ରେପ୍ ପୀଡିତା ନାବାଳିକାକୁ ଗର୍ଭପାତର ଅନୁମତି ଦେଲେନାହିଁ ହାଇକୋର୍ଟ, ଡାକ୍ତର କହିଥିଲେ କି, ‘ଶିଶୁ ଜୀବନ୍ତ ଜନ୍ମ ହେବ’
ନୂଆଦିଲ୍ଲୀ: ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ବମ୍ବେ ହାଇକୋର୍ଟର ଔରଙ୍ଗାବାଦ ବେଞ୍ଚ ଜଣେ ୧୫ ବର୍ଷୀୟା ରେପ୍ ପୀଡିତା ନାବାଳିକାଙ୍କ ୨୮ ସପ୍ତାହ ଗର୍ଭଧାରଣକୁ ନଷ୍ଟ କରିବାର ଅନୁମତି ଦେବାକୁ ମନା କରିଛନ୍ତି । ଡାକ୍ତରମାନେ କୋର୍ଟରେ କହିଥିଲେ ଯେ, ଏହି ସମୟରେ ବାଧ୍ୟତାମୂଳକ ପ୍ରସବ କରିବା ଦ୍ୱାରା ଶିଶଷୁ ଜୀବନ୍ତ ଜନ୍ମ ହେବ ଓ ତାକୁ ଗୁରୁତର ଦେଖାଶୁଣା କରିବାକୁ ପଡ଼ିବ ।
ମୁମ୍ବାଇ ହାଇକୋର୍ଟର ଜଷ୍ଟିସ୍ ଆର.ଭି ଘୁଗେ ଏବଂ ଜଷ୍ଟିସ୍ ୟ.ଜି ଖୋବ୍ରାଗଡେଙ୍କ ଏକ ଡିଭିଜନ୍ ବେଞ୍ଚ ବଳାତ୍କାର ପୀଡିତାଙ୍କ ମାଆଙ୍କ ଦ୍ୱାରା ଦାଖଲ ହୋଇଥିବା ଆବେଦନକୁ ଜବାବ ଦେବାବେଳେ ଗର୍ଭପାତ କରିବାକୁ ଅନୁମତି ଦେବାକୁ ମନା କରି ଦେଇଛନ୍ତି ।
ଆବେଦନରେ କ’ଣ ଦାବି କରାଯାଇଥିଲା?
ନାବାଳିକା ରେପ୍ ପୀଡିତାଙ୍କ ମା ଙ୍କ ଦ୍ୱାରା ଦାଖଲ ହୋଇଥିବା ଆବେଦନରେ ସେ ତାଙ୍କ ଝିିଅର ୨୮ ସପ୍ତାହ ଗର୍ଭଧାରଣକୁ ଗର୍ଭପାତ କରିବାକୁ ଅନୁମତି ମାଗିଥିଲେ । ଏହି ଆବେଦନରେ ମାଆଙ୍କ ପକ୍ଷରୁ କୁହାଯାଇଛି ଯେ, ଫେବୃଆରୀରେ ତାଙ୍କ ଝିଅ ନିଖୋଜ ହୋଇଯାଇଥିଲେ ଏବଂ ତିନି ମାସ ପରେ ରାଜସ୍ଥାନରେ ମିଳିଥିଲେ । ଯେଉଁଠାରେ ଜଣେ ପୁରୁଷ ତାଙ୍କୁ ବଳାତ୍କାର କରିଥିଲା, ଯେଉଁଥିପାଇଁ ସେ ଗର୍ଭବତୀ ହୋଇଥିଲେ । ପୋସ୍କୋ ଅଧିନିୟମ ଅନୁଯାୟୀ ଅଭିଯୁକ୍ତଙ୍କ ବିରୋଧରେ ଏକ ମାମଲା ରୁଜୁ ହୋଇଥିଲା । ଅନ୍ୟପଟେ ଝିଅ ତାଙ୍କ ପରିବାରକୁ ଫେରି ଆସିଥିଲେ ।
ଡାକ୍ତରଙ୍କ ମତାମତ କ’ଣ ଥିଲା?
