ୟ କରିଥାଏ।
ଏଥିରେ ଥିବା ପୋଟାସିୟମ, ଭିଟାମିନ-ସି ଏବଂ ଫାଇବର ରକ୍ତ ଚାପକୁ ନିୟନ୍ତ୍ରଣରେ ରଖିଥାଏ।
ପିଜୁଳୀରେ ଥିବା ଭିଟାମିନ-କେ ଚର୍ମର କଳାଦାଗ ଏବଂ ବ୍ରଣରୁ ମୁକ୍ତି ଦେଇଥାଏ ।
ପିଜୁଳୀରେ ଭିଟାମିନ-ସି ଥିବାରୁ କେଶ ବଢ଼ାଇବାରେ ସାହାଯ୍ୟ କରିଥାଏ।
ପିଜୁଳୀ ଖାଇଲେ ସହଜରେ ଖାଦ୍ୟ ହଜମ ହୋଇଥାଏ।
