(Video) ପୂର୍ବତନ କ୍ରିକେଟର କପିଲ ଦେବ Kidnapped ! ଭିଡିଓ ସେୟାର କରି ସୂଚନା ଦେଲେ ଗୌତମ ଗମ୍ଭୀର
ନୂଆଦିଲ୍ଲୀ: ଭାରତର ପୂର୍ବତନ କ୍ରିକେଟର ଗୌତମ ଗମ୍ଭୀର ବର୍ତ୍ତମାନ ଟ୍ୱିଟରରେ ଏକ ଭିଡିଓ ପୋଷ୍ଟ କରିଛନ୍ତି । ଯାହାକୁ ନେଇ ଏବେ ସବୁଆଡ଼େ ଚର୍ଚ୍ଚା ଜୋର ଧରିଛି । ଭାରତୀୟ କ୍ରିକେଟର ପ୍ରଥମ ବିଶ୍ୱକପ ବିଜୟୀ(୧୯୮୩) ଅଧିନାୟକ କପିଲ ଦେବ ଅପହରଣ ହୋଇଥିବା ନେଇ ସୋସିଆଲ ମିଡିଆ ଖବର ବ୍ୟାପିବାରେ ଲାଗିଛି । ଗମ୍ଭୀରଙ୍କ ଏହି ପୋଷ୍ଟ ମଧ୍ୟ ସମସ୍ତଙ୍କୁ ପ୍ରଶ୍ନ ଘେରରେ ପକାଇ ଦେଇଛି । ଆଗକୁ ଦିନିକିଆ ବିଶ୍ବକପ ଥିବା ବେଳେ ଭାରତର ବିଶ୍ୱକପ ବିଜୟୀଙ୍କୁ ଅପହରଣ କରିବା ମାମଲା ସାରା ଦେଶରେ ଚହଳ ପକାଇ ଦେଇଛି ।
Anyone else received this clip, too? Hope it’s not actually @therealkapildev 🤞and that Kapil Paaji is fine! pic.twitter.com/KsIV33Dbmp
— Gautam Gambhir (@GautamGambhir) September 25, 2023
କପିଲ ଦେବଙ୍କ ଅପହରଣର ଏକ ଭିଡିଓ ଟ୍ୱିଟରରେ ସେୟାର କରିଛନ୍ତି ଗୌତମ ଗମ୍ଭୀର । ଏହି ଭିଡିଓରେ ଦୁଇ ଜଣ ଯୁବକ କପିଲଙ୍କୁ ତାଙ୍କୁ ଟାଣି ନେଉଥିବା ଦେଖିବାକୁ ମିଳିଛି । ତେବେ ଏହି ସମୟରେ କପିଲ ଦେବଙ୍କ ହାତ ଏବଂ ମୁହଁ ବାନ୍ଧିଦେବା ଦଉଡ଼ିରେ ବାନ୍ଧି ଦିଆଯାଇଛି । ତେବେ କପିଲ ଦେବ ନିଜକୁ ରକ୍ଷା କରିବା ପାଇଁ ସହାଯ୍ୟ ଖୋଜୁଥିଲେ ମଧ୍ୟ ଏହା ସମ୍ଭବ ହୋଇନାହିଁ । ଏହାପରେ ଉଭୟ ଯୁବକ ତାଙ୍କୁ ଏକ ଘର ଭିତରକୁ ନେଇ ଯାଇଛନ୍ତି । ତେବେ ଏହିଠାରେ ଗମ୍ଭୀରଙ୍କ ଏହି ଭିଡିଓ ଶେଷ ହୋଇ ଯାଇଛି ସତ, କିନ୍ତୁ କ୍ରିକେଟ ଫ୍ୟାନ୍ସ ଏବଂ ଦେଶବାସୀଙକ ମନରେ ଅନେକ ପ୍ରଶ୍ନ ଆରମ୍ଭ ହୋଇଛି ।
.@therealkapildev paaji ko kidnap kyun karna? #DisneyPlusHotstar hai na!
Dekho poora ICC Men's Cricket World Cup bilkul FREE on mobile! Data saver mode ke saath!#ItnaSabFreeKa #WorldCupOnHotstar pic.twitter.com/LcoEcr3Iub
— Disney+ Hotstar (@DisneyPlusHS) September 26, 2023
ଏହି ଭିଡିଓ ସେୟାର କରି ଗମ୍ଭୀର ଲେଖିଛନ୍ତି ଯେ, ଏହି ଭିଡିଓ ଆଉ କେହି ପାଇଲେଣି କି? ଆଶା କରୁଛି ଏହା ସତ ହୋଇ ନଥାଉ ଏବଂ କପିଲ ସାର୍ ସୁସ୍ଥ ଥାଆନ୍ତୁ । ତେବେ ଏହାପରେ ଏକ ଦମଦାର ଟ୍ୱିଷ୍ଟ ରହିଛି । ତେବେ ପ୍ରକୃତ ଘଟଣା ହେଉଛି ଭାରତର ଏହି ପୂର୍ବତନ ଅଧିନାୟକଙ୍କୁ ନେଇ ଆସନ୍ତା ଦିନିକିଆ ବିଶ୍ୱକପ ପାଇଁ ଏକ ପ୍ରୋମୋସନାଲ ଭିଡିଓ ପ୍ରସ୍ତୁତ କରାଯାଇଛି । ବିଶ୍ୱକପର ଅଫିସିଆଲ ବ୍ରଡକାଷ୍ଟର ଡିସନି ପ୍ଲସ ହଟଷ୍ଟାର ନିଜ ଟ୍ୱିଟର ପେଜରେ ଏହି ଭିଡିଓ ଅପଲୋଡ କରିଛି । ତେବେ ଏହାପରେ ଗମ୍ଭୀର ଏହି କ୍ଲିପର ଫୁଲ ଭିଡିଓ ଅପଲୋଡ କରି କପିଲ ଦେବଙ୍କ ଅଭିନୟ କଳାକୁ ପ୍ରଶଂସା କରିଛନ୍ତି ।
Areh @therealkapildev paaji well played! Acting ka World Cup 🏆 bhi aap hi jeetoge! Ab hamesha yaad rahega ki ICC Men's Cricket World Cup is free on @DisneyPlusHS mobile pic.twitter.com/755RVcpCgG
— Gautam Gambhir (@GautamGambhir) September 26, 2023
