ବଡ଼ ଦୁଃଖ ଖବର: ପୂର୍ବତନ କେନ୍ଦ୍ରମନ୍ତ୍ରୀ ପ୍ରମାକ୍ଷା ପ୍ରସାଦ ସିଂଦେଓଙ୍କ ଜ୍ୟେଷ୍ଠ କନ୍ୟାଙ୍କ ବିୟୋଗ

ଭୁବନେଶ୍ୱର(ଓଡ଼ିଶା ଭାସ୍କର): ଆସିଛି ଏକ ବଡ଼ ଦୁଃଖ ଖବର । ପୂର୍ବତନ କେନ୍ଦ୍ରମନ୍ତ୍ରୀ ତଥା ରାଜା ବ୍ରିଗେଡିୟର କାମାକ୍ଷା ପ୍ରସାଦ ସିଂଦେଓଙ୍କ ଜ୍ୟେଷ୍ଠ କନ୍ୟା ବଡ଼ ରାଜଜେମା ଅନ୍ନପୂର୍ଣ୍ଣା ପ୍ରିୟଦର୍ଶିନୀ ଦେବୀ ଆଉ ନାହାନ୍ତି । ନଭେମ୍ବର ୨୪ ତାରିଖରେ ରାଜସ୍ଥାନ ମେୱାରର ଭୁଲପଗଡ଼ଠାରେ ବଡ଼ ରାଜଜେମାଙ୍କ ବିୟୋଗ ଘଟିଛି । ମୃତ୍ୟୁ ବେଳକୁ ରାଜଜେମା ଅନ୍ନପୂର୍ଣ୍ଣା ଦେବୀଙ୍କୁ ୬୦ ବର୍ଷ ବୟସ ହୋଇଥିଲା । ମେୱାର ଭୁପଲଗଡ଼ ରାଜପରିବାରର ବିକ୍ରମାଦିତ୍ୟ ସିଂହ ରାଣାୱତଙ୍କ ପତ୍ନୀ ଥିଲେ ଅନ୍ନପୂର୍ଣ୍ଣା ଦେବୀ । ସେ ଦୀର୍ଘଦିନ ଧରି କର୍କଟ ରୋଗରେ ପୀଡ଼ିତ ଥିଲେ । ଏହି ଦୁଃଖଦ ଖବର ପାଇବା ପରେ ରାଜା କାମାକ୍ଷା ପ୍ରସାଦ ସିଂଦେଓ, ରାଣୀ ସାବିତ୍ରୀ ଦେବୀ, ଯୁବରାଜ ଅମରଜ୍ୟୋତି ସିଂଦେଓ ରାଜଜେମାଙ୍କ ବାସଭବନରେ ପହଞ୍ଚି ଶେଷ ଦର୍ଶନ କରିଥିଲେ । ଏହି ଦୁଃଖଦ ଖବର ଢେଙ୍କାନାଳରେ ଶୋକର ଲହରୀ ଖେଳାଇ ଦେଇଛି ।