ବ୍ରାହ୍ମ ମୁହୂର୍ତ୍ତରୁ ଉଠି ୫ ମିନିଟ କରନ୍ତୁ ଏହି କାର୍ଯ୍ୟ: ମିଳିବ ଅପାର ସଫଳତା, ହେବେ ଲାଭବାନ
ଜୀବନରେ ସଫଳ ହେବା ପାଇଁ ଲୋକମାନେ ଅନେକ ଉପାୟ ଆପଣାଇଥାନ୍ତି । ହେଲେ ସଫଳତା ହାସଲ କରିବା ଏତେ ସହଜ ହୋଇନଥାଏ । ଅନେକ ସମୟରେ ସଫଳତା ହାତ ପାହାନ୍ତାରୁ ଆସି ମଧ୍ୟ ଦୂରକୁ ଚାଲିଯାଇଥାଏ । ତେବେ ଏପରି କିଛି ଉପାୟ ଅଛି ଯାହାକୁ ଜୀବନରେ ପ୍ରୟୋଗ କରିବା ଦ୍ୱାରା ଆପଣ ଏହି ସବୁ ସମସ୍ୟାରୁ ମୁକ୍ତି ପାଇ ପାରିବେ । ଏହା ଦ୍ୱାରା ଆପଣ ଭାଗ୍ୟରେ ନଥିବା ଜିନିଷକୁ ମଧ୍ୟ ଲାଭ କରିପାରିବେ । ତେବେ ଏଥିପାଇଁ ଆପଣଙ୍କୁ ବ୍ରାହ୍ମ ମୁହୂର୍ତ୍ତରେ ଉଠି କେବଳ ୫ ମିନିଟ ସମୟ ବାହାର କରିବାକୁ ପଡ଼ିବ ।
ତେବେ ଜ୍ୟୋତିଷ ଶାସ୍ତ୍ର ଅନୁସାରେ ଯଦି ଆପଣ ବ୍ରାହ୍ମ ମୁହୂର୍ତରେ ଠିକ୍ ସମୟରେ ଉଠି ୫ ମିନିଟ ସମୟ ଦିଅନ୍ତି ତେବେ ଆପଣଙ୍କ ଜୀବନରେ ବେଶ ଉନ୍ନତି ହୋଇପାରେ । ଏହା ସହିତ ଆପଣଙ୍କୁ ସଫଳତା ମଧ୍ୟ ମିଳିପାରେ। କାରଣ ବ୍ରାହ୍ମ ମୁହୂର୍ତ୍ତକୁ ଅତ୍ୟନ୍ତ ଶକ୍ତିଶାଳୀ ତଥା ପ୍ରଭାବଶାଳୀ ବୋଲି ବିବେଚନା କରାଯାଏ । ଏହି ସମୟରେ ବ୍ରହ୍ମାଣ୍ଡରେ ସକରାତ୍ମକ ଶକ୍ତିର ଏକ ଶକ୍ତିଶାଳୀ ପ୍ରଭାବ ରହିଛି ।
ତେବେ ବ୍ରାହ୍ମ ମୁହୂର୍ତ୍ତ ହେଉଛି ସକାଳ ୪:୦୦ ରୁ ୬:୦୦ ମଧ୍ୟରେ। ତେଣୁ ଏହି ସମୟରେ ଆପଣ ଜୀବନରେ ଯାହା ଇଚ୍ଛା କରନ୍ତି ସେହି ଜିନିଷକୁ ନିଜର ଇଷ୍ଟ ଦେବତାଙ୍କୁ ସ୍ମରଣ କରି ଅତି କମରେ ୫ ମିନିଟ ପର୍ଯ୍ୟନ୍ତ ମନରେ କହିଚାଲନ୍ତୁ । ଏହା ସହିତ ସେହି ଜିନିଷ ଉପରେ ସମ୍ପୂର୍ଣ୍ଣ ବିଶ୍ୱାସ ମଧ୍ୟ ରଖନ୍ତୁ ଯେ ନିଶ୍ଚିତ ଭାବରେ ଏହା ଆପଣଙ୍କୁ ମିଳିବ । କାରଣ ମନୁଷ୍ୟ ମନରେ ବିଶ୍ୱାସ ହେଉଛି ସବୁଠାରୁ ବଡ଼ ଶକ୍ତି । ଏହା ସହିତ ଯଦି ଆପଣ କୌଣସି ଭଲ କାର୍ଯ୍ୟ କରିବାର ଅଭ୍ୟାସ କରୁଛନ୍ତି ତେବେ ସେଥିରେ ବିଶ୍ୱାସ ରହିବା ଅତ୍ୟନ୍ତ ଜରୁରୀ ଅଟେ। ଏହି ଅଭ୍ୟାସକୁ ପ୍ରକୃତ ହୃଦୟ ଏବଂ ବିଶ୍ୱାସ ସହିତ କରନ୍ତୁ। ଏହା ଦ୍ୱାରା ଆପଣଙ୍କ ଭାଗ୍ୟରେ ନଥିବା ଜିନିଷ ମଧ୍ୟ ଆପଣଙ୍କୁ ମିଳିଯିବ। ଏପରିକି ଆପଣ ଚାହୁଁଥିବା ଜିନିଷ ମଧ୍ୟ ଆପଣଙ୍କୁ ଧୀରେ ଧୀରେ ପ୍ରାପ୍ତ ହେବ ।
ତେବେ ଏହି ସମୟରେ ଧ୍ୟାନ କରିବା ମଧ୍ୟ ବେଶଷ ଲାଭଦାୟକ ହୋଇଥାଏ । ମାନସିକ ଏକାଗ୍ରତା ବଢ଼ିବା ସହିତ ଶରୀରରେ ଫୁର୍ତ୍ତି ଆସିଥାଏ । ତେବେ ଧ୍ୟାନରେ ବସିବା ପୂର୍ବରୁ ଆପଣଙ୍କୁ ବ୍ରାହ୍ମ ମୁହୂର୍ତରେ ଗାଧୋଇବାକୁ ପଡିବ। କାରଣ ଶରୀରକୁ ସଫା ରଖିବା ଦ୍ୱାରା ଆପଣଙ୍କ ମନ ମଧ୍ୟ ସ୍ଥିର ଚିତ୍ତରେ ଧ୍ୟାନରେ ଲାଗିପାରିବ । ଏପରିକି ସନାତନ ଧର୍ମରେ ପରିଷ୍କାର ପରିଚ୍ଛନ୍ନତାର ବିଶେଷ ଗୁରୁତ୍ୱ ରହିଛି। ତେଣୁ ସ୍ନାନ କରିବା ପରେ ଆପଣ ବେଶ ଭଲ ଅନୁଭବ କରିଥାନ୍ତି । ତେବେ ଏହି ଅଭ୍ୟାସକୁ ପ୍ରତିଦିନ ମାତ୍ର ୫ ମିନିଟ କରିବା ଦ୍ୱାରା ଆସନ୍ତା ୬ ମାସ ମଧ୍ୟରେ ଆପଣ ପାର୍ଥକ୍ୟ ଜାଣି ପାରିବେ ।
