ଲୋକସଭାରେ ଫେଲ୍ ମାରିଲା ବିରୋଧୀଙ୍କ ଅନାସ୍ଥା ପ୍ରସ୍ତାବ, ପ୍ରଧାନମନ୍ତ୍ରୀ କହିଲେ- ୨୦୨୮ରେ ପ୍ରସ୍ତୁତି କରି ଆସିବ
ନୂଆଦିଲ୍ଲୀ: ମୋଦୀ ସରକାରଙ୍କ ବିରୋଧରେ ଆସିଥିବା ଅନାସ୍ଥା ପ୍ରସ୍ତାବ କାଟ ଖାଇଛି । ବାଚନିକ ଭୋଟରେ ବିରୋଧୀଙ୍କ ଅନାସ୍ଥା ପ୍ରସ୍ତାବ କାଟ ଖାଇଲା । ବାଚନିକ ଭୋଟ ହେବା ପୂର୍ବରୁ ବିରୋଧୀ କକ୍ଷତ୍ୟାଗ କରିସାରିଥିଲେ । ପ୍ରଧାନମନ୍ତ୍ରୀ ମୋଦୀଙ୍କ ସମ୍ବୋଧନ ପରେ, ଲୋକସଭାରେ ଅନାସ୍ଥା ପ୍ରସ୍ତାବ ଉପରେ ମତଦାନ ହୋଇଥିଲା। ଏଥିରେ ବିରୋଧୀ ଦଳ ‘ଇଣ୍ଡିଆ’ ମେଣ୍ଟର ଅନାସ୍ଥା ପ୍ରସ୍ତାବ ଫେଲ ମାରିଛି। ଏହା ପରେ ସଂସଦ ସକାଳ ୧୧ ଟା ପର୍ଯ୍ୟନ୍ତ ସ୍ଥଗିତ ରଖାଯାଇଛି।
ବିରୋଧୀ କହିଛନ୍ତି ଯେ, ପ୍ରାୟ ଦୁଇ ଘଣ୍ଟା କଥା ହେବା ପରେ ମଧ୍ୟ ପ୍ରଧାନମନ୍ତ୍ରୀ ମୋଦୀ ମଣିପୁର ବିଷୟରେ ଉଲ୍ଲେଖ କରିନାହାଁନ୍ତି। ପ୍ରଧାନମନ୍ତ୍ରୀ ମୋଦୀ ଭାଷଣର ଶେଷ ଭାଗରେ ମଣିପୁର ଉପରେ ବିସ୍ତୃତ ବିବରଣୀ ଦେଇଛନ୍ତି।
ଅନାସ୍ଥା ପ୍ରସ୍ତାବ ଉପରେ ହୋଇଥିବା ଆଲୋଚନାର ଉତ୍ତରରେ ପ୍ରଧାନମନ୍ତ୍ରୀ କହିଛନ୍ତି ଯେ, ୨୦୧୮ ରେ ଗୃହର ନେତା ଭାବରେ ମୁଁ ତାଙ୍କୁ ୨୦୨୩ ମସିହାରେ ଏକ ଅନାସ୍ଥା ପ୍ରସ୍ତାବ ଆଣିବାକୁ ଦାୟିତ୍ୱ ଦେଇଥିଲି। ବର୍ତ୍ତମାନ ମୁଁ ସେମାନଙ୍କୁ ୨୦୨୮ ରେ ଆଣିବାର କାର୍ଯ୍ୟ ଦେଉଛି, କିନ୍ତୁ ଅତି କମରେ ଟିକେ ପ୍ରସ୍ତୁତି ପରେ ଆସନ୍ତୁ। ଯାହାଫଳରେ ଜନସାଧାରଣ ଅନୁଭବ କରନ୍ତୁ ଯେ, ଅନ୍ତତଃ ସେମାନେ ବିରୋଧୀ ଯୋଗ୍ୟ ଅଟନ୍ତି ବୋଲି।
୨୦୧୮ ରେ ଅନାସ୍ଥା ପ୍ରସ୍ତାବ ଉପରେ ହୋଇଥିବା ଆଲୋଚନାର ଉତ୍ତରରେ ପ୍ରଧାନମନ୍ତ୍ରୀ ମୋଦୀ କହିଥିଲେ ଯେ, ବିରୋଧୀ ମଧ୍ୟ ୨୦୨୩ ରେ ଏକ ଅନାସ୍ଥା ପ୍ରସ୍ତାବ ଆଣିବେ। ବର୍ତ୍ତମାନ ପ୍ରଧାନମନ୍ତ୍ରୀ ମୋଦୀ ପୁଣିଥରେ ୨୦୨୪ ନିର୍ବାଚନରେ ବିଜୟର ସମସ୍ତ ରେକର୍ଡ ଭାଙ୍ଗିବାକୁ ଦାବି କରିଛନ୍ତି ଏବଂ କହିଛନ୍ତି ଯେ, ବିରୋଧୀ ୨୦୨୮ ରେ ଏକ ଅନାସ୍ଥା ପ୍ରସ୍ତାବ ଆଣିବେ।
