IPL ୨୦୨୩ ଫାଇନାଲ୍ ଆଗରେ ବର୍ଷା ସାଜିଲା ବାଧକ: ସୋମବାର ଖେଳାଯିବ ଫାଇନାଲ

ଅହମଦାବାଦ: ହାଇଭୋଲଟେଜ୍ ଆଇପିଏଲ୍ ୨୦୨୩ ଫାଇନାଲ ମ୍ୟାଚ୍ ପାଇଁ ପୁରା ଦୁନିଆ ଅପେକ୍ଷା କରିଥିବା ବେଳେ ଭିଲେନ ସାଜିଛି ବର୍ଷା। ରବିବାର ନିୟମିତ ବ୍ୟବଧାନରେ ବର୍ଷା ହେତୁ ବାତିଲ କରାଯାଇଛି। ରାତି ୧୧ ଟା ସୁଦ୍ଧା ବର୍ଷା ନ ଛାଡ଼ିବାରୁ ରିଜର୍ଭ ଡେ’ ସୋମବାର(୨୯ ତାରିଖ) ମ୍ୟାଚ୍ କରିବାକୁ ନିଷ୍ପତି ହୋଇଛି। ଆଇପିଏଲ୍ ଇତିହାସରେ ପ୍ରଥମ ଥର ପାଇଁ ରିଜର୍ଭ ଡେ’ ରେ ଫାଇନାଲ୍ ଖେଳାଯିବ।

ରବିବାର ଦିନ ଦିନସାରା ନିୟମିତ ବ୍ୟବଧାନରେ ବର୍ଷା ହୋଇଥିଲା। ଏବଂ ଥରେ କିମ୍ବା ଦୁଇଥର ଯେତେବେଳେ କିଛି ଆଶା ସୃଷ୍ଟି ହୋଇଥିଲା, କିନ୍ତୁ ବର୍ଷା ପୁଣି ଭୟଙ୍କର ରୂପ ନେଇ ବର୍ଷିଥିଲା। ପ୍ରାୟ ୯:୦୫ ମିନିଟ୍ ରେ ପ୍ରଥମ ଥର ପାଇଁ ଆଶା ସୃଷ୍ଟି ହୋଇଥିଲା କି ମ୍ୟାଚ୍ ଆରମ୍ଭ ହୋଇପାରେ, କିନ୍ତୁ ପ୍ରାୟ ୧୫ ମିନିଟ୍ ପରେ ପ୍ରବଳ ବର୍ଷା ଆରମ୍ଭ ହେଲା ଏବଂ ପୁନର୍ବାର ପିଚ୍ ଏବଂ ଏହାର ଆଖପାଖ ଅଞ୍ଚଳ ଘୋଡାଇ ଦିଆଯାଇଥିଲା।

The #Final of the #TATAIPL 2023 has been moved to the reserve day on 29th May – 7:30 PM IST at the Narendra Modi Stadium, Ahmedabad.

Physical tickets for today will be valid tomorrow. We request you to keep the tickets safe & intact. #CSKvGT pic.twitter.com/d3DrPVrIVD

— IndianPremierLeague (@IPL) May 28, 2023

ନିୟମ ଅନୁଯାୟୀ, ଶେଷ ଥର ପାଇଁ ମ୍ୟାଚ୍ ୧୨:୦୬ ରେ ଆରମ୍ଭ ହୋଇପାରିଥାନ୍ତା, କିନ୍ତୁ ଏଥିପାଇଁ ଏକ ଘଣ୍ଟା ପୂର୍ବରୁ ବର୍ଷା ବନ୍ଦ କରିବା ଆବଶ୍ୟକ ଥିଲା। ଏହାର କାରଣ ହେଲା ମ୍ୟାଚ୍ ପାଇଁ ଗ୍ରାଉଣ୍ଡକୁ ପ୍ରସ୍ତୁତ କରିବାକୁ ଏକ ଘଣ୍ଟା ଲାଗିବ, ତା’ପରେ ଟସ୍ ପଡ଼ିବ ଏବଂ ପରେ ମ୍ୟାଚ୍ ଆରମ୍ଭ ହେବାକୁ ପ୍ରାୟ କୋଡ଼ିଏ ମିନିଟ୍ ଲାଗିବ। ଏଭଳି ପରିସ୍ଥିତିରେ ଯେତେବେଳେ ବର୍ଷା ୧୦:୫୦ ପର୍ଯ୍ୟନ୍ତ ବନ୍ଦ ହୋଇନଥିଲା, ସେତେବେଳେ ଉଭୟ ଅନ-ଫିଲ୍ଡ ଅମ୍ପାୟାର ମ୍ୟାଚ୍ ରେଫରି ଜାଭାଗଲ ଶ୍ରୀନଥଙ୍କ ସହ ଆଲୋଚନା କରିବା ପରେ ମ୍ୟାଚ୍ ରଦ୍ଦ କରିବାକୁ ଘୋଷଣା କରିଥିଲେ।