ସକାଳୁ ଉଠିବାକୁ ଅଳସ ଲାଗୁଛି କି ? ତେବେ ଆପଣାନ୍ତୁ ଏହି ଉପାୟ
ଆଜିକାଲି ଟେକ୍ନୋଲୋଜି ଯୁଗରେ ସକାଳୁ ଉଠିବା ବଡ ସମସ୍ୟା । ମୋବାଇଲ୍, କମ୍ପୁଟର୍ ସାମ୍ନାରେ ବିଳମ୍ବିତ ରାତ୍ରୀ ପର୍ଯ୍ୟନ୍ତ ଚେଇଁ ରହୁଥିବା ଲୋକଙ୍କ ପାଇଁ ସକାଳୁ ଉଠିବା ଅସମ୍ଭବ ପରି ଲାଗୁଛି । ଯଦି ବି କିଛି କାମ ପାଇଁ ଆମକୁ ସକାଳୁ ଉଠିବାକୁ ପଡ଼ିଥାଏ ନିଦ କିନ୍ତୁ ସହଜରେ ଛାଡ଼ି ନଥାଏ। ଆଖି ଭାରି ଭାରି ଲାଗିଥାଏ। ମୁଣ୍ଡ ଓଜନିଆ ଲାଗେ। ତେବେ ଆସନ୍ତୁ ଜାଣିବା ଏହି ସମସ୍ୟାକୁ ଦୂରେଇବା ପାଇଁ କିଛିଟା ଉପାୟ..
– ପ୍ରଥମ କଥା ତ ହେଉଛି ସକାଳୁ ଉଠିବା ପାଇଁ ଆମକୁ ପ୍ରଥମେ ରାତିରେ ଶୀଘ୍ର ଶୋଇବାକୁ ପଡ଼ିବ। ସେଥିପାଇଁ ଆପଣ ରାତିରେ ଶୋଇବା ପୂର୍ବରୁ ଏକଦମ ଥଣ୍ଡା ଖିରରେ ଚିନି ମିଶାଇ ପିଅନ୍ତୁ । ଏହା ଦ୍ୱାରା ନିଦ ଗାଢ଼ା ହୋଇଥାଏ ।
– ସକାଳୁ ଉଠୁ ଉଠୁ ଚା ବଦଳରେ ଗରମ ପାଣି ପିଅନ୍ତୁ ।
– ବେଶୀ ଜୋରରେ ଆଲାରାମ ଦେବା ଅପେକ୍ଷା କାନକୁ ଭଲ ଲାଗୁଥିଲା ଗୀତ ବା ରିଙ୍ଗଟୋନ ରଖନ୍ତୁ ।
– ପାରୁଛନ୍ତି ଯଦି ରାତିରେ ଝରକା ଖୋଲା କରି ଶୁଅନ୍ତୁ କିମ୍ବା ଭୋରୁ ଉଠିଥିଲେ ଖୋଲି ଦିଅନ୍ତୁ। ଘର ପୂରା ଅନ୍ଧାରିଆ ରହିଲେ ସମୟ ଜଣାପଡ଼େନି। ସକାଳ ସୂର୍ଯ୍ୟ କିରଣ ଝରକା ଦେଇ ଘରକୁ ପଶିଲେ ନିଦ ଭାଙ୍ଗିବା ସହଜ ହୋଇଥାଏ।
– ସକାଳୁ ଏମିତି କିଛି କାମ ରଖନ୍ତୁ ଯାହା କରିବାକୁ ଆପଣଙ୍କୁ ଖୁବ୍ ଭଲ ଲାଗେ। ଆଗ୍ରହ ଥିବା କାମ ରହିଲେ ନିଦ ସହଜରେ ଭାଙ୍ଗି ଯାଇଥାଏ।
– ରାତିରେ ପେଟ ପୂରା ପାଣି ପିଇକରି ଶୁଅନ୍ତ। ଫଳରେ ସକାଳ ହେବା ମାତ୍ରେ ଯେପରି ଆପଣଙ୍କୁ ଜୋର୍ ପରିଶ୍ର ଲାଗିବ। ଥରେ ବାଥ୍ରୁମ୍ ଯାଇ ଫେରିବା ପରେ ଆଉ ଶୋଇବାକୁ ଇଚ୍ଛା ହେବ ନାହିଁ।
