ଅଧିକ ରାତି ପର୍ଯ୍ୟନ୍ତ ଫୋନ ବ୍ୟବହାର କିମ୍ବା ଅଫିସ କାମ କରୁଛନ୍ତି କି ? ସାବଧାନ ଏହି ଅଭ୍ୟାସ ତୁମର ପ୍ରଜନନ ଉପରେ କିପରି ପକାଇପାରେ ପ୍ରଭାବ

ନୂଆଦିଲ୍ଲୀ: ସୁସ୍ଥ ଜୀବନ ପାଇଁ ସୁସ୍ଥ ଖାଦ୍ୟ ଏବଂ ବ୍ୟାୟାମ ନିହାତି ଆବଶ୍ୟକ। କିନ୍ତୁ ଆପଣ ଜାଣନ୍ତି କି ଏହା ଆପଣଙ୍କ ପାଇଁ ଯେତିକି ଆବଶ୍ୟକ ଆଉ କିଛି କଥା ଅଛି ତାହା ମଧ୍ୟ ପାଳନ କରିବା ନିହାତି ଆବଶ୍ୟକ । ଆଜିକାଲି ବହୁ ଲୋକ ତାଙ୍କର ସମୟ ଫୋନ ରେ ବିତାଉଛନ୍ତି । ଆଉ ସ୍ୱାସ୍ଥ୍ୟ ବିଶେଷଜ୍ଞମାନଙ୍କ କହିବା ଅନୁସାରେ ଭଲ ନିଦ ସ୍ୱାସ୍ଥ୍ୟ ପାଇଁ ଭମଧ୍ୟ ଭଲ । ପୁଷ୍ଟିକର ଖାଦ୍ୟ ଏବଂ ବ୍ୟାୟାମ ପରି ଶୋଇବା ଆମ ସ୍ୱାସ୍ଥ୍ୟ ପାଇଁ ଗୁରୁତ୍ୱପୂର୍ଣ୍ଣ । ନିଦ୍ରାର ଅଭାବ ଅନେକ ଶାରୀରିକ ଏବଂ ମାନସିକ ସମସ୍ୟା ସୃଷ୍ଟି କରିପାରେ । ଚାପ-ଉଦାସୀନତା ଭଳି ସମସ୍ୟା ମଧ୍ୟ ଘଟିବା ଆରମ୍ଭ କରେ। ଏହି କାରଣରୁ ରକ୍ତଚାପ, ହୃଦରୋଗର ଆଶଙ୍କା ମଧ୍ୟ ବଢି ପାରେ। ଏହି କାରଣରୁ ସମସ୍ତଙ୍କୁ ୬ ରୁ ୮ ଘଣ୍ଟା ପର୍ଯ୍ୟାପ୍ତ ଶୋଇବା ଆବଶ୍ୟକ । କାରଣ ନିଦ୍ରାର ଅଭାବ ପ୍ରଜନନ ଉପରେ ନକାରାତ୍ମକ ପ୍ରଭାବ ପକେଇବା ସମେତ ଅନେକ ସମସ୍ୟା ସୃଷ୍ଟି କରେ ।

ରୋଗ ନିୟନ୍ତ୍ରଣ ଏବଂ ପ୍ରତିରୋଧ କେନ୍ଦ୍ର ଅନୁଯାୟୀ, ଯଦି ଆପଣ ପର୍ଯ୍ୟାପ୍ତ ପରିମାଣରେ ଶୋଇପାରୁ ନାହାଁନ୍ତି, ତେବେ ଏହା ଆପଣଙ୍କ ପ୍ରଜନନ ହରମୋନ୍ ଉପରେ ପ୍ରଭାବ ପକାଇପାରେ। ନିଦ୍ରାର ଅଭାବ ହେତୁ ଏହା ମହିଳାମାନଙ୍କଠାରେ ଓ ପୁରୁଷମାନଙ୍କଠାରେ ଶୁକ୍ରାଣୁ ଉପରେ ନକାରାତ୍ମକ ପ୍ରଭାବ ପକାଇଥାଏ। ଅଧ୍ୟୟନ ଅନୁଯାୟୀ, ଯଦି ମହିଳାମାନେ ଦୀର୍ଘ ସମୟ ପର୍ଯ୍ୟନ୍ତ ନିଦ ସଂପୂର୍ଣ୍ଣ କରନ୍ତି ନାହିଁ, ତେବେ ଇଷ୍ଟ୍ରୋଜେନ୍, ପ୍ରୋଜେଷ୍ଟେରନ୍, ପ୍ରୋଲାକ୍ଟିନ୍ ଏବଂ ଲ୍ୟୁଟିନାଇଜିଂ ପରି ପ୍ରଜନନ ହରମୋନ୍ ଉପରେ ଏହାର ସିଧାସଳଖ ପ୍ରଭାବ ପକାଇଥାଏ ଏବଂ ଏହା ବନ୍ଧ୍ୟାକରଣ ସମସ୍ୟା ସୃଷ୍ଟି କରିପାରେ ।

