ହାତ, ଗୋଡ଼ ତା’ର ଅଚଳ, ତଥାପି ପାଟିରେ କଲମ ଧରି ଲେଖିପାରୁଛି, ୧୫ ବର୍ଷୀୟ ଏହି ଅଦ୍ଭୂତ ବାଳକ

News across the Earth, news close to your heart, Read Odisha Bhaskar English

ଦଶମ ଶ୍ରେଣୀରେ ପାଠ ପଢ଼ୁଛି ପଶ୍ଚିମବଙ୍ଗର ବାସିନ୍ଦା ତୁହିନ । ନା ସେ ହାତ ହଲାଇ ପାରୁଛି ନା ନିଜ ଗୋଡ଼ରେ ଛିଡ଼ା ହୋଇ ପାରୁଛି । ସେରୀବ୍ରଲ ପ୍ଲାସି ରୋଗରେ ସେ ଆକ୍ରାନ୍ତ । ତଥାପି ତୁହିନ ହାର ମାନିନାହିଁ । ଆଇଆଇଟି ପରୀକ୍ଷା ପାଇଁ ପ୍ରସ୍ତୁତି ସକାଶେ ସେ ଚାଲିଆସିଛି କୋଟା । ମନରେ ରହିଛି ତାର ଅସୁମାରୀ ଆଶା । ତୁହିନ ବିଶ୍ୱବିଖ୍ୟାତ ବୈଜ୍ଞାନି ଷ୍ଟିଫେନ ହକିନ୍ସଙ୍କ ପରି ନିଜକୁ ଗଢ଼ି ତୋଳିବାକୁ ଚାହେଁ । ଭବିଷ୍ୟରେ ସେ ଏଷ୍ଟ୍ରୋ ଫିଜିକ୍ସ ଉପରେ ଗବେଷଣା କରିବାକୁ ଲକ୍ଷ୍ୟ ରଖିଛି ।

ତୁହିନ ପଶ୍ଚିମବଙ୍ଗର ମିଦନାପୁରରେ ନିଜ ବାପା, ମାଆଙ୍କ ସହ ରୁହେ । ସେ ଆଇଆଇଟି ଖଡ଼ଗପୁର କ୍ୟାମ୍ପସ ସ୍ଥିତ ସେଣ୍ଟ୍ରାଲ ସ୍କୁଲରୁ ନବମ ପାସ କରିଛି । ଏନଟିଏସଇରେ ସେ ସ୍କଲାପସିପ୍ ହାସଲ କରିଥିଲା । ଅନ୍ୟ ପିଲାଙ୍କ ଠାରୁ ସେ ବହୁତ ଭଲ ପ୍ରେଗ୍ରାମିଂ କରିପାରୁଛି । ଶାରୀରିକ ବିକଳାଙ୍ଗ ହୋଇଥିଲେ ବି କ୍ଲାସରେ ତୁହିନ ସର୍ବଦା ଟପ୍ପର ରହିଆସିଛି । ତୁହିନର ଏହି ପ୍ରତିଭା ଯୋଗୁଁ ତାକୁ ଦୁଇଥର ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀ ପୁରସ୍କାର ପ୍ରଦାନ କରିଛନ୍ତି । ତା’ର ବାପା, ମାଆ ସେବାଯତ୍ନରେ କିଛି ବି ଅବହେଳା କରିନାହାନ୍ତି । ତୁହିନ ଶରୀରର ହାଡ଼କୁ ସିଧା କରିବା ପାଇଁ ପ୍ଲେଟ୍ ଲଗାଯାଇଛି । ଆଜି ପର୍ଯ୍ୟନ୍ତ ତୁହିନ ଶରୀରରେ ୨୦ ଥର ଅପରେସନ କରାଗଲାଣି । ତୁହିନ ପିତାମାତାଙ୍କର ଏକମାତ୍ର ସନ୍ତାନ ହୋଇଥିବା ବେଳେ ତାକୁ ସ୍କୁଲରେ ଛାଡ଼ିବାକୁ ଦୈନିକ ୫୦ କିଲୋମିଟର ଯାତ୍ରା କରିବାକୁ ପଡ଼ିଥାଏ । ତୁହିନର ଭବିଷ୍ୟତ ପାଇଁ ମାତାପିତା କୋଟାରେ ରହି ତାକୁ ପାଠପଢ଼ାରେ ସାହାଯ୍ୟ କରିବେ ବୋଲି କହିଛନ୍ତି ।