fbpx

ଭୂମିକମ୍ପରେ ଥରିଲା ଇରାନ, ରିକ୍ଟର ସ୍କେଲରେ ମପାଗଲା ଏତିକି ତୀବ୍ରତା

AAKASH

ନୂଆଦିଲ୍ଲୀ: ଗତ ଏକ ବର୍ଷ ମଧ୍ୟରେ ସମଗ୍ର ବିଶ୍ୱରେ ଭୂକମ୍ପ ମାମଲା ଦ୍ରୁତ ବୃଦ୍ଧି ଘଟିଛି। ଅକ୍ଟୋବର ୩୧, ମଙ୍ଗଳବାର ଦିନ ଇରାନରେ ଭୂକମ୍ପ ଅନୁଭୂତ ହୋଇଛି। କୁହାଯାଉଛି ଯେ ଭୂମିକମ୍ପର ତୀବ୍ରତା ପ୍ରାୟ ୫ ମାପ କରାଯାଇଛି। ଜର୍ମାନ ରିସର୍ଚ୍ଚ ସେଣ୍ଟର ଫର ଜିଓସାଇସେନ୍ସ କହିଛି ଯେ, ଉତ୍ତର ଏବଂ ମଧ୍ୟ ଇରାନରେ ଏହି ଭୂକମ୍ପ ଅନୁଭୂତ ହୋଇଛି। ନ୍ୟୁଜ୍ ଏଜେନ୍ସି ରଏଟର୍ସ ଦେଇଥିବା ସୂଚନା ଅନୁଯାୟୀ ଏହି ଭୂକମ୍ପ ପ୍ରାୟ ୧୦ କିଲୋମିଟର ଗଭୀରରେ ଥିଲା। ଭାରତୀୟ ସମୟ ଅନୁଯାୟୀ, ଏହି ଭୂକମ୍ପ ଅପରାହ୍ନ ୩:୨୬ ରେ ଘଟିଥିଲା।

ରିପୋର୍ଟ ଅନୁଯାୟୀ, ବର୍ତ୍ତମାନ ସମୟରେ ଭୂକମ୍ପ ଯୋଗୁଁ କୌଣସି ପ୍ରାଣହାନୀ ଘଟିବା ଖବର ଆସିନାହିଁ। ତେବେ ଭୂକମ୍ପ ଯୋଗୁଁ ଲୋକମାନେ ଆତଙ୍କିତ ଅବସ୍ଥାରେ ଅଛନ୍ତି। ଇରାନ ଅନେକ ପ୍ରକାରର ଭୌଗୋଳିକ ରେଖା ଦ୍ୱାରା ଘେରି ରହିଛି। ଏଭଳି ପରିସ୍ଥିତିରେ ଇରାନ ଗତ କିଛି ବର୍ଷ ମଧ୍ୟରେ ଅନେକ ଭୟଙ୍କର ଭୂକମ୍ପର ସମ୍ମୁଖୀନ ହୋଇଛି।

ଆଜି ମଧ୍ୟ ଅକ୍ଟୋବର ୩୧ ରେ ଚୀନରେ ଭୂମିକମ୍ପ ଅନୁଭୂତ ହୋଇଥିଲା। ଭାରତୀୟ ସମୟ ଅନୁଯାୟୀ, ଏହି ଭୂକମ୍ପ ସକାଳ ୬:୧୦ ରେ ଘଟିଥିଲା ​​ଏବଂ ରିକ୍ଟର ସ୍କେଲରେ ଏହାର ତୀବ୍ରତା ୪.୬ ଥିଲା।

Get real time updates directly on you device, subscribe now.