(Video) ଭୋଟ ଦେଇ ଆମେମାନେ କେବଳ କିଛି ଭ୍ରଷ୍ଟ ରାଜନେତାଙ୍କୁ ସୃଷ୍ଟି କରିଛେ, ADMଙ୍କ ବିବାଦୀୟ ମନ୍ତବ୍ୟ ଭାଇରାଲ୍
ନୂଆଦିଲ୍ଲୀ: ଅନେକ ସମୟରେ ସୋସିଆଲ ମିଡ଼ିଆରେ କିଛି ସରକାରୀ ଅଧିକାରୀଙ୍କ ବିବାଦୀୟ ବୟାନ ଭାଇରାଲ ହୋଇଥାଏ । ତେବେ ନିକଟରେ ଜଣେ ଏଡିଏମଙ୍କର ଏକ ବିବାଦୀୟ ବୟାନ ଭାଇରାଲ ହୋଇଛି । ଏଡିଏମ ଭିଡିଓରେ ଲୋକତନ୍ତ୍ରକୁ ଉପହାସ କରୁଥିବା ଦେଖାଯାଉଛି । ଲୋକମାନେ ଭୋଟ ଦେଇ କିଛି ଲାଭ ନାହିଁ ବୋଲି ସେ କହୁଥିବା ଭିଡିଓରେ ଦେଖାଯାଉଛି ।
ଭିଡିରେ ଏଡିଏମ କହୁଛନ୍ତି, ‘ଆଜି ପର୍ଯ୍ୟନ୍ତ ଆମେମାନେ ଭୋଟ୍ ଦେଇ କ’ଣ ହାସଲ କରିଛେ? ଭୋଟ ଦେଇ କେବଳ ଭ୍ରଷ୍ଟ ରାଜନେତାଙ୍କ ସୃଷ୍ଟି କରିଛେ । ଭୋଟ ଦେବା ଓ ଲୋକତନ୍ତ୍ରକୁ ମୁଁ ଦେଶର ସବୁଠାରୁ ବଡ଼ ଭୁଲ ବୋଲି ମାନୁଛି ।’ ତେବେ ଏହି ବିବାଦୀୟ ବୟାନ ଦେଇଛନ୍ତି ମଧ୍ୟପ୍ରଦେଶର ଶିବପୁରୀରେ କାର୍ଯ୍ୟରତ ଜଣେ ପଦସ୍ଥ ଅଧିକାରୀ ।
ଶିବପୁରୀ ଏଡିଏମ୍ ଉମେଶ ଶୁକ୍ଲାଙ୍କ ଏହି ବୟାନ ବର୍ତ୍ତମାନ ସୋସିଆଲ ମିଡ଼ିଆରେ ଖୁବ୍ ଭାଇରାଲ ହେବାରେ ଲାଗିଛି । ଗୋଟିଏ ପଟେ ନିର୍ବାଚନ ଆୟୋଗ ଭୋଟିଂ ପ୍ରତିଶତ ବୃଦ୍ଧି ନେଇ ବିଭିନ୍ନ ଅଭିଯାନ ଚଳାଇଛନ୍ତି । ଅନ୍ୟପଟେ ଜଣେ ସରକାରୀ ଅଧିକାରୀ ଲୋକତନ୍ତ୍ର ବ୍ୟବସ୍ଥା ଉପରେ ପ୍ରଶ୍ନବାଚୀ ସୃଷ୍ଟି କରୁଛନ୍ତି । ତେବେ ସରକାରଙ୍କ ଉଚ୍ଚ ପଦରେ ଅଧିଷ୍ଠିତ ଜଣେ ଅଧିକାରୀ ଯଦି ଲୋକତନ୍ତ୍ରର ଏପରି ମଜାକ ଉଡ଼ାଇବେ, ତେବେ ସାଧାରଣ ଜନତାଙ୍କ ଠାରୁ କ’ଣ ଆଶା କରିବା ବୋଲି ଜଣେ ୟୁଜର କମେଣ୍ଟ କରିଛନ୍ତି । ବର୍ତ୍ତମାନ ସୁଦ୍ଧା ଉକ୍ତ ଅଧିକାରୀଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନଥିବା ଜଣାପଡ଼ିଛି ।
जब कुर्सी पर बैठे अपर कलेक्टर जैसे अफसर ही लोकतंत्र का मजाक उड़ाएंगे, तो बाकी लोगों से क्या उम्मीद करें?
साहब कह रहे हैं कि लोकतंत्र इस देश की सबसे बड़ी गलती है। हमने और आपने वोट डालकर क्या कर लिया? भ्रष्ट नेता पैदा किए…@TV9Bharatvarsh@TV9MPCG @ChouhanShivraj @OfficeOfKNath pic.twitter.com/KDpT0xejK6— Makarand Kale (@makarandkale) July 13, 2022