ସୁପ୍ରିମକୋର୍ଟଙ୍କ ନିର୍ଦ୍ଦେଶରେ ଅଟକିଲା କଂଗ୍ରେସ ନେତା ପୱନ ଖେରାଙ୍କ ଗିରଫ, ସୋମବାର ହେବ ଶୁଣାଣି

ନୂଆଦିଲ୍ଲୀ: କଂଗ୍ରେସ ନେତା ପୱନ ଖେରାଙ୍କୁ ଆଶ୍ୱସ୍ତି ମିଳିଛି । ସୁପ୍ରିମକୋର୍ଟ ତାଙ୍କ ଗିରଫଦାରି ଉପରେ ସ୍ଥଗିତାଦେଶ ଜାରି କରିଛନ୍ତି । ଏହା ସହ ତାଙ୍କ ବିରୋଧରେ ସମସ୍ତ ଏଫଆଇଆର କପିକୁ ଏକତ୍ର ଦାଖଲ କରିବାକୁ ଆଦେଶ ଦିଆଯାଇଛି । ସୁପ୍ରିମକୋର୍ଟ ଆଦେଶ ଦେଇ କହିଛନ୍ତି ଯେ, ଦିଲ୍ଲୀର ନିମ୍ନ ଅଦାଲତ ଆଜି ସଂଧ୍ୟା ସୁଦ୍ଧା ପୱନ ଖେରାଙ୍କୁ ଅନ୍ତରିଣ ଜାମିନ ପ୍ରଦାନ କରିବେ । ସୋମବାର ଏହି ମାମଲାର ପରବର୍ତ୍ତୀ ଶୁଣାଣି ହେବ ।

ଗୁରୁବାର ଦ୍ୱିପ୍ରହରରେ ଦିଲ୍ଲୀ ଏୟାରପୋର୍ଟରୁ ତାଙ୍କୁ ଗିରଫ କରାଯାଇଥିଲା । ପବନ ଖେଡ଼ା କଂଗ୍ରେସ ନେତାମାନଙ୍କ ସାଙ୍ଗେ ରାୟପୁରରେ ହେବାକୁ ଥିବା କଂଗ୍ରେସ ଅଧିବେଶନରେ ସାମିଲ ହେବା ପାଇଁ ଇଣ୍ଡିଗୋ ଫ୍ଲାଇଟରେ ଆସୁଥିଲେ । ଏୟାରପୋର୍ଟରେ ପହଁଚିବା ମାତ୍ରେ ଦିଲ୍ଲୀ ପୋଲିସ ସେମାନଙ୍କୁ ପ୍ଲାଇଟରୁ ବାହାରକରି ହେପାଜତରେ ନେଇଥିଲା । ଅସାମ ପୋଲିସର ସୁପାରିଶ କ୍ରମେ ଦିଲ୍ଲୀ ପୋଲିସ ତାଙ୍କୁ ଅଟକ ରଖିଛନ୍ତି, ଏନେଇ ଦିଲ୍ଲୀ ପୋଲିସ ଦାବି ଜଣାଇଛି ।

आज हम सभी Indigo की फ्लाइट से रायपुर जा रहे थे, तभी हमारे साथी @Pawankhera जी को झूठ बोलकर फ्लाइट से उतार दिया गया।

पुलिस ने हमें बताया कि असम पुलिस ने FIR दर्ज की है।

लेकिन पुलिस के पास किसी भी प्रकार का कोई लिखित गिरफ्तारी आर्डर नहीं है।

: @rssurjewala जी pic.twitter.com/1RJ90ctHzL

— Congress (@INCIndia) February 23, 2023

 

ପୱନ ଖେରାଙ୍କୁ ଗିରଫ କରିବା ବିରୋଧରେ ତାଙ୍କ ସହ ଉପସ୍ଥିତ ଥିବା କଂଗ୍ରେସ ନେତା ଏୟାରପୋର୍ଟରେ ଧାରଣାରେ ବସିଛନ୍ତି । କଂଗ୍ରେସ ଏହାକୁ ମୋଦୀ ସରକାରଙ୍କ ଷଡଯନ୍ତ୍ର ବୋଲି କହୁଛି । କେବଳ ଏତିକି ନୁହେଁ କଂଗ୍ରେସ ଏହି ମାମଲାକୁ ଛତିଶଗଡ଼ ରେ କଂଗ୍ରେସ ଅଧିବେଶନ ସହ ସଂଯୋଗ କରୁଛନ୍ତି । ରାୟପୁରରେ ହେବାକୁ ଥିବା ରାଷ୍ଟ୍ରୀୟ ଅଧିବେଶନକୁ ବାଧା ପହଁଚାଇବାକୁ ଚେଷ୍ଟା କରୁଛି ।