ପ୍ରାର୍ଥୀ ତାଲିକା ଘୋଷଣା କଲା କଂଗ୍ରେସ, ମୁଖ୍ୟମନ୍ତ୍ରୀ ଧାମୀଙ୍କ ବିରୋଧରେ ମଇଦାନକୁ ଓହ୍ଲାଇବେ ଭୁବନଚନ୍ଦ୍ର
ନୂଆଦିଲ୍ଲୀ: ଉତ୍ତରାଖଣ୍ଡ ନିର୍ବାଚନ ପାଇଁ କଂଗ୍ରେସ ନିଜ ପ୍ରାର୍ଥୀଙ୍କ ତାଲିକା ଜାରି କରିଛି । ପ୍ରଥମ ଲିଷ୍ଟରେ ଦଳ ପକ୍ଷରୁ ୫୩ ଆଶାୟୀ ପ୍ରାର୍ଥୀଙ୍କ ନାଁ ଘୋଷଣା କରାଯାଇଛି । ମୁଖ୍ୟମନ୍ତ୍ରୀ ପଷ୍କର ସିଂ ଧାମୀଙ୍କ ବିରୋଧରେ ଭୁବନଚନ୍ଦ୍ର କପରୀଙ୍କୁ ମଇଦାନଙ୍କୁ ଓହ୍ଲାଇଛି ଦଳ । ଅନ୍ୟପଟେ ବିଜେପି ପୁଣି କଂଗ୍ରେସକୁ ଆସିଥିବା ୟଶପାଲ ଆର୍ଯ୍ୟଙ୍କୁ ବାଜପୁରରୁ ଟିକେଟ୍ ଦିଆଯାଇଛି ।
ତେବେ ଯେଉଁ ଆସନକୁ ନେଇ ଏବେ ବି ବିବାଦ ଚାଲିଛି, ସେଠାରେ ଦୁହେଁ ହରିଶ ରାୱତ ଓ ପ୍ରୀତମ ସିଂହ ନିଜ ପ୍ରାର୍ଥୀ ଦେବାକୁ ଚାହୁଁଛନ୍ତି । ଏହି କାରଣ ଯୋଗୁଁ ସମସ୍ତ ପ୍ରାର୍ଥୀଙ୍କର କୌଣସି ଘୋଷଣା ଏପର୍ଯ୍ୟନ୍ତ କରାଯାଇ ନାହିଁ । ଉତ୍ତରାଖଣ୍ଡ ନିର୍ବାଚନ ବିଷୟରେ କହିବାକୁ ଗଲେ, ଫେବ୍ରୁଆରୀ ୧୪ରେ ଗୋଟିଏ ପର୍ଯ୍ୟାୟରେ ଭୋଟିଂ ହେବାକୁ ଯାଉଛି । ସେହିପରି ୧୦ ମାର୍ଚ୍ଚରେ ଅନ୍ୟ ରାଜ୍ୟ ପରି ଉତ୍ତରାଖଣ୍ଡରେ ଫଳାଫଳ ସାମ୍ନାକୁ ଆସିବ ।
