ବଜାରରେ ଅଭାବୀ ବିକ୍ରିରୁ ହେଉଛି କ୍ଷତି, ୬,୬୦୦ କର୍ମଚାରୀଙ୍କୁ ଛଟେଇ କରିବ Dell
ନୂଆଦିଲ୍ଲୀ: ବିଶ୍ୱ ବଜାରରେ ବର୍ତ୍ତମାନ ଛଟେଇ ପର୍ବ ଚାଲିଥିବା ବେଳେ ଏହି ଧାରାରେ ସାମିଲ ହୋଇଛି କମ୍ପ୍ୟୁଟର ଉତ୍ପାଦନକାରୀ କମ୍ପାନୀ ଡେଲ୍ । ବଜାରରେ ଚାହିଦାକୁ ହ୍ରାସ ପାଇବା କାରଣରୁ ହେଉଥିବା କ୍ଷତି କାରଣରୁ ‘ଡେଲ ଟେକ୍ନୋଲୋଜି ଇନକର୍ସ’, ପ୍ରାୟ ୬,୬୫୦ କର୍ମଚାରୀଙ୍କୁ ଛଟେଇ ଘୋଷଣା କରିବ । ବିଶ୍ୱ ବଜାରରେ ଦେଖା ଦେଇଥବା ମାନ୍ଦାବସ୍ଥା ଏବଂ ଏକ ଅନିଶ୍ଚିତ ଭବିଷ୍ୟତ ସହିତ କ୍ଷୟ ହେବାରେ ଲାଗିଛି ବୋଲି ସହ-ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଜେଫ କ୍ଲାର୍କ ଏକ ମେମୋରେ କହିଛନ୍ତି ।
କରୋନା ମହାମାରୀ ସମୟରେ ଅନ୍ୟ କମ୍ପ୍ୟୁଟର ଉତ୍ପାଦନକାରୀ କମ୍ପାନୀ ପରି ଡେଲ୍ର ମଧ୍ୟ ଚାହିଦା ବୃଦ୍ଧି ପାଇଥିଲା । ଇଣ୍ଡଷ୍ଟ୍ରି ଆନାଲିଷ୍ଟ ଆଇଡିସି କହିଛି ଯେ ପ୍ରାଥମିକ ତଥ୍ୟ ଦର୍ଶାଏ ଯେ ୨୦୨୨ ର ଚତୁର୍ଥ ତ୍ରୈମାସିକରେ ବ୍ୟକ୍ତିଗତ କମ୍ପ୍ୟୁଟର ଯୋଗାଣ ହ୍ରାସ ପାଇଛି । ପ୍ରମୁଖ କମ୍ପାନୀଗୁଡିକ ମଧ୍ୟରେ ଡେଲ ସର୍ବାଧିକ ହ୍ରାସ ପାଇଛି । ଯାହା ୨୦୨୧ ମସିହାର ସମାନ ସମୟ ତୁଳନାରେ ୩୭% । ଡେଲ କମ୍ପ୍ୟୁଟର ବିକ୍ରିରୁ ଏହାର ଆୟର ପ୍ରାୟ ୫୫% ଉତ୍ପାଦନ କରେ ।
କ୍ଲାର୍କ କର୍ମଚାରୀ ମାନଙ୍କୁ କହିଥିଲେ ଯେ, ନୂତନ ନିଯୁକ୍ତି ଉପରେ ବ୍ରେକ୍ ଆଦି ଉପାୟ ସାମିଲ କରି ପୂର୍ବ ଖର୍ଚ୍ଚ କାଟ ପଦକ୍ଷେପ ବର୍ତ୍ତମାନ ଆଉ ପର୍ଯ୍ୟାପ୍ତ ନୁହେଁ । ଚାକିରି ହ୍ରାସ ସହିତ ବିଭାଗର ପୁନର୍ଗଠନ, ବୃଦ୍ଧି କରିବା ପାଇଁ ଏକ ସୁଯୋଗ ଭାବରେ ବିବେଚନା କରାଯାଏ ବୋଲି ମୁଖପାତ୍ର କହିଛନ୍ତି ।
ଗତ କିଛି ମାସ ମଧ୍ୟରେ ଡେଲ୍ର ଅନେକ ପ୍ରତିଯୋଗୀଙ୍କ ଅନେକ ଟେକ୍ ସେକ୍ଟର କାମ୍ପାନୀ ଏହାର କର୍ମଚାରିଙ୍କୁ ଛଟେଇ କରିଛନ୍ତି । ସେହିପରି ଏଚ୍ପି ନଭେମ୍ବରରେ ପ୍ରାୟ ୬,୦୦୦ ଶ୍ରମିକ ହ୍ରାସ କରିବାକୁ ଘୋଷଣା କରିଥିଲା । ତେବେ ରିପୋର୍ଟ ଅନୁଯାୟୀ ୨୦୨୨ ମସିହାରେ ଟେକ୍ ସେକ୍ଟର ୯୭,୧୭୧ ଚାକିରି ହ୍ରାସ ଘୋଷଣା କରିଛି, ଯାହା ପୂର୍ବ ବର୍ଷ ତୁଳନାରେ ୬୪୯% ବୃଦ୍ଧି ପାଇଛି ।
