ସିକନ୍ଦରରେ ଏଣ୍ଟ୍ରି କଲେ କରୀନା କପୁର; ସଲମାନ୍ ଖାନ୍ଙ୍କ ସହ ପୁଣି ଏକାଠି ନଜର ଆସିବେ ବେବୋ
Advertisement
ମୁମ୍ବାଇ: ସଲମାନ ଖାନଙ୍କ ଫିଲ୍ମ ସିକନ୍ଦର କିଛି ଦିନ ହେବ ଚର୍ଚ୍ଚାର ବିଷୟ ପାଲଟିଛି । ଏହି କଥାଚିତ୍ରଟିର ନିର୍ଦ୍ଦେଶନା ଦେଇଛନ୍ତି ଏଆର ମୁରୁଗାଦୋସ । କିଛି ସମୟ ପୂର୍ବରୁ ଖବର ଆସିଥିଲା ଯେ ସଲମାନ ଖାନଙ୍କ ସହ ରଶ୍ମିକା ମନ୍ଦାନା ମଧ୍ୟ ଏହି ଫିଲ୍ମରେ ନଜର ଆସିବାକୁ ଯାଉଛନ୍ତି । ତେବେ ଏହି ଫିଲ୍ମରେ ସଲମାନ ଖାନଙ୍କ ବିପକ୍ଷରେ ନଜର ଆସିବେ କରୀନା କପୁର ବୋଲି ଶୁଣିବାକୁ ମିଳୁଛି । ବକ୍ସ ଅଫିସ୍ ୱାର୍ଲ୍ଡୱାଇଡ୍ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ବହୁ ପ୍ରତୀକ୍ଷିତ ଫିଲ୍ମ ସିକନ୍ଦରରେ ସଲମାନ ଖାନଙ୍କ ସହ ଅଭିନୟ କରିବାକୁଥିବା କରୀନା କପୁରଙ୍କ ନାମ ପ୍ରଥମେ ରହିଛି ।
ସୂତ୍ରରୁ ପ୍ରକାଶ ଯେ କରୀନା ନିକଟରେ ବଡ଼ ବକ୍ସ ଅଫିସ୍ ହିଟ୍ ଫିଲ୍ମ ‘କ୍ରୁ’ ଏବଂ ‘ଜାନେ ଜାନ୍’ ପାଇଁ ପ୍ରଶଂସକଙ୍କ ଠାରୁ ବହୁତ ପ୍ରଶଂସା ପାଇଛନ୍ତି । କରୀନା ସଲମାନଙ୍କ ସହ ଏକ ଭଲ ଟ୍ରାକ୍ ରେକର୍ଡ ସେୟାର କରିଛନ୍ତି । ପୂର୍ବରୁ ଦୁହେଁ ବଜରଙ୍ଗୀ ଭାଇଜାନ ଏବଂ ବଡିଗାର୍ଡ ଭଳି ବ୍ଲକବଷ୍ଟର ଫିଲ୍ମରେ ଏକାଠି କାମ କରିଛନ୍ତି । ଫିଲ୍ମ ସିକନ୍ଦରକୁ ନେଇ ସୂତ୍ରରୁ ପ୍ରକାଶ ଯେ କରୀନା କପୁର ସ୍କ୍ରିପ୍ଟ ଶୁଣିଛନ୍ତି ଏବଂ ଖୁବଶୀଘ୍ର ସବୁ କିଛି ଆଗକୁ ବଢିବ । କରୀନା ୟଶଙ୍କ ଫିଲ୍ମରେ କାମ କରିବାକୁ ମନା କରିଦେଇଥିବାରୁ ସୁଟିଂ ପାଇଁ ସେମାନଙ୍କ ପାଖରେ ତାରିଖ ରହିଛି ।
ଖୁବଶୀଘ୍ର ଏହାର ଆନୁଷ୍ଠାନିକ ଘୋଷଣା କରାଯିବ। ମୁରୁଗାଦୋସ ଏହି ଫିଲ୍ମ ପାଇଁ ଆକ୍ସନ ସିକ୍ୱେନ୍ସକୁ ପ୍ରାଥମିକତା ଦେଉଥିବା ବେଳେ ଏଥିପାଇଁ କୋରିଓଗ୍ରାଫି ଚାଲିଛି । ଫିଲ୍ମରେ ନିଜର ସମର୍ପଣ ପାଇଁ ଜଣାଶୁଣା ସଲମାନ ଖାନ ଏହି ଆକ୍ସନ ସିକ୍ୱେନ୍ସ ପାଇଁ କୌଣସି କସରତ ଛାଡୁନାହାନ୍ତି । ଏହାବ୍ୟତୀତ ନିଜ ଶାରୀରିକ ସ୍ଥିତିରେ ଉନ୍ନତି ଆଣିବା ପାଇଁ ସେ ନିୟମିତ ବ୍ୟାୟାମ ମଧ୍ୟ କରୁଛନ୍ତି ।
View this post on Instagram