ନାବାଳିକାକୁ ପରୀକ୍ଷା କରିଥିବା ମେଡିକାଲ ବୋର୍ଡ କହିଛି ଯେ, ନାବାଳିକାକୁ ଗର୍ଭପାତ କରାଗଲେ ମଧ୍ୟ ଶିଶୁଟି ଜୀବନ୍ତ ଜନ୍ମ ହେବ । ଏହା ସହିତ ଉଭୟ ନବଜାତ ଶିଶୁ ଏବଂ ଝିଅ ବିପଦରେ ପଡ଼ିବେ ଏବଂ ଶିଶୁକୁ ମଧ୍ୟ ଅଧିକ ଦେଖାଶୁଣା କରିବାକୁ ପଡ଼ିବ । ବମ୍ବେ ହାଇକୋର୍ଟର ଏକ ବେଞ୍ଚ ଚିନ୍ତା ପ୍ରକଟ କରିଛି ଯେ, ଏହି ମାମଲାରେ ବାଧ୍ୟତାମୂଳକ ପ୍ରସବ ସମ୍ଭାବ୍ୟ ବିକଳାଙ୍ଗ ଶିଶୁର ଜନ୍ମ ହୋଇପାରେ ।
ହାଇକୋର୍ଟ କହିଛନ୍ତି ଯେ, ଯଦି କୌଣସି କ୍ଷେତ୍ରରେ ଶିଶୁ ଜନ୍ମ ହେବାକୁ ଯାଉଛି ଏବଂ ପ୍ରାକୃତିକ ପ୍ରସବ ମାତ୍ର ୧୨ ସପ୍ତାହ ବାକି ଅଛି, ତେବେ ଆମେ ଶିଶୁଙ୍କ ସ୍ୱାସ୍ଥ୍ୟ ଏବଂ ଏହାର ଶାରୀରିକ-ମାନସିକ ବିକାଶକୁ ବିଚାର କରିବା ଆବଶ୍ୟକ ।
ଛୁଆକୁ ଅନାଥ ଆଶ୍ରମକୁ ଦେବା ପାଇଁ ନାବାଳିକାକୁ ମିଳିବ ସ୍ୱାଧୀନତା – ବମ୍ବେ ହାଇକୋର୍ଟ
ବମ୍ବେ ହାଇକୋର୍ଟ କହିଛନ୍ତି ଯେ, ଆଜି ବି ଯେତେବେଳେ ଏକ ଜୀବନ୍ତ ଶିଶୁ ଜନ୍ମ ହେବାକୁ ଯାଉଛି, ଆମେ ୧୨ ସପ୍ତାହ ପରେ ଏବଂ ଡାକ୍ତରୀ ପରାମର୍ଶରେ ଶିଶୁକୁ ଜନ୍ମ ଦେବାକୁ ଅନୁମତି ଦେଇପାରିବା । ଯଦି ପରେ ଆବେଦନକାରୀ ପିଲାଟିକୁ ଏକ ଅନାଥ ଆଶ୍ରମକୁ ଦେବାକୁ ଚାହାଁନ୍ତି, ତେବେ ସେ ଏହା କରିବାକୁ ସ୍ୱାଧୀନ ହେବେ । ହାଇକୋର୍ଟ କହିଛନ୍ତି ଯେ, ଯଦି ପିଲାଟି ଭଲ ଭାବରେ ବିକଶିତ ହୁଏ ଏବଂ ସ୍ୱାଭାବିକ ଭାବରେ ପୂର୍ଣ୍ଣକାଳୀନ ଅବଧି ଶିଶୁ ଭାବରେ ଜନ୍ମ ହୁଏ ତେବେ କୌଣସି ବିକଳାଙ୍ଗତା ହେବ ନାହିଁ ଏବଂ ପୋଷ୍ୟ ସନ୍ତାନ ଗ୍ରହଣ ହେବାର ସମ୍ଭାବନା ବଢ଼ିବ ।