ପେସାଦାର ଟେନିସ୍ରୁ ଅବସର ଘୋଷଣା କଲେ କିମ୍ବଦନ୍ତୀ ରୋଜର ଫେଡେରର
ନୂଆଦିଲ୍ଲୀ: ସ୍ୱିଜରଲାଣ୍ଡର କିମ୍ବଦନ୍ତି ଟେନିସ୍ ପ୍ଲେୟାର ରୋଜର ଫେଡେରର ପେସାଦାର ଟେନିସ୍ରୁ ଅବସର ଘୋଷଣା କରିଛନ୍ତି। ଆସନ୍ତା ସପ୍ତାହରେ ଲଣ୍ଡନରେ ହେବାକୁ ଥିବା ଲାଭର କପ୍ ତାଙ୍କର “ବିଦାୟ ଟୁର୍ନାମେଣ୍ଟ” ହେବ ବୋଲି କହିଛନ୍ତି। ଫେଡେରର ୪୧ ବର୍ଷ ବୟସରେ ଟେନିସକୁ ବିଦାୟ ଦେବାକୁ ନିଷ୍ପତ୍ତି ନେଇଛନ୍ତି। ଫେଡେରର ତାଙ୍କ ଖେଳ ଜୀବନରେ୨୦ ଗ୍ରାଣ୍ଡସ୍ଲାମ ଟାଇଟଲ ଜିତିଥିବା ବେଳେ ଜୁଲାଇ ୨୦୨୧ ରେ ୱିମ୍ବଲଡନରେ ଖେଳିବା ପରଠାରୁ କୋର୍ଟକୁ ଫେରି ନାହାଁନ୍ତି।
ଇନ୍ଜୁରୀ କାରଣରୁ ଏହା ପରେ ତାଙ୍କର ଅନେକ ଆଣ୍ଠୁ ଅସ୍ତ୍ରୋପଚାର କରାଯାଇଥିଲା। ଫେଡେରର ଟ୍ୱିଟରରେ ପୋଷ୍ଟ କରିଛନ୍ତି ଯେ ଆସନ୍ତା ସପ୍ତାହରେ ଲଣ୍ଡନରେ ହେବାକୁ ଥିବା ଲାଭର କପ୍ ତାଙ୍କର ଶେଷ ପେସାଦାର ଟୁର୍ନାମେଣ୍ଟ ହେବ। ଏହି ପୋଷ୍ଟରେ ଫେଡେରର କହିଛନ୍ତି ଯେ, ”ମୁଁ ୨୪ ବର୍ଷରେ ୧,୫୦୦ ରୁ ଅଧିକ ମ୍ୟାଚ୍ ଖେଳିଛି ଏବଂ ଟେନିସ୍ ମୋତେ ଅଧିକ ଉଦାର ବ୍ୟବହାର କରିଛି। ମୋର ପ୍ରତିଯୋଗିତାମୂଳକ କ୍ୟାରିୟର ଶେଷ କରିବାର ସମୟ ଆସିଛି। ସେ ଏହା ମଧ୍ୟ କହିଛନ୍ତି ଯେ, “ଆପଣମାନଙ୍କ ମଧ୍ୟରୁ ଅନେକ ଜାଣନ୍ତି, ଗତ ତିନିବର୍ଷ ମୋତେ ଆଘାତ ଏବଂ ଅସ୍ତ୍ରୋପଚାର ଆକାରରେ ଚ୍ୟାଲେଞ୍ଜ ଦେଇଛି। ମୁଁ ପୂର୍ଣ୍ଣ ପ୍ରତିଯୋଗିତାମୂଳକ ଫର୍ମକୁ ଫେରିବା ପାଇଁ କଠିନ ପରିଶ୍ରମ କରିଛି। କିନ୍ତୁ ମୁଁ ମଧ୍ୟ ଜାଣେ ମୋ ଶରୀରର କ୍ଷମତା ଏବଂ ସୀମା, ଏବଂ ମୋତେ ଏହା ସ୍ପଷ୍ଟ ଅନୁଭବ ହୋଇଛି।”
— Roger Federer (@rogerfederer) September 15, 2022
ଫେଡେରର ତାଙ୍କଙ୍କ କ୍ୟାରିଅରରେ ଆଠଟି ୱିମ୍ବଲଡନ୍ ଚାମ୍ପିଅନସିପ୍, ୬ଟି ଅଷ୍ଟ୍ରେଲିୟ ଓପନ୍, ପାଞ୍ଚଟି ୟୁଏସ୍ ଓପନ୍ ଏବଂ ଗୋଟିଏ ରୋଲାଣ୍ଡ-ଗାରୋସ୍ ଜିତିଛନ୍ତି। ସେ ଏହି ଯାତ୍ରାରେ ୧୦୩ ଟାଇଟଲ୍ ଜିତିଥିଲେ, କ୍ରମାଗତ ୨୩୭ ସପ୍ତାହ ପାଇଁ ବିଶ୍ୱର ୧ ନମ୍ବର ମାନ୍ୟତା ଖେଳାଳି ଭାବରେ ଏକ ସମୟରେ ସ୍ୱିଜରଲ୍ୟାଣ୍ଡ ପାଇଁ ଏକ ଅଲିମ୍ପିକ୍ ସ୍ୱର୍ଣ୍ଣ ପଦକ ମଧ୍ୟ ଜିତିଥିଲେ।