ବିଶ୍ୱ ସାମୁଦ୍ରିକ ଶିଖର ସମ୍ମିଳନୀ ୨୦୨୩କୁ ଉଦଘାଟନ କଲେ ପ୍ରଧାନମନ୍ତ୍ରୀ: ୨୩ ହଜାର କୋଟିର ପ୍ରକଳ୍ପକୁ ମିଳିଲା ମଞ୍ଜୁରୀ
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବିଶ୍ୱ ସାମୁଦ୍ରିକ ଶିଖର ସମ୍ମିଳନୀ ୨୦୨୩କୁ ଉଦଘାଟନ କରିଛନ୍ତି । ଏହି ଅବସରରେ ର୨୩ ହଜାର କୋଟିର ସାମୁଦ୍ରିକ ପ୍ରକଳ୍ପକୁ ମୋଦୀ ସ୍ୱୀକୃତି ପ୍ରଦାନ କରିଛନ୍ତି । ମୋଦୀ ଭିଡିଓ କନଫରେନ୍ସିଂ ମାଧ୍ୟମରେ ଦୀର୍ଘକାଳୀନ ପ୍ରକଳ୍ପ ‘ଅମୃତ କାଳ ଭିଜନ-୨୦୪୭’ର ଅନାବରଣ କରିବା ସହ ‘ମେକ ଇନ୍ ଇଣ୍ଡିଆ, ମେଡ ଫର ୱାର୍ଲ୍ଡ’ ମନ୍ତ୍ର ଦେଇଥିଲେ ।
ବିଶ୍ୱ ସାମୁଦ୍ରିକ ଶିଖର ସମ୍ମିଳନୀରେ ଏହା ୩ୟ ସଂସ୍କରଣ ହୋଇଥିବା ବେଳେ ମୁମ୍ବାଇ ମେଟ୍ରୋପଲିଟାନ ରିଜିଅନ ଡେଭଲପମେଣ୍ଟ ଅଥରିଟି (ଏମଏମଆରଡିଏ) ପଡ଼ିଆରେ ଏହା ଆୟୋଜିତ ହୋଇଥିଲା । ଏହି ଉଦଘାଟନ ଓ ଶିଳାନ୍ୟାସ କାର୍ଯ୍ୟକ୍ରମରେ ମହାରାଷ୍ଟ୍ରର ମୁଖ୍ୟମନ୍ତ୍ରୀ ଏକନାଥ ଶିନ୍ଦେ ଓ ଡେପୁଟି ସିଏମ୍ ମଧ୍ୟ ସାମିଲ ହୋଇଥିଲେ । ଏହା ପୂର୍ବରୁ ୨୦୨୧ ସଂସ୍କରଣ ସମୟରେ ସାରା ଦୁନିଆ କରୋନାକୁ ନେଇ ଅନିଶ୍ଚିତତା ଘେରରେ ରହିଥିଲା । ମାତ୍ର ଏବେ କରୋନା ପରେ ସାରା ବିଶ୍ୱ ଏକ ନୂଆ ଅର୍ଡରର ଆକାର ନେଉଥିବା ମୋଦୀ କହିଥିଲେ ।
ମୋଦୀ ସମ୍ପୂର୍ଣ୍ଣ ଭାବେ ଭରସା ଦେଇ କହିଥିଲେ, ବିଶ୍ୱର ଟପ-୩ ଅର୍ଥନୀତି ହେବା ଭାରତ ପାଇଁ ଆଉ ବେଶି ଦୂର ନୁହେଁ । ପରିବର୍ତ୍ତିତ ୱାର୍ଲ୍ଡ ଅର୍ଡରରେ ଭାରତକୁ ସାରା ବିଶ୍ୱ ନୂଆ ଆକାଂକ୍ଷା ଭାବେ ଦେଖୁଛି । ଆର୍ଥିକ ସଙ୍କଟ ଦେଇ ଗତି କରୁଥିବା ଦୁନିଆରେ ଭାରତର ଅର୍ଥବ୍ୟବସ୍ଥା କ୍ରମାଗତ ଭାବେ ମଜବୁତ ହେବାରେ ଲାଗିଛି । ଯେତେବେଳେ ଭାରତର ସାମୁଦ୍ରିକ କ୍ଷମତା ସୁଦୃଢ଼ ହେଉଛି, ସେହି ସମୟରେ ବିଶ୍ୱକୁ ବହୁତ ଲାଭ ମିଳିଛି । ଇତିହାସ ଏହାର ମୁକସାକ୍ଷୀ ହୋଇ ରହିଛି । ଏହି ସେକ୍ଟରକୁ ସଶକ୍ତ କରିବା ପାଇଁ ଗତ ୯ ବର୍ଷ ଧରି ଯୋଜନାବଦ୍ଧ ଭାବେ କାର୍ଯ୍ୟ ଜାରି ରହିଛି ।
I welcome you all to the third edition of the 'Global Maritime India Summit'.
During the time we met in 2021, the whole world was struggling through the uncertainties posed by Corona.
But today, in this changing world order, the whole world is looking to India with new hopes… pic.twitter.com/jxkrEsKaqd
— BJP LIVE (@BJPLive) October 17, 2023
