‘ନିଜ ସମସ୍ୟାର ସମାଧାନ ନିଜେ କର’, ପେଶୱାର ବିସ୍ଫୋରଣରେ ପାକିସ୍ତାନକୁ ଆଇନା ଦେଖାଇଲା ତାଲିବାନ
ନୂଆଦିଲ୍ଲୀ: ପାକିସ୍ତାନରେ ପେଶୱାରରେ ଏକ ମସଜିଦରେ ହୋଇଥିବା ବିସ୍ପୋରଣରେ ୧୦୦ରୁ ଅଧିକ ଲୋକଙ୍କର ମୃତ୍ୟୁ ହୋଇଛି। ମିଡିଆ ରିପୋର୍ଟ ଅନୁଯାୟୀ ‘ତେହେରିକ-ଏ-ତାଲିବାନ’ ନାମକ ଏକ ଆତଙ୍କବାଦୀ ସଂଗଠନ ଏହି ଆକ୍ରମଣ ପାଇଁ ଦାୟୀ କରିଛି। ଯଦିଓ ପାକିସ୍ତାନ ଦାବି କରିଛି ଯେ ଆତଙ୍କବାଦୀମାନେ ଆଫଗାନିସ୍ତାନ ସୀମା ନିକଟରେ ଏକାଠି ହୋଇଛନ୍ତି। ଏହାପୂର୍ବରୁ ପାକିସ୍ତାନ ଅଭିଯୋଗ କରିଛି ଯେ ଆଫଗାନିସ୍ତାନ ତାଲିବାନ ପାକିସ୍ତାନ ବିରୁଦ୍ଧରେ ନିଜର ମାଟି ବ୍ୟବହାର କରୁଛି।
ବର୍ତ୍ତମାନ ପାକିସ୍ତାନର ଏହି ଅଭିଯୋଗ ଉପରେ ତାଲିବାନ ବୈଦେଶିକ ମନ୍ତ୍ରୀ ଆମିର ଖାନ ମୁଟାକି ନିଜର ପ୍ରତିକ୍ରିୟା ଦେଇଛନ୍ତି। ଆଫଗାନିସ୍ତାନର ବିଦେଶ ମନ୍ତ୍ରୀ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି, ‘ପାକିସ୍ତାନ ନିଜେ ନିଜ ସମସ୍ୟାର ଯତ୍ନ ନେବା ଉଚିତ୍। ପେଶୱାର ମସଜିଦ ଆକ୍ରମଣ ପାଇଁ ଆଫଗାନିସ୍ତାନକୁ ଦାୟୀ କରିବା ବନ୍ଦ କରନ୍ତୁ।’
ଏହା ସହିତ ସେ ଆଫଗାନିସ୍ତାନ ତାଲିବାନ ବୈଦେଶିକ ମନ୍ତ୍ରୀ ଆମିର ଖାନ ମୁଟାକ୍କି ମନ୍ତ୍ରୀ ମଧ୍ୟ ତାଙ୍କ ଦେଶ ଆତଙ୍କବାଦର କେନ୍ଦ୍ର ବୋଲି ପାକିସ୍ତାନର ଦାବିକୁ ଖଣ୍ଡନ କରିଛନ୍ତି । ସେ କହିଛନ୍ତି, ‘ଯଦି କେହି କହିଥଲେ ଯେ ଆଫଗାନିସ୍ତାନ ଆତଙ୍କବାଦର କେନ୍ଦ୍ର ଅଟେ, ତେବେ ଆତଙ୍କବାଦ ତାଜିକିସ୍ତାନ, ଉଜବେକିସ୍ତାନ, ତୁର୍କମେନିସ୍ତାନ ଏବଂ ଇରାନରେ ମଧ୍ୟ ପହଞ୍ଚିଥାନ୍ତା । ବାସ୍ତବରେ ସେପରି କିଛି ନାହିଁ । ସେ କହିଛନ୍ତି ଯେ ଆଫଗାନିସ୍ତାନ ଆଜି ଅନ୍ୟ ପଡୋଶୀ ଦେଶ ସହ ଶାନ୍ତିରେ ଅଛି । ଏହା ପ୍ରମାଣ କରେ ଯେ ଆଫଗାନିସ୍ତାନ ଆତଙ୍କବାଦର କେନ୍ଦ୍ର ହେବା ଭଳି କିଛି ନାହିଁ ।
