ଶିକାର ଭାବି ସାଙ୍ଗକୁ ଗୁଳିଗଲା ସାଙ୍ଗ, ଶିକାରୀ ଗୁଳିରେ ଶିକାରୀ ମୃତ

ଭୁବନେଶ୍ବର: ଢ଼େଙ୍କାନାଳରେ ଅଭାବନୀୟ ଘଟଣା । ଶିକାର ଭାବି ସାଙ୍ଗକୁ ଗୁଳିଗଲା ସାଙ୍ଗ । ବାରହା ଶିକାର ପାଇଁ ଯାଇଥିବା ବେଳେ ଭୁଲବଶତଃ ସାଙ୍ଗକୁ ଗୁଳି । ମୃତକ ହେଲେ ବାବୁଲା ନାଏକ ।

ରାସୋଳ ଥାନା ମାନପୁର ଗାଁରେ ଶିକାରୀ ଗୁଳିରେ ଶିକାରୀର ମୃତ ହୋଇଥିବା ଜଣାପଡିଛି । ଘଟଣାରେ ୪ ଜଣଙ୍କୁ ଗିରଫ କଲା ରାସୋଳ ଥାନା ପୋଲିସ ।

ଖବର ଅନୁସାରେ, ବାର୍‌ହା ଶିକାର କରିବାକୁ ୪ ଜଣ ସାଙ୍ଗ ହୋଇ ଯାଇଥିଲେ । କାଜୁ ଜଙ୍ଗଲରେ ବାରହା ଶିକାର ସମୟରେ ଗୁଳି ମାରିିଥିବା ଜଣାପଡିଛି । ପ୍ରଶାନ୍ତ ନାଏକ ଗୁଳି ଚଳାଇଥିବା ବେଳେ ସେ ଘଟଣାସ୍ଥଳରେ ହିଁ ଟଳି ପଡିଥିଲେ ।

ପରେ ବାବୁଲାଙ୍କୁ ଅନ୍ୟ 3 ଦିନ ସାଙ୍ଗ କାନପୁର ଗ୍ରାମର କାଜୁ ଜଙ୍ଗଲରେ ଲୁଚାଇ ରଖିଥିଲେ । ପରେ ସେମାନ ଘରକୁ ଆସି ନିଜ ସ୍ତ୍ରୀକୁ ସବୁ ସତ କଥା କହିଥିଲେ । ପରେ ଗ୍ରାମରେ ଘଟଣା ପ୍ରଚାର ହେବା ପରେ ଥାନାରେ ଅଭିଯୋଗ କରିଥିଲେ ।

ପୋଲିସ ଦୁର୍ଘଟଣାସ୍ଥଳରୁ ମୃତଦେହ ଜବତ କରିବା ସହିତ ବନ୍ଧୁକ ମଧ୍ୟ ଜବତ କରିଛି । ଏହାସହିତ ୪ ଜଣଙ୍କୁ ଗିରଫ କଲା ରାସୋଳ ଥାନା ପୋଲିସ।