ସିଡନୀ ଟେଷ୍ଟ ପୂର୍ବରୁ ବଡ଼ ଘୋଷଣା, ଜସପ୍ରୀତଙ୍କ ମୁଣ୍ଡରେ ଅଧିନାୟକ ମୁକୁଟ, ଦଳରୁ ବାଦ୍ ପଡ଼ିଲେ ଷ୍ଟାର ଖେଳାଳି
ନୂଆଦିଲ୍ଲୀ: ମେଲବର୍ଣ୍ଣରେ ଭାରତ- ଅଷ୍ଟ୍ରେଲିଆ ମଧ୍ୟରେ ଚାଲିଥିବା ଟେଷ୍ଟ ସିରିଜରେ ଭାରତୀୟ ଦଳକୁ ନିରାଶାଜନକ ପରାଜୟର ସାମ୍ନା କରିଥିଲା । ଏହି ମ୍ୟାଚ୍ ପରେ ରୋହିତ ଶର୍ମାଙ୍କୁ ଅଧିନାୟକ ପଦରୁ ହଟାଇବା ପାଇଁ ବିଭିନ୍ନ ମହଲରୁ ଦାବି ଉଠୁଛି ।
ଏଥିମଧ୍ୟରେ କ୍ରିକେଟ୍ ଅଷ୍ଟ୍ରେଲିଆ ୨୦୨୪ ବର୍ଷ ପାଇଁ ଏହାର ସର୍ବଶ୍ରେଷ୍ଠ ଟେଷ୍ଟ ପ୍ଲେଇଂ XI ଘୋଷଣା କରିଛି । ଭାରତୀୟ ଷ୍ଟାର ଦୃଥ ବୋଲର ଜସପ୍ରୀତ ବୁମରାଙ୍କୁ ଦଳର ଅଧିନାୟକ କରାଯାଇଛି ।
ଚୟନ କରିଥାଏ ICC:
କହିରଖୁଛୁ ପ୍ରତି ବର୍ଷ ଶେଷରେ ଅନ୍ତର୍ଜାତୀୟ କ୍ରିକେଟ୍ ପରିଷଦ( ICC) ପ୍ରତ୍ୟେକ ଫର୍ମାଟ ପାଇଁ ଏହାର ଶ୍ରେଷ୍ଠ ଦଳ ଚୟନ କରିଥାଏ । ଏଥିରେ ସମଗ୍ର ବିଶ୍ୱରୁ ୧୧ ଜଣ ଶ୍ରେଷ୍ଠ ଖେଳାଳୀଙ୍କୁ ମନୋନିତ କରାଯାଏ ।
କିନ୍ତୁ ବର୍ତ୍ତମାନ ICC ନୁହେଁ ବରଂ କ୍ରିକେଟ ଅଷ୍ଟ୍ରେଲିଆ ଏହାର ସର୍ବଶ୍ରେଷ୍ଠ ଟେଷ୍ଟ ପ୍ଲେଇଂ XI ଘୋଷଣା କରିଛି ।
ବାଦ୍ ପଡ଼ିଲେ ଏହି ଖେଳାଳି:
କ୍ରିକେଟ ଅଷ୍ଟ୍ରେଲିଆ ଏହାର ସର୍ବଶ୍ରେଷ୍ଠ ଟେଷ୍ଟ ପ୍ଲେଇଂ XI ପାଇଁ ଭାରତର ୨, ଶ୍ରୀଲଙ୍କାର ଜଣେ, ଇଂଲଣ୍ଡର ୩, ଦକ୍ଷିଣ ଆଫ୍ରିକାର ଜଣେ, ନ୍ୟୁଜିଲ୍ୟାଣ୍ଡର ୨ ଏବଂ ଅଷ୍ଟ୍ରେଲିଆର ୨ ଜଣ ଖେଳାଳିଙ୍କୁ ଚୟନ କରିଛି । ଏହି ଦଳରେ ପାକିସ୍ତାନର କୌଣସି ଖେଳାଳି ସାମିଲ ନାହାଁନ୍ତି । ଏହି ଦଳରେ ପ୍ୟାଟ୍ କମିିନ୍ସଙ୍କ ସହ ବିରାଟ୍ କୋହଲି, ରୋହିତ ଶର୍ମା, ମହମ୍ମଦ ସିରାଜଙ୍କ ଭଳି ଖେଳାଳିଙ୍କୁ ସ୍ଥାନ ମିଳିନି ।
ଖେଳାଳିଙ୍କ କ୍ରମ:
ଓପେନର ଭାବେ ଜଶସ୍ୱୀ ଏବଂ ବେନ୍, ତୃତୀୟ ସ୍ଥାନରେ ଇଂଲଣ୍ଡର ଜୋ ରୁଟ୍, ଚତୁର୍ଥ ସ୍ଥାନରେ ରଚିନ୍ ରବିନ୍ଦ୍ର, ଇଂଲଣ୍ଡର ହ୍ୟାରି ବ୍ରୁକ୍(୫ମ), ଶ୍ରୀଲଙ୍କାର କମିଣ୍ଡୁ ମେଣ୍ଡିସ୍(୬ଷ୍ଠ) ସ୍ଥାନରେ ରହିଛନ୍ତି । ଦ୍ରୁତ ବୋଲିଂରେ ଜସପ୍ରୀତ ବୁମରା ଏବଂ ଅଷ୍ଟ୍ରେଲିଆରେ ଜୋଶ ହେଜେଲ ଉଡ୍ ରହିଥିବା ବେଳେ ସ୍ୱିନରରେ ଦକ୍ଷିଣ ଆଫ୍ରିକାର କେଶବ ମହାରାଜ ଅଛନ୍ତି ।
କ୍ରିକେଟ୍ ଅଷ୍ଟ୍ରେଲିଆ ୨୦୨୪ର ସର୍ବଶ୍ରେଷ୍ଠ ପ୍ଲେଇଂ XI :
ଯଶସ୍ୱୀ ଜୟସୱାଲ, ବେନ୍ ଡକେଟ୍, ଜୋ ରୁଟ୍, ରଚିନ୍ ରବିନ୍ଦ୍ର, ହ୍ୟାରି ବ୍ରୁକ୍, କମିଙ୍ଗ୍ ମେଣ୍ଡିସ୍, ଏଲେକ୍ସ କ୍ୟାରୀ(ୱିକେଟ୍ ରକ୍ଷକ), ମ୍ୟାଟ୍ ହେନରୀ, ଜସପ୍ରୀତ ବୁମରା (ଅଧିନାୟକ), ଜୋଶ ହେଜେଲଉଡ୍ ଏବଂ କେଶବ ମହାରାଜ ।
ବର୍ଡ଼ର ଗାଭାସ୍କର ଟ୍ରଫିର ୫ମ ଏବଂ ଶେଷ ଟେଷ୍ଟ ମ୍ୟାଚ୍ ୩ ଜାନୁଆରୀ ସିଡନୀ କ୍ରିକେଟ୍ ଗ୍ରାଉଣ୍ଡରେ ଖେଳାଯିବ । ବିଶ୍ୱ ଟେଷ୍ଟ ଚମ୍ପିଆନସିପ ୨୦୨୫ ଫାଇନାଲରେ ପ୍ରବେଶ କରିବା ପାଇଁ ଭାର ପାଇଁ ଏହି ମ୍ୟାଚ୍ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଅଟେ ।
What a year from this XI including Jasprit Bumrah who leads the side 🙌
Full story: https://t.co/zM0nfiRxz9 pic.twitter.com/cn8Zu7zlxw
— cricket.com.au (@cricketcomau) December 31, 2024