ଏଣିକି ଚାଉଳ ସାଙ୍ଗକୁ ଗହମ ଦେବେ ସରକାର, କିନ୍ତୁ ଗହମ ରଖିବା ପାଇଁ ନାହିଁ ଗୋଦାମ ବ୍ୟବସ୍ଥା

ଭୁବନେଶ୍ୱର: ଖାଦ୍ୟ ସୁରକ୍ଷା ଯୋଜନାରେ ଚାଉଳ ସହ ମିଳିବ ଗହମ। ପୂର୍ବରୁ ଗହମ ଯୋଗାଣ ବନ୍ଦ ଥିବା ବେଳେ ହିତାଧିକାରୀଙ୍କୁ ଗହମ ଯୋଗାଇବାକୁ ନିଷ୍ପତି ନେଇଛନ୍ତି ସରକାର। କେନ୍ଦ୍ରମନ୍ତ୍ରୀଙ୍କ ସହ ଆଲୋଚନା ପରେ ପ୍ରଥମ ପର୍ଯ୍ୟାୟ ଗହମ ପହଞ୍ଚିଛି। କିନ୍ତୁ ଗହମ ରଖିବା ପାଇଁ ଗୋଦାମ ବ୍ୟବସ୍ଥା ଓ ପରିବହନ ବ୍ୟବସ୍ଥା ସୁବିଧା ନଥିବାରୁ ଏପର୍ଯ୍ୟନ୍ତ ଗହମ ଯୋଗା ଯାଇ ପାରିନାହିଁ ବୋଲି କହିଛନ୍ତି ଯୋଗାଣ ମନ୍ତ୍ରୀ।

ପୁନର୍ବାର କେନ୍ଦ୍ର ସରକାରଙ୍କ ସହ ଆଲୋଚନା କରିବୁ। ରାଜ୍ୟ ସରକାର ପ୍ରତିଶ୍ରୁତି ଦେଇଛନ୍ତି, ପ୍ରତିଶ୍ରୁତି ରକ୍ଷା କରିବେ ବୋଲି କହିଛନ୍ତି ମନ୍ତ୍ରୀ।

ପୂର୍ବାପେକ୍ଷା ଧାନ ଉତ୍ପାଦନ ବଢୁଥିବାରୁ ଚାଉଳ ଉତ୍ପାଦନ ବି ବଢ଼ିଛି। ପୂର୍ବରୁ FCI ୨୬ ଲକ୍ଷ ମେଟ୍ରିକ ଟନ ଚାଉଳ ନେଉଥିଲା। ଏବେ ଆଉ ୨୦ ଲକ୍ଷ ମେଟ୍ରିକ ଟନ ଚାଉଳ ନେବାକୁ FCI ରାଜି ହୋଇଛି। ଚଳିତ ବର୍ଷ ମୋଟ ୪୬ ଲକ୍ଷ ମେଟ୍ରିକ ଟନ ଚାଉଳ ନେବ FCI।

ଏହା ପରେ ବି ବଳକା ରହି ଯାଉଥିବା ୧୫ ଲକ୍ଷ ମେଟ୍ରିକ ଟନ ଚାଉଳ ରୁ ୧୦ ଲକ୍ଷ ମେଟ୍ରିକ ଟନ ଚାଉଳ ରଖିବାକୁ ସରକାର ଗୋଦାମ କରୁଛନ୍ତି। ବାକି ୫ ଲକ୍ଷ ମେଟ୍ରିକ ଟନ ଚାଉଳକୁ ଫ୍ରି ସେଲ କରିବାକୁ ବ୍ୟବସ୍ଥା କରାଯାଉଛି ବୋଲି କହିଛନ୍ତି ମନ୍ତ୍ରୀ।

ବିଜେଡି ବିଧାୟକ ଗୌତମ ବୁଦ୍ଧ ଦାସ ପଚାରିଥିଲେ କେବେ ଠାରୁ ଗହମ ବଣ୍ଟାଯିବ ଏବଂ କେତେ ଚାଉଳ କେତେ ଗହମ ମିଳିବ ବୋଲି ବିଧାନସଭାରେ ସେ ପ୍ରଶ୍ନ କରିଥିଲେ ।

କିନ୍ତୁ କେବେଠାରୁ ଗହମ ମିଳିବ, କେତେ ଅନୁପାତରେ ମିଳିବ ସେ ନେଇ କୌଣସି ସ୍ପଷ୍ଟ ଉତ୍ତର ରଖି ନାହାନ୍ତି ମନ୍ତ୍ରୀ। ମନ୍ତ୍ରୀ କହିଥିଲେ ସରକାର ପ୍ରତିଶୃତି ଦେଇଛନ୍ତି ପ୍ରତିଶୃତି ରଖିବେ। ପୁର୍ବରୁ ଗହମ ମିଳୁଥିବା ବେଳେ। ବିଜେଡି ସରକାର ସମୟରେ ଗହମ ବନ୍ଦ କରିବାକୁ ଚିଠି ପରେ ଗହମ ଯୋଗାଣ ବନ୍ଦ ରହିଛି।