ଦାମ୍ପତ୍ୟ ଜୀବନକୁ ଖୁସିରେ ଭରିଦେବାକୁ ଚାଁହୁଛନ୍ତି କି ? ତେବେ ଆପଣାନ୍ତୁ ଏହି ଉପାୟ

ସମସ୍ତେ ନିଜ ଦାମ୍ପତ୍ୟ ଜୀବନକୁ ହସଖୁସିରେ ଭରି ନେବାକୁ ଚାହାନ୍ତି । ଏଥିପାଇଁ ଆପଣଙ୍କୁ ବାସ୍ତୁର କିଛିଟା ନିୟମ ପାଳନ କରିବାକୁ ପଡିବ । ଯେକୌଣସି ପରିବାରର ଉନ୍ନତି ଓ ଖୁସି ନିମନ୍ତେ ଦମ୍ପତିଙ୍କ ମଧ୍ୟରେ ଭଲ ପାଇବା, ବିଚାରଶକ୍ତି ,ବିଶ୍ୱାସ ରହିବା ନିତ୍ୟାନ୍ତ ଆବଶ୍ୟକ ଅଟେ। ମାତ୍ର ଯଦି କୋଣସି କାରଣରୁ ପତି-ପତ୍ନୀଙ୍କ ମଧ୍ୟ କଳହ ହେଉଥାଏ ଅଥବା ସର୍ବଦା ଅଶାନ୍ତି ଲାଗି ରହିଥାଏ, ତେବେ ଏହାର ପ୍ରଧାନ କାରଣ ବାସ୍ତୁ ଦୋଷ ହୋଇଥାଏ। ଏହି ସମସ୍ୟାକୁ ନିଜ ଜୀବନରୁ ଦୂର କରିବା ନିମନ୍ତେ ଆସନ୍ତୁ ଜାଣିବା କିଛି ସହଜ ଉପାୟ ..

– ଜଳ ସମ୍ବନ୍ଧୀୟ ବସ୍ତୁ, ତେଲ ଟିଣ, ଭଙ୍ଗା ଆଇନା, ଝାଡ଼ୁ, ରୋଷେଇ ସାମଗ୍ରୀ ଯଥା କଡ଼େଇ, ତାଟିଆ ଆଦି ଶୟନ କକ୍ଷରେ ରଖନ୍ତୁ ନାହିଁ।

– ଯଦି ନାରୀଟିଏ ନିଜ ହାତରେ ସବୁଜ ରଙ୍ଗର ଚୁଡ଼ି ପିନ୍ଧନ୍ତି , ତେବେ ଦାମ୍ପତ୍ୟ ଜୀବନରେ ଭଲ ପାଇବା ବୃଦ୍ଧି ହୋଇଥାଏ। ନିଜ ଶୋଇବା ଘରର କାନ୍ଥ ଗୋଲାପି କିମ୍ବା ଫିକା ହଳଦିଆ ରଙ୍ଗର ହେଲେ ବହୁତ ଭଲ ହୋଇଥାଏ।

– ମହିଳା ମାନେ ଦାନ କରିବା ସମୟରେ ସେହି ଦାନ ସାମଗ୍ରୀରେ ଲାଲ ସିନ୍ଦୂର, ଅତର, ଚଣା ଡ଼ାଲି, କେଶର ରଖନ୍ତୁ। ନିୟମିତ ନିଜ ଠାରୁ ବୟସରେ ବଡ଼ ନାରୀଙ୍କୁ ପ୍ରଣାମ କରିବା ଉଚିତ। ଏହା ଦ୍ୱାରା ଦାମ୍ପତ୍ୟ ଜୀବନ ସୁଖମୟ ହୋଇଥାଏ।

– ସଂପର୍କ ସୁଦୃଢ ପାଇଁ ପତ୍ନୀ, ପତିର ସର୍ବଦା ବାମ ପଟେ ଶୋଇବା ଉଚିତ। ଶୋଇବା ଘରେ ଠାକୁରଙ୍କ ଫଟୋ ରଖିବା ଉଚିତ ନୁହେଁ। ଏହା ଦ୍ୱାରା ଅଶାନ୍ତି ଲାଗି ରହିଥାଏ।