ବ୍ଲେଡରେ ସ୍ତ୍ରୀର ନାକ କାଟିଲା ସ୍ୱାମୀ, ଥାନାରେ ମାମଲା

ମଧ୍ୟ ପ୍ରଦେଶର ଶିବପୁରୀ ଜିଲ୍ଲାରେ ଏକ ଚକିତ କଲା ଭଳି ଘଟଣା ଦେଖିବାକୁ ମିଳିଛି । ଯେଉଁଠାରେ ଜଣେ ସ୍ୱାମୀ ରାଗରେ ନିଜ ସ୍ତ୍ରୀର ନାକ କାଟିଦେଇଛି । ଏଠାରେ ଜଣେ ଯୁବକ ରାମ ପ୍ରବେଶ ନିଜ ପତ୍ନୀଙ୍କ ନାକ କାଟି ଦେଇଛନ୍ତି । ମହିଳାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି ତାଙ୍କର ଚିକିତ୍ସା କରାଯାଉଛି ।

ସୂଚନା ଅନୁଯାୟୀ, ଅନେକ ସମୟରୁ ସେମାନଙ୍କ ମଧ୍ୟରେ ବିବାଦ ରହିଥିଲା ମହିଳାଙ୍କ ସ୍ୱାମୀ ମଦ ପିଇ ତାଙ୍କୁ ମାରପିଟ୍ କରୁଥିଲା । ଫଳରେ ସେ ତାଙ୍କ ବାପ ଘରେ ରହୁଥିଲେ, ଦୁଇ ଦିନ ତଳେ ଶାଶୁଘରକୁ ଫେରିଥିଲେ । ତାଙ୍କର ଦୁଇ ଝିଅ ମଧ୍ୟ ଅଛନ୍ତି ।

ପୀଡ଼ିତା ପତ୍ନୀଙ୍କର କହିବା ଅନୁଯାୟୀ ଶ୍ୱଶୁର ତାଙ୍କୁ ଧଣିଥିଲେ ଏବଂ ଶାଶୁ ବ୍ଲେଡ ଆଣି ଦେଇଥିଲେ ଏବଂ ତାଙ୍କ ସ୍ୱାମୀ ତାଙ୍କ ନାକ କାଟିଥିଲେ  । ତେବେ ଏହାପରେ ସେ ଫେରାର ହୋଇଯାଇଛନ୍ତି ।

ଶିବପୁରୀ ଏସପି ରାଜେଶ ସିଂହ ଚନ୍ଦେଲ କହିଛନ୍ତି ବାମୋର କଂଲା ଥାନାରେ ଏକ ମାମଲା ରୁଜୁ ହୋଇଛି । ଯେଉଁଠାରେ ଜଣେ ମହିଳା ଅଭିଯୋଗ କରିଛନ୍ତି ଯେ ତାଙ୍କ ସ୍ୱାମୀ ନାକ କାଟିଥିଲେ ଏବଂ ଶ୍ୱଶୁର ଘର ଲୋକ ଏଥିରେ ତାଙ୍କୁ ସହାୟତା କରିଥିଲେ । ଅଭିଯୋଗ ଆଧାରେ ପୋଲିସ ତଦନ୍ତ କରୁଛି ଏବଂ ଅଭିଯୁକ୍ତକୁ ଖୋଜାଚାଲିଥିବା ନେଇ କହିଛନ୍ତି ଏସପି ।

Get real time updates directly on you device, subscribe now.

Comments
Loading...