ଓଡ଼ିଶା ଇତିହାସରେ ୧ କୋଟି ଟଙ୍କାରୁ ଅଧିକ ଟଙ୍କା ଜବତ ହୋଇଥିବା ସରକାରୀ ବାବୁଙ୍କ ତାଲିକା, ଦୁର୍ନୀତିଗ୍ରସ୍ଥଙ୍କୁ ରାତିରେ ହଉନି ନିଦ
ଭୁବନେଶ୍ୱର: ନୂଆ ସରକାର ଆସିବା ପରେ ରାଜ୍ୟରେ ଭିଜିଲାନ୍ସ ସକ୍ରିୟ ହୋଇ ଉଠିଛି। ବହିର୍ଭୁତ୍ତ ସମ୍ପତ୍ତି ଠୁଳ କରିଥିବା କୁବେର ଅଧିକାରୀମାନଙ୍କ ଉପରେ ନିୟମିତ ଚଢ଼ାଉ ଜାରି ରହିଛି। ଏହି କ୍ରମରେ ବୁଧବାର ଭିଜିଲାନ୍ସ ମାଲକାନଗିରି ଜିଲା ଜଳଛାୟା ପ୍ରକଳ୍ପ ଉପନିର୍ଦ୍ଦେଶକ(ପିଡି) ଶାନ୍ତନୁ ମହାପାତ୍ରଙ୍କ ବାସଭବନ ସମେତ ୭ଟି ସ୍ଥାନରେ ଆୟ ବହିର୍ଭୁତ ସମ୍ପତ୍ତି(ଡିଏ) ଠୁଳ ଅଭିଯୋଗରେ ଚଢ଼ାଉ କରି ୧.୯୮ କୋଟି ଟଙ୍କାର ବିପୁଳ ପରିମାଣର ନଗଦ ଟଙ୍କା ଠାବ କରିଛି।
ସାନ୍ତନୁ ମହାପାତ୍ରଙ୍କ ଘରୁ ୧.୯୮ କୋଟି ଟଙ୍କା ଜବତ କରିବା ପରେ, ଓଡ଼ିଶା ଭିଜିଲାନ୍ସ ଏହାର ଇତିହାସରେ ୧ କୋଟି ଟଙ୍କାରୁ ଅଧିକ ଟଙ୍କାର ଜବତ ହୋଇଥିବା ସର୍ବାଧିକ ଟଙ୍କା ଜବତ କରିଥିବା ତାଲିକା ଶେୟାର କରିଛି। ତାଲିକା ଉପରେ ନଜର ପକାନ୍ତୁ:
- ୦୫.୦୨.୨୦୨୫ ରେ ମାଲକାନଗିରି ଜିଲା ଜଳଛାୟା ପ୍ରକଳ୍ପ ଉପନିର୍ଦ୍ଦେଶକ ଏବଂ ପ୍ରକଳ୍ପ ନିର୍ଦ୍ଦେଶକ ସାନ୍ତନୁ ମହାପାତ୍ରଙ୍କ ଘରେ ଚଢ଼ାଉ କରି ୧.୯୮ କୋଟି ଟଙ୍କାର ନଗଦ ଜବତ କରିଛି।
- ୨୨/୨୩.୦୬.୨୦୨୩ ରେ ନବରଙ୍ଗପୁରର ଅତିରିକ୍ତ ଉପଜିଲାପାଳ ପ୍ରସାନ୍ତ କୁମାର ରାଉତଙ୍କ ଘରେ ଚଢ଼ାଉ କରି ୩,୧୨,୩୦,୮୦୦ ଟଙ୍କାର ନଗଦ ଜବତ କରାଯାଇଥିଲାଏ।
- ୦୩.୦୩.୨୦୨୩ ରେ ଭୁବନେଶ୍ୱର ଖଣି ନିର୍ଦ୍ଦେଶାଳୟର ଅତିରିକ୍ତ ନିର୍ଦ୍ଦେଶକ ଉମେଶ ଚନ୍ଦ୍ର ଜେନାଙ୍କ ଘରେ ଚଢ଼ାଉ କରି ୧.୬୪ କୋଟି ଟଙ୍କା ନଗଦ ଜବତ ହୋଇଥିଲା।
- ୦୭.୦୪.୨୦୨୨ ରେ କାର୍ତ୍ତିକେଶ୍ୱର ରାଉଳ, ଏଇ, ଏମ୍ଆଇ, ଭଞ୍ଜନଗର, ଗଞ୍ଜାମଙ୍କ ବିରୁଦ୍ଧରେ ଘର ତଲାସୀ ସମୟରେ ୩,୪୧,୬୬,୨୮୦ ଟଙ୍କା ନଗଦ ଜବତ ହୋଇଥିଲା।
- ୨୫.୦୩.୨୦୨୨ ରେ ଆଶିଷ କୁମାର ଦାସ, ଏସ୍ଇ, ଆରଡବ୍ଲୁ ଡିଭିଜନ, ମାଲକାନଗିରିଙ୍କ ବିରୁଦ୍ଧରେ ଘର ତଲାସୀ ସମୟରେ ୧,୪୦,୧୮,୦୭୦ ଟଙ୍କା ନଗଦ ଜବତ।
- ୧୬.୦୨.୨୦୨୨ ରେ ଟ୍ରାପ୍ ପରେ ଚାରିଛକ ସିଏଚସିର ସ୍ତ୍ରୀ ରୋଗ ବିଶେଷଜ୍ଞ ଡାକ୍ତର ସୁକାନ୍ତ ଜେନାଙ୍କ ବିରୁଦ୍ଧରେ ଘର ତଲାସୀ ସମୟରେ ୧,୧୩,୧୬,୭୨୦ ଟଙ୍କା ନଗଦ ଜବତ।
- ୨୦/୨୧.୧୨.୨୦୨୨ ରେ IDCOL ର ଯୁଗ୍ମ ପରିଚାଳକ ଗୟା ସାନ୍ତାରାଙ୍କ ବିରୁଦ୍ଧରେ ଘର ତଲାସୀ ସମୟରେ ୧,୦୬,୪୪,୫୦୦ ଟଙ୍କା ନଗଦ ଜବତ ହୋଇଥିଲା।
- ୨୪.୦୨.୨୦୧୬ ରେ ଆଠଗଡ଼ର DFO ସୁଧାଂଶୁ ଶେଖର ମିଶ୍ରଙ୍କ ବିରୁଦ୍ଧରେ ଘର ତଲାସୀ ସମୟରେ ୧,୦୧,୭୦,୯୫୦ ଟଙ୍କା ନଗଦ ଜବତ।
- ତେବେ ରିପୋର୍ଟ ଅନୁଯାୟୀ ଓଡ଼ିଶା ଭିଜିଲାନ୍ସ ଇତିହାସରେ ୮ଟି ସର୍ବାଧିକ ନଗଦ ଜବତ ମଧ୍ୟରୁ ୭ଟି ଗତ କେବଳ ଗତ ୩ ବର୍ଷ (୨୦୨୨-୨୦୨୫) ମଧ୍ୟରେ ଘଟିଛି।