ବୈଜ୍ଞାନିକମାନେ କହିଛନ୍ତି ଯେ ପୁରୁଷମାନଙ୍କଠାରେ ସୁସ୍ଥ ଶୁକ୍ରାଣୁ ଉତ୍ପାଦନରେ ଟେଷ୍ଟୋଷ୍ଟେରନ୍ ହରମୋନ୍ ସବୁଠାରୁ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ। ଯେତେବେଳେ ଆପଣ ଶୋଇବେ, ଏହି ହରମୋନ୍ କେବଳ ଶୋଇବା ସମୟରେ ଅଧିକ ଉତ୍ପନ ହୋଇଥାଏ । ବୋଷ୍ଟନ୍ ୟୁନିଭରସିଟିର ଅନୁସନ୍ଧାନକାରୀ ଦଳ ତଥା ଏପିଡେମୋଲୋଜି ପ୍ରଫେସର ଲୌରେନ୍ ୱାଇଜ୍ ଙ୍କ ଅନୁଯାୟୀ, ଅନେକ ଅଧ୍ୟୟନରୁ ଜଣାପଡିଛି ଯେ ପର୍ଯ୍ୟାପ୍ତ ପରିମାଣର ଶୋଇଥିବା ଲୋକଙ୍କ ମଧ୍ୟରେ ଟେଷ୍ଟୋଷ୍ଟେରନ୍ ସ୍ତର ପ୍ରଜନନ ପାଇଁ ସଠିକ୍ ରହିଥାଏ। ଏଥି ସହିତ, କମ୍ ନିଦ ହେତୁ ପ୍ରଜନନ ସମସ୍ୟା ହେବାର ଆଶଙ୍କା ଅଧିକ ରହିଥାଏ ।

ବୋଷ୍ଟନ୍ ୟୁନିଭର୍ସିଟି ସ୍କୁଲ୍ ଅଫ୍ ପବ୍ଲିକ୍ ହେଲ୍ଥ ଏକ ଅଧ୍ୟୟନରେ ୭୯୦ ଦମ୍ପତିଙ୍କ ଉପରେ ଗବେଷଣା କରିଥିଲେ। ଅନେକ ସ୍ତରରେ ଅନୁସନ୍ଧାନ ପରେ, ଏହା ଜଣାପଡିଛି ଯେ ଏପରି ବ୍ୟକ୍ତି ଯେଉଁମାନେ ପ୍ରତିଦିନ ୬ ଘଣ୍ଟା ଶୋଇଥାନ୍ତି, ସେମାନଙ୍କର ଗର୍ଭଧାରଣ ସହିତ ଜଡିତ ସମସ୍ୟା ହେବାର ଆଶଙ୍କା ଅଧିକ ଥାଏ। ଯେଉଁ ପୁରୁଷମାନେ ବହୁତ କମ୍ କିମ୍ବା ଅଧିକ ସମୟ ଶୋଇଥିଲେ ସେମାନେ ୪୨% ଅଧିକ ପ୍ରଜନନ ସମସ୍ୟା ଦେଖାଦେଇଥିଲେ । ତେଣୁ ଯେଉଁମାନେ ଅଧିକ ସମୟ ପର୍ଯ୍ୟନ୍ତ ଅନିଦ୍ରା ରହୁଛନ୍ତି ତାଙ୍କୁ ଏହି ସମସ୍ୟା ଦେଖା ଦିଏ । ତେଣୁ ପର୍ଯ୍ୟାପ୍ତ ପରିମାଣରେ ନିଦ ଅବଶ୍ୟ ।