ନଦୀରେ ଗାଧୋଉଥିବା ସମୟରେ ବ୍ରେନ୍-ଇଟିଂ-ଏମିବାରେ ସଂକ୍ରମିତ ହେଲା ଶିଶୁ: ୧୦ ଦିନ ଭିତରେ ମୃତ୍ୟୁ, ଜାଣନ୍ତୁ ଏହାର ସାଙ୍ଘାତିକ ଲକ୍ଷଣ

ନୂଆଦିଲ୍ଲୀ: ଆମେରିକାରେ ବ୍ରେନ୍ ଇଟିଂ ଏମିବାରେ ମୃତ୍ୟୁର ଏକ ଅଜବ ଘଟଣା ସାମ୍ନାକୁ ଆସିଛି । ରିପୋର୍ଟ ଅନୁସାରେ, ସେଠାରେ ଏକ ନଦୀରେ ଗାଧୋଇବାବେଳେ ଏକ ଶିଶୁଙ୍କ ମସ୍କିଷ୍କରେ ଏମିବା ପ୍ରବେଶ କରିଥିଲା । ଏହାର କିଛି ଦିନ ପରେ ହିଁ ଶିଶୁର ମୃତ୍ୟୁ ହୋଇଗଲା । ଆମେରିକାର ସ୍ୱାସ୍ଥ୍ୟ ଅଧିକାରୀମାନେ ଏହା ନିଶ୍ଚିତ କରିଛନ୍ତି । ଡଗଲସ୍ କାଉଣ୍ଟି ସ୍ୱାସ୍ଥ୍ୟ ବିଭାଗର

ସୂଚନାନୁସାରେ, ଶିଶୁର ପ୍ରାଥମିକ ଏମିବିକ ମେନିଙ୍ଗୋଏନ୍ସଫାଲାଇଟିସ୍ ନାମକ ଏକ ସଂକ୍ରମଣ ହୋଇଥିଲା । ଲକ୍ଷଣ ଆରମ୍ଭ ହେବାର ୪୮ ଘଣ୍ଟା ମଧ୍ୟରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା, କିନ୍ତୁ ୧୦ ଦିନ ପରେ ତାଙ୍କର ମୃତ୍ୟୁ ହୋଇଥିଲା ।

ମିରର ରିପୋର୍ଟ ଅନୁଯାୟୀ, ଅଗଷ୍ଟ ୮ ରେ ଏହି ଶିଶୁ ପୂର୍ବ ନେବରାସ୍କାର ଏଲଖର୍ନ ନଦୀରେ ଗାଧୋଇବାକୁ ଯାଇଥିଲା । ଏହି ସମୟରେ ବ୍ରେନ୍ ଇଟିଂ ଏମିବା ଶିଶୁର ମସ୍ତିଷ୍କରେ ପ୍ରବେଶ କରିଥିଲା । ପ୍ରାୟ ପାଞ୍ଚ ଦିନ ପରେ ପିଲା ମଧ୍ୟରେ ବ୍ରେନ୍ ଇଟିଂ ଏମିବାର ଲକ୍ଷଣ ବିକଶିତ ହୋଇଥିଲା । ପରିବାର ଲୋକେ ତୁରନ୍ତ ତାଙ୍କୁ ଡାକ୍ତରଖାନା ନେଇଥିଲେ । ଡାକ୍ତରମାନେ ତୁରନ୍ତ ଚିକିତ୍ସା ଆରମ୍ଭ କରିଥିଲେ ମଧ୍ୟ ବଞ୍ଚାଇପାରି ନଥିଲେ । ଅଗଷ୍ଟ ୧୮ ରେ, ସେହି ଶିଶୁର ମୃତ୍ୟୁ ହୋଇଥିଲା । ଏହା ରାଜ୍ୟ ଇତିହାସରେ ସାଂଘାତିକ ରୋଗରୁ ପ୍ରଥମ ଏବଂ ମଧ୍ୟ ପଶ୍ଚିମ ଦେଶରେ ଦ୍ୱିତୀୟ ମୃତ୍ୟୁ । ଗତ ମାସରେ ମିସୌରୀର ଆଇଓଆର ଥ୍ରୀ ଫାୟାରସ୍ ଷ୍ଟେଟ୍ ପାର୍କର ହ୍ରଦ କୂଳରେ ପହଁରିବା ପରେ ଜଣେ ବ୍ୟକ୍ତି ଏହି ସଂକ୍ରମଣରେ ମୃତ୍ୟୁ ବରଣ କରିଥିଲେ ।

ଗତ ୧୦ ବର୍ଷ ମଧ୍ୟରେ, ଆମେରିକାରେ ପ୍ରାୟ ୩୧ ଟି ବ୍ରେନ୍ ଇଟିଂ ଏମିବା ମାମଲା ରିପୋର୍ଟ ହୋଇଛି । ଅବଶ୍ୟ ଏହା ଏକ ବିରଳ ସଂକ୍ରମଣ, କିନ୍ତୁ ଏହାର ମୃତ୍ୟୁ ହାର ପ୍ରାୟ ୯୭ ପ୍ରତିଶତ ରହିଛି । ଏମିବା ପାଣିରେ ନାକ ଦେଇ ଶରୀରକୁ ପ୍ରବେଶ କରିପାରେ ଏବଂ ଏହା ନାକ ଦେଇ ମସ୍ତିଷ୍କକୁ ଯାଇଥାଏ । ବେନ୍ ଇଟିଂ ଏମିବା ପ୍ରାୟତ ଉଷ୍ମ ମଧୁର ଜଳ ହ୍ରଦ, ନଦୀ, କେନାଲ ଏବଂ ପୋଖରୀରେ ବୃଦ୍ଧି ପାଇଥାଏ ।

ଲକ୍ଷଣ :-
ଇସ୍ରୋରେ ଇଟିଂ ଏମିବାର ମୃତ୍ୟୁ ମାମଲା ସାମ୍ନାକୁ ଆସିବା ପରେ ସ୍ୱାସ୍ଥ୍ୟ ମନ୍ତ୍ରଣାଳୟ ସେହି ଯୁବକଙ୍କର ନମୁନାକୁ ଆମେରିକାର ରୋଗ ନିୟନ୍ତ୍ରଣ ଏବଂ ନିରାକରଣ କେନ୍ଦ୍ରକୁ ପଠାଇଥିଲା । ଏହା ପ୍ରାରମ୍ଭିକ ପର୍ଯ୍ୟାୟରେ ନାକ ମାଧ୍ୟମରେ ହୋଇଥାଏ ଓ କିଛି ଲକ୍ଷଣ ଦେଖାଇଥାଏ । ଯେପରିକି…
– ପ୍ରବଳ ମୁଣ୍ଡବିନ୍ଧା ।
– ଅଧିକ ଜ୍ୱର ଏବଂ ବାନ୍ତି
– ଶରୀର ଯନ୍ତ୍ରଣା, ବେକରେ ଯନ୍ତ୍ରଣା
– ମତିଭ୍ରମ କିମ୍ବା ହାଲୁସିନାସନ୍ ବିକାଶ ।