RCB vs PBKS Final: ବିରାଟ କୋହଲି ଇତିହାସ ରଚିଲେ, ସର୍ବାଧିକ ଚୌକା ମାରିଥିବା ବ୍ୟାଟସମ୍ୟାନ୍ ହେଲେ
ଆଇପିଏଲ ଫାଇନାଲରେ ବିରାଟ କୋହଲି ଏକ ବଡ଼ ରେକର୍ଡ କଲେ ।
ନୂଆଦିଲ୍ଲୀ: IPL 2025 ଫାଇନାଲରେ ବିରାଟ କୋହଲି ଏକ ବଡ଼ ରେକର୍ଡ କରିଛନ୍ତି । ସେ IPLରେ ସର୍ବାଧିକ ଚୌକା ମାରିଥିବା ବ୍ୟାଟସମ୍ୟାନ୍ ହୋଇଛନ୍ତି ।
ସେ ଶିଖର ଧାୱନଙ୍କୁ ପଛରେ ପକାଇ ଦେଇଛନ୍ତି, ଯାହାଙ୍କ ପାଖରେ 222 ମ୍ୟାଚ୍ରେ 768 ଚୌକା ଅଛି। ରୟାଲ୍ ଚ୍ୟାଲେଞ୍ଜର୍ସ ବାଙ୍ଗାଲୋର ବନାମ ପଞ୍ଜାବ କିଙ୍ଗ୍ସ ଫାଇନାଲରେ ବିରାଟ କୋହଲି 35 ବଲ୍ରେ 43 ରନ୍ କରିଥିଲେ ।
ନରେନ୍ଦ୍ର ମୋଦି ଷ୍ଟାଡିୟମରେ ଖେଳାଯାଉଥିବା IPL 2025 ଫାଇନାଲ୍ରେ, ପଞ୍ଜାବ ଅଧିନାୟକ ଶ୍ରେୟସ ଆୟର ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲେ । ଫିଲ୍ ସଲ୍ଟ (16) ବିରାଟ କୋହଲିଙ୍କ ସହ ଇନିଂସ୍ ଓପ୍ନ କରିଥିଲେ ।
ଏହା ପରେ, କୋହଲି ମୟଙ୍କ ଅଗ୍ରୱାଲଙ୍କ ସହିତ 38 ରନ୍ ଏବଂ ପରେ ଅଧିନାୟକ ରଜତ ପାଟିଦାରଙ୍କ ସହିତ 40 ରନ୍ ର ପାର୍ଟନରସିପ୍ କରିଥିଲେ । 15ତମ ଓଭରରେ ଆଜମତୁଲ୍ଲା ଓମରଜାଇଙ୍କ ଦ୍ୱାରା କୋହଲିଙ୍କୁ ଆଉଟ୍ କରାଯାଇଥିଲା।
ବିରାଟ କୋହଲିଙ୍କ ନାଁରେ ୭୭୧ ଚୌକା- ପଞ୍ଜାବ କିଙ୍ଗସ୍ ବିପକ୍ଷରେ ଫାଇନାଲରେ କୋହଲି ତାଙ୍କର ୪୩ ରନର ଇନିଂସରେ ୩ ଚୌକା ମାରିଥିଲେ । ବର୍ତ୍ତମାନ ସେ ଆଇପିଏଲରେ ୨୬୭ ମ୍ୟାଚରେ ୭୭୧ ଚୌକା ମାରିଛନ୍ତି । ପୂର୍ବରୁ ଏହି ରେକର୍ଡ ଶିଖର ଧାୱନଙ୍କ ନାମରେ ଥିଲା, ଯିଏ ୨୨୨ ମ୍ୟାଚରେ ୭୬୮ ଚୌକା ମାରିଥିଲେ । ଧାୱନ ଏବେ ଆଇପିଏଲରୁ ଅବସର ନେଇସାରିଛନ୍ତି ।
ବିରାଟ କୋହଲି ୨୦୧୬ରେ ଏକ ସିଜିନରେ ସର୍ବାଧିକ ଚୌକା ମାରିଥିଲେ, ସେ ମୋଟ ୮୩ ଚୌକା ମାରିଥିଲେ । ଏହି ସିଜିନରେ ଡେଭିଡ୍ ୱାର୍ଣ୍ଣର (୮୮) ସର୍ବାଧିକ ଚୌକା ମାରିଥିଲେ ।
ବିରାଟ କୋହଲିଙ୍କ ପାଖରେ ଏବେ ଆଇପିଏଲରେ ୨୬୭ ମ୍ୟାଚରେ ୮୬୬୦ ରନ ଅଛି । ଆଇପିଏଲରେ ତାଙ୍କର ସର୍ବାଧିକ ସ୍କୋର ୧୧୩ ରନ । ସେ ଆଇପିଏଲରେ ୮ ଶତକ ଏବଂ ୬୩ ଅର୍ଦ୍ଧଶତକ ହାସଲ କରିଛନ୍ତି । କିନ୍ତୁ, ସେ ଆଇପିଏଲ ଫାଇନାଲରେ ତାଙ୍କର ଅର୍ଦ୍ଧଶତକରୁ ବଞ୍ଚିତ ହୋଇଥିଲେ ।
IPL 2025ରେ ବିରାଟ କୋହଲିଙ୍କ ପ୍ରଦର୍ଶନ- ଏହି ସିଜିନରେ କୋହଲି ତାଙ୍କ ଦଳ ପାଇଁ ସର୍ବାଧିକ ରନ ସ୍କୋରର । ସେ 15 ଇନିଂସରେ 656 ରନ କରିଥିଲେ । ଏହି ସିଜିନରେ ତାଙ୍କର ସବୁଠାରୁ ବଡ଼ ଇନିଂସ ଥିଲା 73 ରନ, ଯାହା ସେ ଲିଗ୍ ପର୍ଯ୍ୟାୟରେ ପଞ୍ଜାବ କିଙ୍ଗସ ବିପକ୍ଷରେ ଖେଳିଥିଲେ । ଏହି ସିଜିନରେ କୋହଲି 8ଟି ଅର୍ଦ୍ଧଶତକୀୟ ଇନିଂସ ଖେଳିଛନ୍ତି ।