ଖାଲି ପେଟରେ ପାଣି ପିଇଲେ ହୁଏ ଏହିସବୁ ଚମତ୍କାରୀ ଫାଇଦା

ଓଡ଼ିଶା ଭାସ୍କର ବ୍ୟୁରୋ: ଆମେ ସମସ୍ତେ ଜାଣିଛୁ ଯେ, ଶରୀର ପାଇଁ ପାଣି ବହୁତ ଆବଶ୍ୟକ ହୋଇଥାଏ । ପୂରା ଦିନରେ ପାଖାପାଖି ୭ରୁ ୮ ଗ୍ଲାସ ପାଣି ପିଇବା ଦରକାର । ଉପଯୁକ୍ତ ପାଣି ପିଇବା ଦ୍ୱାରା ଶରୀରରୁ ଅଦରକାରୀ ପଦାର୍ଥ ବାହାରକୁ ବାହାରିଯାଏ ଓ ସ୍ୱାସ୍ଥ୍ୟ ବି ଭଲ ରହିଥାଏ । ଅନେକ ପ୍ରକାରର ରୋଗରୁ ମଧ୍ୟ ମୁକ୍ତି ପାଇଥାଉ । ସକାଳୁ ଉଠିବା ପରେ ଗୋଟିଏ ଗ୍ଲାସ୍ ପାଣି ପିଇଲେ ଦିନ ଖୁବ୍ ଭଲ ବିତିଥାଏ । ଏହାଦ୍ୱାରା ଶରୀରକୁ ଅନେକ ଫାଇଦା ମିଳେ । ଦିନରେ ୭ରୁ ୮ ଗ୍ଲାସ ପାଣି ପିଇବା ଦ୍ୱାରା ତ୍ୱଚା ଗ୍ଲୋ କରେ ।

ଖାଲି ପେଟରେ ପାଣି ପିଇବା ଦ୍ୱାରା ପେଟ ସଫା ହୋଇଥାଏ । ଏହାଦ୍ୱାରା ଶରୀରରେ ପାଚନ କ୍ରିୟା ସଠିକ୍ ଭାବରେ ହୋଇଥାଏ । ଖାଲି ସେତିକି ନୁହେଁ ତ୍ୱଚାରେ ପ୍ରାକୃତିକ ଗ୍ଲୋ ଆଣିବାକୁ ଚାହୁଁଥିଲେ ଖାଲି ପେଟରେ ପାଣି ପିଇବା ନିହାତି ଆବଶ୍ୟକ । ଏହା ଦ୍ୱାରା ରକ୍ତ ସଫା ହୁଏ ଓ ତ୍ୱଚା ସହିତ ଜଡ଼ିତ ସମସ୍ୟା ଦୂର ହୋଇଯାଏ ।

ସକାଳେ ଖାଲି ପେଟରେ ପାଣି ପିଇଲେ ଶରୀରର ମେଟାବୋଲିଜିମ୍ ବଢ଼ିଥାଏ । ଯାହାଦ୍ୱାରା ଶରୀରୂକୁ ଏକ୍ସଟ୍ରା ଫ୍ୟାଟ୍ କମିବାକୁ ଲାଗେ ଓ ମୋଟାପଣ ଦୁର ହୁଏ । ଏହା ବ୍ୟତୀତ ଉପଯୁକ୍ତ ପରିମାଣର ପାଣି ପିଇବା ଦ୍ୱାରା ଶରୀରରୁ ଅନେକ ରୋଗ ବି ଦୂର ହୋଇଯାଏ । ଯେମିତିକି କିଡନୀ ଜନିତ ରୋଗ, ଡାଇରିୟା, ମୁଣ୍ଡ ବିନ୍ଧା, ଗ୍ୟାସ୍ ଇତ୍ୟାଦି ।