କରୋନା ଆକ୍ରାନ୍ତଙ୍କୁ ଦିଆଗଲା ପ୍ରଥମ ପ୍ଲାଜ୍ମା ଥେରାପି
ଭୁବନେଶ୍ୱର, ୧୬/୭(ଓଡ଼ିଶା ଭାସ୍କର): କରୋନା ଆକ୍ରାନ୍ତଙ୍କୁ ଆଜି ପ୍ରଥମ ପ୍ଲାଜ୍ମା ଥେରାପି ଦିଆଯାଇଥିବା ନେଇ ସୂଚନା ମିଳିଛି। ଅଶ୍ବିନୀ କୋଭିଡ ହସ୍ପିଟାଲରେ ୪୮ ବର୍ଷୀୟ ରୋଗୀଙ୍କୁ ଏହି ଥେରାପି ଦିଆଯାଇଛି। ଗତକାଲି SCB ପ୍ଲାଜ୍ମା ବ୍ୟାଙ୍କରୁ ସଂଗୃହିତ ହୋଇଥିଲା ୮ ୟୁନିଟ୍ ପ୍ଲାଜ୍ମା।
ଉଲ୍ଲେଖ ଯୋଗ୍ୟ ଯେ ଗତକାଲି ଦିଲ୍ଲୀ ଓ ମହାରାଷ୍ଟ୍ର ପରେ ଦେଶର ତୃତୀୟ ରାଜ୍ୟ ଭାବେ ଓଡ଼ିଶାରେ ଆରମ୍ଭ ହୋଇଥିଲା ପ୍ଲାଜମା ଥେରାପି । ଏହାର ଶୁଭାରମ୍ଭ କରିଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ରାଜ୍ୟର ୩ଟି ହସ୍ପିଟାଲରେ ପ୍ଲାଜମା ଥେରାପି ବ୍ୟବସ୍ଥାର ଶୁଭାରମ୍ଭ ହୋଇଥିଲା । ଭୁବନେଶ୍ୱରର ସମ୍, କିମ୍ସ ଓ କଟକର ଅଶ୍ୱିନୀ ହସ୍ପିଟାଲରେ ପ୍ଲାଜମା ଥେରାପି ଆରମ୍ଭ ହୋଇଥିଲା । କଟକର ଏସସିବି ପ୍ଲାଜମା ଥେରାପିର ନୋଡ଼ାଲ ସେଣ୍ଟର ଭାବେ କାମ କରିବ ।
