(Video) ମୁନାୱାର ଫାରୁକି ଜିତିଲେ Bigg Boss 17 ର ଟ୍ରଫି, ୱିନର ହେବା ପରେ କହିଲେ ଏପରି କଥା ଭାବପ୍ରବଣ ହେଲେ ଫ୍ୟାନ୍ସ
ନୂଆଦିଲ୍ଲୀ: ବିଗ୍ ବସ୍ ସିଜନ ୧୭ ଶୋ’ ବହୁ ମଜାଦାର ଥିଲା । ଶୋ’ରେ ସ୍ୱାମୀ-ସ୍ତ୍ରୀଙ୍କ ଝଗଡ଼ାକୁ ନେଇ ଲୋକମାନଙ୍କ ବ୍ୟକ୍ତିଗତ ସହ ଜଡିତ କିଛି ମାମଲା ସାମ୍ନାକୁ ଆସିଥିଲା । ଏଥିରେ ବିକି ଜୈନ ଏବଂ ଅଙ୍କିତା ଲୋଖଣ୍ଡେଙ୍କ ମଧ୍ୟରେ ଝଗଡ଼ା ହେଉଥିବା ବେଳେ ଅନ୍ୟପଟେ ମୁନାୱାର ଫାରୁକିଙ୍କ ଉପରେ ଆୟାସା ଖାନ ଅନେକ ଅଭିଯୋଗ ଆଣିଥିଲେ । ମାମଲା କେବଳ ଏତିକିରେ ଶେଷ ହୋଇ ନଥିଲା । ଅଭିଷେକ କୁମାର ଏବଂ ଇଶା ମାଲବୀୟଙ୍କ ମଧ୍ୟରେ ମଧ୍ୟ ଅନେକ ବିବାଦ ଦେଖିବାକୁ ମିଳିଥିଲା । ଏହିପରି ଭାବେ ଦେଖୁ ଦେଖୁ ଶୋ ଫାଇନାଲରେ ପହଁଚିଯାଇଥିଲା ଏବଂ ଶୋ’କୁ ନିଜର ବିଜେତା ମଧ୍ୟ ମିଳିଗଲା । କଠିନ ପ୍ରତିଯୋଗିତା ଏବଂ ଅନେକ ଚ୍ୟାଲେଞ୍ଜ ମଧ୍ୟରେ ମୁନାୱାର ଫାରୁକି ‘ବିଗ୍ ବସ୍ ୧୭’ ଟ୍ରଫି ଜିତିଛନ୍ତି ।
ମୁନାୱାର ଫାରୁକିଙ୍କୁ ଟକ୍କର ଦେଇ ଅଭିଷେକ କୁମାର ବିଗ୍ ବସ୍ ୧୭ର ରନର୍ସଅପ ହୋଇଛନ୍ତି । ଅଭିଷେକ ଟ୍ରଫି ଜିତିବାରୁ ମାତ୍ର ଗୋଟିଏ ଷ୍ଟେପ ପଛରେ ରହିଥିଲେ । ଶୋ’କୁ ଆସିବା ପରଠାରୁ ତାଙ୍କର ପ୍ରଦର୍ଶନ ପ୍ରଶଂସନୀୟ। ସେ ପ୍ରତ୍ୟେକ କାର୍ଯ୍ୟରେ ଭଲ ଅଂଶଗ୍ରହଣ କରିଥିଲେ ଏବଂ ଶ୍ରେଷ୍ଠ ଦୁଇ ସ୍ଥାନରେ ସ୍ଥାନ ପାଇଥିଲେ। ଟ୍ରଫିର ଏତେ ନିକଟତର ହୋଇଥିଲେ ମଧ୍ୟ ଅଭିଷେକ ଶୋ ଜିତି ପାରି ନଥିଲେ। ବିଜେତା ଭାବରେ ମୁନାୱାର ଫାରୁକିଙ୍କୁ ୫୦ ଲକ୍ଷ ଟଙ୍କା ସହିତ ଏକ କାର ମିଳିଥିବାବେଳେ ଅଭିଷେକଙ୍କୁ ଶୋ ଖତରୋ କେ ଖିଲାଡି ଟ୍ୟାଗ ପ୍ରଦାନ କରାଯାଇଛି। ଟେଲିଭିଜନ ଇଣ୍ଡଷ୍ଟ୍ରିରେ ଅଭିଷେକ ଜଣେ ଜଣାଶୁଣା ନାମ। ସେ କଲର୍ସ ଶୋ ‘ଉଡାରିଆନ୍’ରୁ ପରିଚିତ ହୋଇଥିଲେ। ତାଙ୍କୁ ଇଶା ମାଲଭିଆଙ୍କ ବିପକ୍ଷରେ ଶୋ’ରେ ଦେଖିବାକୁ ମିଳିଥିଲା।
