ବ୍ୟାଙ୍କ ଲକର୍ ବ୍ୟବହାର କରୁଥିଲେ ହୋଇଯାଆନ୍ତୁ ସାବଧାନ! ଆରବିଆଇ ଆଣିଲା ନୂଆ ନିୟମ, ବ୍ୟାଙ୍କ ଉଠାଇପାରେ ବଡ଼ ପଦକ୍ଷେପ
ନୂଆଦିଲ୍ଲୀ: ଲୋକମାନେ ସେମାନଙ୍କର ଅଳଙ୍କାର ଏବଂ ଅନ୍ୟାନ୍ୟ ମୂଲ୍ୟବାନ ଜିନିଷକୁ ବ୍ୟାଙ୍କ ଲକରରେ ରଖନ୍ତି, ଯାହାଫଳରେ ଏହି ଦାମୀ ଜିନିଷ ସବୁ ସୁରକ୍ଷିତ ରହିବ । କାରଣ ଘର କିମ୍ବା ବ୍ୟାଙ୍କ ଆଦିରେ ଚୋରି ହେବାର ଆଶଙ୍କା ଅଧିକ ରହିଥାଏ । କିନ୍ତୁ ବର୍ତ୍ତମାନ ଏହି ଲକର୍ ବ୍ୟବସ୍ଥାରେ ଗ୍ରହଣ ଲାଗିବାକୁ ଯାଉଛି । ଆରବିଆଇର ନୂତନ ନିୟମ ଅନୁଯାୟୀ, ଯଦି ଆପଣ ଦୀର୍ଘ ସମୟ ପର୍ୟ୍ୟନ୍ତ ଲକର ଖୋଲନ୍ତି ନାହିଁ, ତେବେ ବ୍ୟାଙ୍କଗୁଡ଼ିକ ଆପଣଙ୍କ ଲକରକୁ ଭାଙ୍ଗି ପାରିବେ ।
ସୁରକ୍ଷିତ ଜମା ଲକର ସମ୍ବନ୍ଧରେ ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (ଆରବିଆଇ) ସଂଶୋଧିତ ନିର୍ଦ୍ଦେଶାବଳୀ ଜାରି କରିଛି। ଏହି ନୂତନ ଗାଇଡଲାଇନରେ, ଯଦି ଲକର ଦୀର୍ଘ ସମୟ ଧରି ଖୋଲା ନହୁଏ ତେବେ ବ୍ୟାଙ୍କଗୁଡ଼ିକୁ ଲକର ଖୋଲିବାକୁ ଅନୁମତି ଦିଆଯାଇଛି । ଯଦିଓ ଭଡା ନିୟମିତ ରୂପେ ଦିଆଯାଉଥାଉ ନା କାହିଁକି ।
ବ୍ୟାଙ୍କିଙ୍ଗ୍ ଏବଂ ଟେକ୍ନୋଲୋଜି କ୍ଷେତ୍ରରେ ବିଭିନ୍ନ ବିକାଶ, ଗ୍ରାହକମାନଙ୍କ ଅଭିଯୋଗର ପ୍ରକୃତି ଏବଂ ବ୍ୟାଙ୍କ ଏବଂ ଇଣ୍ଡିଆନ୍ ବ୍ୟାଙ୍କ ଆସୋସିଏସନ୍ ପକ୍ଷରୁ ମିଳିଥିବା ମତାମତକୁ ଦୃଷ୍ଟିରେ ରଖି ଆରବିଆଇ ସୁରକ୍ଷିତ ଜମା ଲକର ସମ୍ବନ୍ଧୀୟ ନିର୍ଦ୍ଦେଶନାମାକୁ ସଂଶୋଧନ କରିଛି । ନିଷ୍କ୍ରିୟ ବ୍ୟାଙ୍କ ଲକରଗୁଡ଼ିକ ବିଷୟରେ ବ୍ୟାଙ୍କଗୁଡ଼ିକୁ ନୂତନ ନିର୍ଦ୍ଦେଶ ମଧ୍ୟ ଦେଇଛି ।
ସଂଶୋଧିତ ଆରବିଆଇ ଗାଇଡଲାଇନରେ ଦର୍ଶାଯାଇଛି ଯେ, ଲକରକୁ ଭାଙ୍ଗିବା ଏବଂ ଲକରର ବିଷୟବସ୍ତୁକୁ ଏହାର ନାମାଙ୍କନକାରୀ / ଆଇନଗତ ଉତ୍ତରାଧିକାରୀଙ୍କ ନିକଟକୁ ସ୍ଥାନାନ୍ତର କରିବା କରିବା ପାଇଁ ବ୍ୟାଙ୍କ ମୁକ୍ତ ରହିବ। କିନ୍ତୁ ଜନସାଧାରଣଙ୍କ ସ୍ୱାର୍ଥର ସୁରକ୍ଷା ପାଇଁ କେନ୍ଦ୍ରୀୟ ବ୍ୟାଙ୍କ ବିସ୍ତୃତ ନିର୍ଦ୍ଦେଶନାମା ଜାରି କରିଛି ଯାହା କୌଣସି ଲକର ଭାଙ୍ଗିବା ପୂର୍ବରୁ ପାଳନ କରାଯିବା ଉଚିତ ।
ଆରବିଆଇର ନିର୍ଦ୍ଦେଶାବଳୀ ଅନୁସାରେ, ବ୍ୟାଙ୍କ୍ ଲକର୍ ଭଡ଼ାରେ ନେଇଥିବା ଲୋକଙ୍କୁ ଏକ ଚିଠି ମାଧ୍ୟମରେ ନୋଟିସ୍ ଦିଆଯିବ ଓ ପଞ୍ଜୀକୃତ ଇମେଲ୍ ଆଇଡି, ମୋବାଇଲ୍ ନମ୍ବର ଓ ଏସଏମଏସ୍ ଜରିଆରେ ଆଲର୍ଟ କରାଯିବ । ବ୍ୟାଙ୍କର ଜଣେ ଅଧିକାରୀ ଏବଂ ଦୁଇଜଣ ସ୍ୱାଧୀନ ସାକ୍ଷୀଙ୍କ ଉପସ୍ଥିତିରେ ଲକର ଖୋଲିବା ଉଚିତ ଏବଂ ସମଗ୍ର ପ୍ରକ୍ରିୟା ଭିଡିଓ ରେକର୍ଡ କରାଯିବା ଉଚିତ। ଆରବିଆଇ ଆହୁରି କହିଛି ଯେ, ଲକର ଖୋଲିବା ପରେ, ଗ୍ରାହକଙ୍କ ଦ୍ୱାରା ଦାବି ନହେବା ପର୍ୟ୍ୟନ୍ତ ସାମଗ୍ରୀଗୁଡିକ ଏକ ଫାୟାର ପ୍ରୁଫ୍ ସୁରକ୍ଷିତ ସବିଶେଷ ତଥ୍ୟ ସହିତ ଏକ ସିଲ୍ କରି ରଖାଯିବ ।