ନିଆଁ ଲାଗି ଜଳିଗଲା ୨୦୦ କାର, ୨୫୦ ବାଇକ
ନୂଆଦିଲ୍ଲୀ: ଦିଲ୍ଲୀର ମାଲଖାନା ଅଞ୍ଚଳରେ ବ୍ୟାପକ ଅଗ୍ନିକାଣ୍ଡ ଯୋଗୁଁ ଉତ୍ତେଜନା ଦେଖାଦେଇଛି। ଯେଉଁଠାରେ ଅଗ୍ନିକାଣ୍ଡ ଘଟିଛି ତାହା ପ୍ରାୟ ୫୦୦ ବର୍ଗ ଫୁଟର ଅଞ୍ଚଳ ଅଟେ। ଏଠାରେ ପ୍ରାୟ ୨୦୦ ଚାରି ଚକିଆ ଏବଂ ୨୫୦ ଦୁଇ ଚକିଆ ଯାନ ଥିଲା। ଅଗ୍ନିକାଣ୍ଡ ଯୋଗୁଁ ଶହ ଶହ ଗାଡି ଜଳିପୋଡି ପାଉଁଶ ହୋଇଯାଇଛି।
ଜାନୁଆରୀ ୨୯ରେ ଦିଲ୍ଲୀ ପୋଲିସ ଅଗ୍ନିକାଣ୍ଡ ସମ୍ପର୍କରେ ସୂଚନା ପାଇଥିଲା। ଯେଉଁଠାରେ ଅଗ୍ନିକାଣ୍ଡ ଘଟିଥିଲା ସେହି ଅଞ୍ଚଳକୁ ମାଲଖାନାର ପିଟିଏସ୍ ୱାଜିରାବାଦ କୁହାଯାଏ। ଘଟଣାସ୍ଥଳରେ ୫ଟି ଅଗ୍ନିଶମ ବାହିନୀ ପଠାଯାଇଛି। ତେବେ ଏହି ଘଟଣାରେ କୌଣସି ପ୍ରାଣହାନୀ ଘଟି ନାହିଁ।
ୱାଜିରାବାଦ ପୋଲିସ ଷ୍ଟେସନର ଗୋଦାମରେ ଏହି ଅଗ୍ନିକାଣ୍ଡ ଘଟିଛି। ଅଗ୍ନିକାଣ୍ଡରେ ୨୫୦ ଦୁଇ ଚକିଆ ଯାନ ଏବଂ ୨୦୦ ଚାରି ଚକିଆ ଯାନ କ୍ଷତିଗ୍ରସ୍ତ ହୋଇଛି। ତେବେ ପରେ ଅଗ୍ନିଶମ ବିଭାଗ ନିଆଁକୁ ନିୟନ୍ତ୍ରଣ କରିଥିଲା। ଅଗ୍ନିଶମ କର୍ମଚାରୀଙ୍କୁ ନିଆଁ ଲିଭାଇବାରେ ବହୁ ଅସୁବିଧାର ସମ୍ମୁଖୀନ ହେବାକୁ ପଡିଥିଲା।