ଏହି ସିଜନରେ ୧୭ ଜଣ ପ୍ରତିଯୋଗୀ ପ୍ରଥମ ଦିନରେ ଘରର ଭାଗୀଦାରୀ ହୋଇଥିଲେ । ଯେଉଁଥିରେ ଟପ୍ ୫ରେ ମୁନାୱାର ଫାରୁକି, ଅଙ୍କିତା ଲୋଖଣ୍ଡେ, ଅରୁଣା ମାଶୋଟ୍ଟୀ, ମନ୍ନରା ଚୋପ୍ରା ଏବଂ ଅଭିଷେକ କୁମାର ରହିଥିଲେ । ଘରକୁ ଆସିଥିବା ସଦସ୍ୟଙ୍କ ମଧ୍ୟରୁ ଏମାନଙ୍କ ସମେତ ଫ୍ରେଙ୍କ, ରିକୁ ଧବନ, ଇଶା ମାଲବୀୟ, ନୀଳ ଭଟ୍ଟ, ବିକି ଜୈନ, ଐଶ୍ୱର୍ଯ୍ୟା ଶର୍ମା, ସନା କାନ, ଅନୁରାଗ ଡୋଭାଲ, ଖାନଜାଦୀ, ଜିଗ୍ନା ବୋରା, ସୋନିଆ ବଂସଲ ଏବଂ ନବୀଦ ସୋଲେ । ଏହା ବ୍ୟତୀତ ଚାରି ଜଣ ୱାଇଲ୍ଡ କାର୍ଡ ପ୍ରତିଯୋଗୀ ଭାବେ ଆସିଥିଲେ । ଯେଉଁଥିରେ ସର୍ମ ଜୁରେଲ, ଆଏଶା ଖାନ, ଔରା ଏବଂ ମନସ୍ୱୀ ମମଗଇ ସାମିଲ ଥିଲେ ।
ସୋସିଆଲ ମିଡିଆରେ ଲୋକମାନେ ମୁନାୱାର ଫାରୁକିଙ୍କ ଭିଡିଓକୁ ବହୁତ ପସନ୍ଦ କରୁଛନ୍ତି। ଏହା ଶୁଣିବା ପରେ ଆପଣ ମଧ୍ୟ ଭାବପ୍ରବଣ ହୋଇଯିବେ। ‘ବିଗ୍ ବସ୍ ୧୭’ ଜିତିବା ପରେ ସେ ବାହାରକୁ ଆସିବା ମାତ୍ରେ ମୁନାୱାର ସମସ୍ତଙ୍କ ପ୍ରଶ୍ନର ଚମତ୍କାର ଉତ୍ତର ଦେଇଥିଲେ। ତାଙ୍କର ବିଗ୍ ବସ୍ ଜର୍ଣ୍ଣି ବିଷୟରେ କଥାବାର୍ତ୍ତା ବେଳେ ସେ କହିଥିଲେ, ‘ମୋର ପ୍ରଶଂସକ ବିନା ମୁଁ ଆଜି ଜିତି ନ ଥା’ନ୍ତି, ଏପରି ପ୍ରଶଂସକ ପାଇବା ଭାଗ୍ୟର ବିଷୟ ଏବଂ ମୁଁ ଭାଗ୍ୟବାନ ଯେ ମୋର ବନ୍ଧୁମାନେ ମୋତେ ବହୁତ ସମର୍ଥନ କରିଥିଲେ। ଆପଣଙ୍କ ଭଲପାଇବା ସବୁବେଳେ ମୋ ପାଇଁ ରହିଥାଉ। ‘ବିଗ୍ ବସ୍ ୧୭’ ଜିତିବା ପରେ ଏହା ମୁନାୱାର୍ ଫାରୁକିଙ୍କର ପ୍ରଥମ ପ୍ରତିକ୍ରିୟା।
#WATCH | Mumbai: On winning the 17th season of 'Bigg Boss', stand-up comedian Munawar Faruqui says, "…I am very happy and thankful. I am fortunate to have such a fan following…I always remember my parents during the sad and happy times…" pic.twitter.com/oMYpMA5qvq
— ANI (@ANI) January 28, 2024
