(video)ପ୍ରଚଣ୍ଡ ଶବ୍ଦ ସହ ମହାକାଶରେ ନଜର ଆସିଲା ‘ଲାଲ୍ ରୋଷଣୀ’, ବୈଜ୍ଞାନିକ ବି ଅବାକ୍
ନୂଆଦିଲ୍ଲୀ: ୟୁରୋପୀୟ ମହାକାଶ ସଂସ୍ଥା (ESA)ର ଜଣେ ମହାକାଶଯାତ୍ରୀ ଏକ ଅଭିନବ ଘଟଣାର ଫଟୋ ଉଠାଇଛନ୍ତି ଯାହାକୁ ‘ଲାଲ୍ ରୋଷଣୀ’ ବା ଇଂରାଜୀରେ Red Sprite କୁହାଯାଉଛି । ମହାକାଶ ଯାତ୍ରୀ ଆଣ୍ଡ୍ରିଆସ୍ ମୋଗେନସନ୍ ଡେନିସ୍ ଟେକନିକ୍ ବିଶ୍ୱବିଦ୍ୟାଳୟରେ ଏକ ଗବେଷଣା ଲାଗି ହାଇ ରିଜୋଲ୍ୟୁସନ କ୍ୟାମେରାର ପ୍ରୟୋଗ କରି ଏହି ଦୂର୍ଲଭ ଘଟଣାର ଫଟୋ ଉତ୍ତୋଳନ କରିଛନ୍ତି । ମୋଗେନସନଙ୍କ ଥର୍ ଡେଭିସ୍ ପରୀକ୍ଷଣର ଏହା ଏକ ଅଂଶବିଶେଷ ।
Beyond the clouds is a fascinating world.
What you see here is a picture of a red sprite over a thunder cloud that I took as part of the Thor-Davis experiment from @DTUSpace ⚡Red sprites are part of the rare phenomena known as Transient Luminous Events, often shortened TLEs,… pic.twitter.com/AA4h8anUIf
— Andreas Mogensen (@Astro_Andreas) November 24, 2023
ଏହି ଲାଲ୍ ରୋଷଣୀ ପୃଥିବୀର ବାୟୁମଣ୍ଡଳରୁ ୪୦ରୁ ୮୦ କିଲୋମିଟର ଉପରେ ନଜର ଆସିଛି । ଆକାଶରେ ଘଡଘଡି ମାରିବା ପରେ ଏହି ବିରଳ ଦୃଶ୍ୟ ନଜର ଆସିଥିଲା । ଏହି ଗବେଷଣାରୁ ଜଣାପଡିଥିଲା କି ଆକାଶରେ ବାଦଲ ପଛପଟେ ଏକ ସୁନ୍ଦର ପୃଥିବୀ ବି ଲୁଚି ରହିଛି । ଏହି ଲାଲ୍ ରୋଷଣୀ ଏକ ଅତି ବିରଳ ଦୃଶ୍ୟ ଯାହାକୁ TLE କୁହାଯାଏ । ଏହି ଗବେଷଣାର ଉଦ୍ଦେଶ୍ୟ ଥିଲା ପୃଥିବୀ ଉପରସ୍ଥ ବାୟୁମଣ୍ଡଳ ଉପରେ ଗ୍ରୀନହାଉସ୍ ଗ୍ୟାସ୍ର ପ୍ରଭାବ ଯାଞ୍ଚ କରିବା ଯାହାଦ୍ୱାରା ଗ୍ଲୋବାଲ ୱାର୍ମିଂ ପ୍ରଭାବିତ ହେଉଛି ।