ଦେଶରେ ବଢିଲା କରୋନାର ଗତି, ୧୦ ହଜାର ଟପିଲା ଦୈନିକ ସଂକ୍ରମଣ
ନୂଆଦିଲ୍ଲୀ: ଗତ ଏକ ସପ୍ତାହରେ ଦେଶ ସାରା କୋଭିଡର ନୂଆ ମାମଲା ଦୃତ ଗତିରେ ବଢିବାରେ ଲାଗିଛି । ଆଜି ଗତ ୨୪ ଘଣ୍ଟା ମଧ୍ୟରେ ୧୦ ହଜାରରୁ ଅଧିକ ମାମଲା ପଞ୍ଜିକୃତ ହୋଇଛି । ଯାହା ସରକାର ତଥା ଜନସାଧାରଣଙ୍କୁ ଚିନ୍ତାରେ ପକାଇଛି । ସୂଚନା ଅନୁଯାୟୀ, ସାରା ଦେଶରେ ଦୈନିକ ସଂକ୍ରମଣ ୨୪ ଘଣ୍ଟା ମଧ୍ୟରେ ୧୦ ହଜାର ପାର କରିଛି । କେନ୍ଦ୍ରୀୟ ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ରୋଗୀଙ୍କ ସଂଖ୍ୟା ଗତ ୨୪ ଘଣ୍ଟା ମଧ୍ୟରେ ୧୦,୧୫୮ ଚିହ୍ନଟ ହୋଇଛନ୍ତି । ଏହାସହ ସଂକ୍ରମଣର ଡେଲି ପଜେଟିଭ ରେଟ ବଢି ୪.୪୨ ପ୍ରତିଶତ ହୋଇଛି ।
ଗତ ୨୪ ଘଣ୍ଟା ମଧ୍ୟରେ ଭାରତ ୧୦,୦୦୦ ରୁ ଅଧିକ ମାମଲା ପଞ୍ଜିକରଣ କରିଛି ଯାହା ସାତ ମାସ ମଧ୍ୟରେ ସର୍ବାଧିକ ଅଟେ। ବିଶେଷଜ୍ଞମାନେ କହିଛନ୍ତି ଯେ, ଓମିକ୍ରନର XBB.୧.୧୬ ସବଭାରିଆଣ୍ଟ, ଯାହା ନୂତନ ବୃଦ୍ଧି ପାଇଁ ଦାୟୀ, ବର୍ତ୍ତମାନର ଟୀକାକରଣ ଏହି ସମସ୍ୟାର ସମାଧାନ କରିବାରେ ସକ୍ଷମ ହୋଇଥିବାରୁ ଏହା ଚିନ୍ତାର କାରଣ ନୁହେଁ। ସୂଚନାନୁସାରେ, ଫେବୃଆରୀରେ ୨୧.୬% ବୃଦ୍ଧି ପାଇଥିବାବେଳେ, ମାର୍ଚ୍ଚରେ ଏହାବି ତା ଠାରୁ ବଢି ୩୫.୮% ହୋଇଥିଲା, ଯଦିଓ ଏହି କାରଣରୁ କାହାକୁ ଡାକ୍ତରଖାନାରେ ଭର୍ତ୍ତି ହେବାକୁ ପଡିନଥିଲା କିମ୍ବା ଏହି କୋଭିଡ ଯୋଗୁଁ କେହି ମରି ନଥିଲେ।
ତେବେ କୋଭିଡର ବୃଦ୍ଧି ମାମଲାରେ ସ୍ୱାସ୍ଥ୍ୟ ବିଶେଷଜ୍ଞମାନେ କହିଛନ୍ତି ଯେ, ଦେଶରେ କୋଭିଡ ମାମଲାରେ ଦ୍ରୁତ ଗତିରେ ବୃଦ୍ଧି ଘଟିଛି, ଏଥିପ୍ରତି ସତର୍କ ରହିବା ଆବଶ୍ୟକ, କିନ୍ତୁ ବୃଦ୍ଧି ପାଉଥିବା ମାମଲା ବିଷୟରେ ଚିନ୍ତା କରିବାର କୌଣସି ଆବଶ୍ୟକତା ନାହିଁ। କାରଣ ଆଗାମୀ ୧୦ ଦିନରେ କୋଭିଡର ସଂଖ୍ୟା ହ୍ରାସ ପାଇବ।
