ମକରରେ ବଡ଼ ଅଘଟଣ; ଓଲଟିଲା ଡାଲା ଅଟୋ, ୧୩ ଆହତ, ୨ ଗୁରୁତର

ଆସିକା: ଆଜି ମକର ସଂକ୍ରାନ୍ତି ଅବସରରେ ଘଟିଯାଇଛି ବଡ଼ ଅଘଟଣ । ଡାଲା ଅଟୋ ଓଲଟି ୧୩ ଜଣ ଆହତ ହୋଇଥିବା ବେଳେ ଦୁଇ ଜଣ ଗୁରୁତର ଥିବା ଜଣାପଡ଼ିଛି ।

ପବିତ୍ର ମକର ବୁଡ଼ ପକାଇବାକୁ ଯାଉଥିବା ବେଳେ ଏହି ଅଘଟଣ ଘଟିଥିଲା । ଡାଲା ଅଟୋରେ ମୋଟ୍ ୧୫ ଜଣ ମହିଳା ବସିଥିବା ସୂଚନା ।

ଆସିକା ପୁଡୁଗେଶ୍ୱର ମନ୍ଦିର ନିକଟରେ ଘଟିଥିବା ଏହି ଦୁର୍ଘଟଣାକୁ ନେଇ ଘଟଣାସ୍ଥଳରେ ଉତ୍ତେଜନା ଦେଖାଦେଇଥିଲା । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ସମସ୍ତ ଆହତଙ୍କୁ ଆସିକା ମେଡିକାଲ ଉପଖଣ୍ଡ ମେଡିକାଲରେ ଭର୍ତ୍ତି କରାଇଥିଲେ ।