ଟିବି ରୋଗୀଙ୍କ ପାଇଁ ଆଶ୍ବସ୍ତିକର ଖବର! ନୂଆ ଚିକିତ୍ସାକୁ ମଞ୍ଜୁର କଲେ ସରକାର, ମାତ୍ର ୬ ମାସ ମଧ୍ୟରେ ମିଳିବ ମୁକ୍ତି
ନୂଆଦିଲ୍ଲୀ: ଦେଶରେ ଡ୍ରଗ୍ ପ୍ରତିରୋଧକ ଟିବି ପାଇଁ ଅଧିକ ପ୍ରଭାବଶାଳୀ ଏବଂ ଶୀଘ୍ର ଚିକିତ୍ସା ବିକଳ୍ପ ଭାବରେ ବିପିଏଏଲଏମ୍ ରେଜିମେନ୍ ପ୍ରବର୍ତ୍ତନକୁ କେନ୍ଦ୍ର ଅନୁମୋଦନ କରିଛି । କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ୱାରା ଅନୁମୋଦିତ ନୂଆ ଚିକିତ୍ସାରେ ବିପିଏଏଲଏମ୍ ରେଜିମେନ୍ ଅନ୍ତର୍ଭୁକ୍ତ, ଯେଉଁଥିରେ ଚାରୋଟି ଔଷଧର ମିଶ୍ରଣ ଅନ୍ତର୍ଭୁକ୍ତ ।
କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ନିଜର ଏନଟିଇପି ଅଧୀନରେ ମଲ୍ଟି ଡ୍ରଗ୍ ପ୍ରତିରୋଧକ ଟିବି ପାଇଁ ଏକ ଅତ୍ୟନ୍ତ ପ୍ରଭାବଶାଳୀ ଏବଂ ସ୍ୱଳ୍ପକାଳୀନ ଚିକିତ୍ସା ବିକଳ୍ପ ଭାବରେ ବିପିଏଏଲଏମ୍ ବ୍ୟବସ୍ଥାର ପ୍ରବର୍ତ୍ତନକୁ ଅନୁମୋଦନ କରିଛି । ଏହି ବ୍ୟବସ୍ଥାରେ ବେଡାକୁଇଲିନ୍ ଏବଂ ଲାଇନଜୋଲିଡ୍ (ମୋକ୍ସିଫ୍ଲୋକ୍ସାସିନ୍ ସହିତ / ବିନା) ର ମିଶ୍ରଣରେ ପ୍ରିଟୋମାନିଡ୍ ନାମକ ଏକ ନୂଆ ଆଣ୍ଟି-ଟିବି ଔଷଧ ଅନ୍ତର୍ଭୁକ୍ତ ।
ପ୍ରିଟୋମାନାଇଡ୍ ପୂର୍ବରୁ ଭାରତରେ ସେଣ୍ଟ୍ରାଲ୍ ଡ୍ରଗ୍ ଷ୍ଟାଣ୍ଡାର୍ଡ କଣ୍ଟ୍ରୋଲ୍ ଅର୍ଗାନାଇଜେସନ୍ (ସିଡିଏସସିଓ) ଦ୍ୱାରା ଅନୁମୋଦିତ ଏବଂ ଲାଇସେନ୍ସପ୍ରାପ୍ତ । ବିପିଏଏଲଏମ୍ ରେଜିମେନ୍ ଚାରୋଟି ଔଷଧର ମିଶ୍ରଣକୁ ନେଇ ଗଠିତ । ମନ୍ତ୍ରଣାଳୟ କହିଛି ଯେ ପୂର୍ବ ଏମଡିଆର-ଟିବି ଚିକିତ୍ସା ପ୍ରକ୍ରିୟା ଅପେକ୍ଷା ବେଡାକୁଇଲିନ୍, ପ୍ରିଟୋମାନିଡ୍, ଲାଇନଜୋଲିଡ୍ ଏବଂ ମୋକ୍ସିଫ୍ଲୋକ୍ସାସିନ୍ ଅଧିକ ନିରାପଦ, ଅଧିକ ପ୍ରଭାବଶାଳୀ ଏବଂ ତୀବ୍ର ଚିକିତ୍ସା ଯୋଗାଇବ । ଯାହା ଟିବିର ଶୀଘ୍ର ଏବଂ ପ୍ରଭାବଶାଳୀ ଚିକିତ୍ସା କରିବାରେ ସାହାଯ୍ୟ କରିବ ।
