ଦଳ ହୋଇ ଆସିଲେ ମା’ ଝିଅଙ୍କୁ ନିର୍ଦ୍ଦୟ ଭାବରେ ମାଡ଼ ମାରି ଚାଲିଗଲେ; ଦେଖନ୍ତୁ ଭାଇରାଲ୍ ଭିଡିଓ
ନୂଆଦିଲ୍ଲୀ: ଦେଶରେ ଅପରାଧ ବଢ଼ୁଛି ହେଲେ କମିବାର ନାଁ ଧରୁନି । ଏହି କ୍ରମରେ ଜଣେ ୩୮ ବର୍ଷୀୟ ମହିଳା ଓ ତାଙ୍କୁ ଝିଅଙ୍କୁ ଆକ୍ରମଣ କରାଯାଇଛି । ୪ରୁ ୫ ଜଣ ଦଳ ବାନ୍ଧି ହଠାତ୍ ଆସିଲେ ଓ ମା-ଝିଅଙ୍କୁ ବାଡ଼ିରେ ନିର୍ଦ୍ଦୟ ଭାବରେ ମାଡ଼ ମାରିଚାଲିଗଲେ । ତେବେ ଏହି ଦଳରେ ପୁରୁଷଙ୍କ ବ୍ୟତୀତ ଦୁଇଜଣ ମହିଳା ମଧ୍ୟ ସାମିଲ ରହିଛନ୍ତି । ଏହିଭଳି ଏକ ଘଟଣା ଦେଖିବାକୁ ମିଳିଛି ଦିଲ୍ଲୀର ସାଇଳିମାର୍ ବାଗ ଅଞ୍ଚଳରେ । ପୋଲିସ୍ ଏନେଇ ସୂଚନା ଦେଇଛି ।
ଏହି ଘଟଣା ନଭେମ୍ବର ୧୯ ତାରିଖରେ ଘଟିଛି । ଦଳ ବାନ୍ଧି ହଠାତ୍ ଆସି ମା-ଝିଅଙ୍କୁ ଆଖି ବୁଜା ମାଡ଼ ମାରୁଥିବା ବେଳର ଦୃଶ୍ୟ ସିସିଟିଭି ଫୁଟେଜ ରେ କଏଦ୍ ହୋଇଛି । ତେବେ ଏହି ସମୟର ଭିଡିଓ ସୋସିଆଲ ମିଡିଆରେ ଘୁରି ବୁଲୁଛି । ଏଥିରେ ଦେଖିବାକୁ ମିଳିଛି ଯେ, ପାର୍କିଂରେ ଗାଡ଼ି ରଖିବା ବାହାରକୁ ବାହାରିବା ବେଳେ ସେମାନଙ୍କ ଉପରେ ହଠାତ୍ କିଛି ଜଣ ଆସି ଆକ୍ରମଣ କରୁଛନ୍ତି । ମହିଳା ତଳେ ପଡ଼ିଯିବା ପରେ ତାଙ୍କୁ ଲାତ, ଗୋଇଠା ମାରିବା ସହିତ ବାଡ଼ିରେ ନିର୍ଦ୍ଦୟ ଭାବରେ ମାରୁଛନ୍ତି ।
#WATCH | A group of persons beat up a woman with sticks in a residential colony in Shalimar Bagh area of Delhi on November 19
Based on the woman's complaint, Delhi Police has registered an FIR against unknown persons, it said.
(CCTV footage of the incident) pic.twitter.com/YmZRtD7COu
— ANI (@ANI) December 1, 2021
ତେବେ ଏହି ଘଟଣା ପରେ ଉଭୟ ମା ଓ ଝିଅଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ଏହାପରେ ମହିଳା ଜଣକ ପୋଲିସ୍ ପାଖରେ ଅଭିଯୋଗ କରିଛନ୍ତି । ପୋଲିସ ମାମଲା ରୁଜୁ କରି ଭିଡିଓ ଫୁଟେଜ୍ ଆଧାରରେ ତଦନ୍ତ ଚଳାଇଛି । ତେବେ ଇତି ମଧ୍ୟରେ ଯେଉଁ ଦୁଇଜଣ ମହିଳା ଆସି ପ୍ରଥମେ ଆକ୍ରମଣ କରିଥିଲେ ସେମାନଙ୍କୁ ଗିରଫ କରିଛି ପୋଲିସ୍ ।
