ସରକାରୀ ସ୍କୁଲ ଛାତ୍ରଛାତ୍ରୀଙ୍କ ପାଇଁ ଖୁସି ଖବର ; ମେଡିକାଲ କଲେଜରେ ୫% ସଂରକ୍ଷଣ !
ନୂଆଦିଲ୍ଲୀ : ସରକାରୀ ସ୍କୁଲରୁ ମୁହଁ ଫେରାଉଛନ୍ତି ଅଭିଭାବକ । ସେମାନଙ୍କ ପିଲାମାନଙ୍କୁ ବଡ ବଡ ବେସରକାରୀ ସ୍କୁଲରେ ପାଠ ପଢାଇବାକୁ ଉଚିତ୍ ମନେ କରୁଛନ୍ତି । ଏସବୁ ମଧ୍ୟରେ ପୁଣି ଛାତ୍ରଛାତୀଙ୍କୁ ସରକାରୀ ମୁହାଁ କରିବା ପାଇଁ ସରକାର ବିିଭିନ୍ନ ପ୍ରକାର ନିୟମ ଏବଂ ବ୍ୟବସ୍ଥା ଆରମ୍ଭ କଲେଣି ।
ଛାତ୍ରଛାତ୍ରୀଙ୍କୁ ନୂଆ ଉପହାର ଦେଇଛନ୍ତି ସରକାର । ସରକାରୀ ସ୍କୁଲ ରେ ପାଠପଢୁଥିବା ଛାତ୍ରଛାତ୍ରୀଙ୍କ ପାଇଁ ମେଡିକାଲରେ ୫% ସଂରକ୍ଷଣ କରାଯିବ ବୋଲି ରାଜ୍ୟସରକାର ଘୋଷଣା କରିଛନ୍ତି । ରାଜ୍ୟ ସରକାରଙ୍କ ଏହି ନିର୍ଦ୍ଦେଶ ଅନୁଯାୟୀ ବୈଷୟିକ ଶିକ୍ଷା ବିଭାଗ ଡାକ୍ତରୀ ଶିକ୍ଷା ଆଡମିଶନ ନୂଆ ପରିବର୍ତ୍ତନ ଆସିଛି ।
ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ନିକଟରେ କହିଥିଲେ ଯେ ସରକାରୀ ବିଦ୍ୟାଳୟରେ ପଢୁଥିବା ପିଲାମାନଙ୍କୁ ଡାକ୍ତରୀ ଅଧ୍ୟୟନରେ ସଂରକ୍ଷଣ ଦିଆଯିବ। ଏହା ପରେ ଏକ ନୂତନ ଆଦେଶ ଜାରି କରାଯାଇଛି। ନୂତନ ଆଦେଶ ଅନୁଯାୟୀ, ଯେଉଁମାନେ ସରକାରୀ ବିଦ୍ୟାଳୟରେ ଷଷ୍ଠ ରୁ ଦ୍ୱାଦଶ ଶ୍ରେଣୀ ପର୍ୟ୍ୟନ୍ତ ଅଧ୍ୟୟନ କରିଥିବେ ସେମାନେ ଏହି ସଂରକ୍ଷଣର ଲାଭ ମିଳିବ । ଏହି ନିର୍ଦ୍ଦେଶ ଅନୁଯାୟୀ ଛାତ୍ରୀମାନଙ୍କୁ ସମସ୍ତ କଲେଜରେ ଯେକୌଣସି ପାଠ୍ୟକ୍ରମରେ ୩୦% ସଂରକ୍ଷଣ ମିଳିବ । ସେହିଭଳି ଭିନ୍ନକ୍ଷମଙ୍କ ପାଇଁ ପାଞ୍ଚ ପ୍ରତିଶତ ସଂରକ୍ଷଣ ଜାରି ରହିବ।
ଏହି ନିର୍ଦ୍ଦେଶ ଅନୁଯାୟୀ ଯୋଗ୍ୟ ଛାତ୍ରଛାତ୍ରୀଙ୍କୁ ଜିଲ୍ଲା ଶିକ୍ଷା ଅଧିକାରୀ, ଜିଲ୍ଲା ସଂଯୋଜକ କିମ୍ବା ସହକାରୀ କମିଶନରଙ୍କ ଦ୍ୱାରା ଦିଆଯାଇଥିବା ପ୍ରମାଣପତ୍ର ଉପସ୍ଥାପନ କରିବାକୁ ପଡ଼ିବ। ଏଥିରେ ଦର୍ଶାଯାଇଛି ଯେ ଛାତ୍ର ନିର୍ଦ୍ଦିଷ୍ଟ ଯୋଗ୍ୟତା ପୂରଣ କରନ୍ତି ଏବଂ ଏହି ଯୋଜନା ଅଧୀନରେ ସଂରକ୍ଷଣ ପାଇବାକୁ ହକଦାର।