ହେ ଭଗବାନ! ୫୯୬ ଟଙ୍କା ପିଜାରେ ଛୁରୀ… ସୋସିଆଲ ମିଡିଆରେ ଭାଇରାଲ ହେଉଛି ଭିଡିଓ
ଅନଲାଇନ୍ ଅର୍ଡ଼ର ଦେଲା ଧୋକା । ପିଜାରେ ଧାରୁଆ ଜିନିଷ ଦେଖି ହୋଇଗଲେ ଚକିତ ।
ନୂଆଦିଲ୍ଲୀ: ପୁଣେର ପିମ୍ପରି ଚିଞ୍ଚୱଡ଼ରୁ ଏକ ଚକିତ କଲା ଭଳି ମାମଲା ସାମ୍ନାକୁ ଆସିଛି । ଜଣେ ବ୍ୟକ୍ତିଙ୍କୁ ଅନଲାଇନ୍ ପିଜା ଅର୍ଡ଼ର୍ର କରିଥିବା ପଡ଼ିଲା ମହଙ୍ଗା ।
ଦାନ୍ତରେ କ’ଣ ଅଟକିଲା?
ଶୁକ୍ରବାର ଅରୁଣ କାପସେ ନାମକ ଜଣେ ବ୍ୟକ୍ତି ଅନଲାଇନ୍ ପିଜା ଅର୍ଡ଼ର କରିଥିଲେ । ଏଥିପାଇଁ ସେ ଅନଲାଇନ୍ ୫୯୬ ଟଙ୍କା ପୈଠ କରିଥିଲେ ।
କିନ୍ତୁ ପିଜା ଖାଇବା ସମୟରେ ତାଙ୍କ ଦାନ୍ତରେ ଏକ ଧାରୁଆ ଜିନିଷ ଅଟକିଥିଲା । ସେ ସାମାନ୍ୟ ଆଘାତପ୍ରାପ୍ତ ମଧ୍ୟ ହୋଇଥିଲେ । ଏହା ଏକ ଧାରୁଆ ଛୁରୀର ଅଂଶ ଥିଲା ।
ମ୍ୟାନେଜରଙ୍କୁ ଝଟକା: ଏହି ଘଟଣାକୁ ନେଇ ଉକ୍ତ ବ୍ୟକ୍ତି ପିଜା କମ୍ପାନୀର ମ୍ୟାନେଜରଙ୍କ ନିକଟରେ ଅଭିଯୋଗ କରିଥିଲେ । ପ୍ରଥମେ ମ୍ୟାନେଜର ଅଭିଯୋଗକୁ ବିଶ୍ୱାସ କରୁନଥିଲେ ।
ପରେ ଅରୁଣ ପିଜା କମ୍ପାନୀର ମ୍ୟାନେଜରଙ୍କୁ ଫଟୋ ପଠାଇବା ପରେ ତାଙ୍କୁ ବଡ଼ ଝଟକା ଲାଗିଥିଲା ।
ଏହା ପରେ ମ୍ୟାନେଜର ଯଥାଶୀଘ୍ର ଅଭିଯୋଗକାରୀଙ୍କ ଘରେ ପହଞ୍ଚି ଉକ୍ତ ଫଟୋକୁ ସୋସିଆଲ ମିଡିଆରେ ଭାଇରାଲ ନ କରିବା ପାଇଁ ନିବେଦନ କରିଥିଲେ ।
ମାମଲାକୁ ଚପାଇବା ପାଇଁ ଚେଷ୍ଟା: ଅଭିଯୋଗକାରୀ ଅରୁଣଙ୍କ କହିବାନୁଯାୟୀ ମ୍ୟାନେଜର ଜଣଙ୍କ ନିଜ ଭୁଲ ସ୍ୱୀକାର କରିଥିଲେ । ଏହି ଘଟଣାକୁ ନେଇ ଅଭିଯୋଗକାରୀ ଫୁଡ୍ ଆଣ୍ଡ୍ ଡ୍ରଗ୍ ଆଡମିନିଷ୍ଟ୍ରେସନରେ ଅଭିଯୋଗ କରିବାକୁ ନିଷ୍ପତ୍ତି ନେଇଥିଲେ ।
କିନ୍ତୁ ମ୍ୟାନେଜର ଜଣଙ୍କ ଏହି ଘଟଣାକୁ ଚପାଇବା ପାଇଁ ଅଭିଯୋଗକାରୀଙ୍କୁ ନେହୁରା ହୋଇଥିଲେ । ଶାନ୍ତିପୂର୍ଣ୍ଣ ଭାବେ ଏହି ମାମଲାର ସମାଧାନ କରିବା ପାଇଁ ଅଭିଯୋଗକାରୀଙ୍କୁ ମନାଇଥିଲେ ।
पुणे से एक हैरान करने वाली घटना सामने आई है
पिज़्जा में चाकू का टुकड़ा मिलने का दावा किया गया हैसोचिये ये कितनी बड़ी लापरवाही है अगर ये गलती से भी मुह मे चला जाता तो कितनी बड़ी घटना हो सकती थी l
अब तो बाहर कुछ भी खाने से डर लगने लगा है 😢 pic.twitter.com/xm1wODDi3L— देहाती बालक (@saurabh23934844) January 5, 2025