Team India ର ଜର୍ସିକୁ ନେଇ ମମତା ବାନାର୍ଜୀ ଅସନ୍ତୋଷ: ସରକାରଙ୍କ ଉପରେ ଉଠାଇଲେ ଆଙ୍ଗୁଠି
ନୂଆଦିଲ୍ଲୀ: ଚଳିତ ବିଶ୍ୱକପରେ ଟିମ ଇଣ୍ଡିଆ ଆଦିଦାସର ନୂଆ ନୂଆ ଜର୍ସି ପିନ୍ଧିଛି । ଏହାସହିତ ଦଳର ପ୍ରାକ୍ଟିସ ଜର୍ସି ମଧ୍ୟ ପରିବର୍ତ୍ତନ କରିଛି ଭାରତୀୟ ଟିମ୍ । ଅଭ୍ୟାସ ସମୟରେ ଖେଳାଳିମାନଙ୍କ ପାଇଁ କମଳା ରଙ୍ଗର ଜର୍ସି ଚୟନ କରିଛି ଟିମ ଇଣ୍ଡିଆ । ତେବେ ଏହି ଜର୍ସିକୁ ନେଇ ଅସନ୍ତୋଷ ଜାହିର କରିଛନ୍ତି ପଶ୍ଚିମବଙ୍ଗ ମମତା ବାନାର୍ଜୀ । ଟିମ ଇଣ୍ଡିଆର ଏହି ଜର୍ସିକୁ ନେଇ ଆରମ୍ଭ ହୋଇଛି ରାଜନୀତି । ଏହି ମାମଲାରେ ସିଧାସଳଖ ଭାରତୀୟ ଜନତା ପାର୍ଟିକୁ ଆଙ୍ଗୁଠି ଉଠାଇଛନ୍ତି ମମତା । ଏହାପରେ ବିଜେପି ମଧ୍ୟ ଏହାର ପାଲଟା ଜବାବ ଦେଇଛି ।
କୋଲକାତାର ଏକ ଉଦଘାଟନୀ ସମାରୋହରେ ଯୋଗ ଦେଇ ମୁଖ୍ୟମନ୍ତ୍ରୀ ମମତା ବାନାର୍ଜୀ ଟିମ ଇଣ୍ଡିଆର ଜର୍ସିକୁ ନେଇ ପ୍ରଶ୍ନ ଉଠାଇଛନ୍ତି । ସେ କହିଛନ୍ତି ଯେ, ଏବେ ସବୁକିଛି ନାରଙ୍ଗୀ ରଙ୍ଗରେ ପରିବର୍ତ୍ତନ ହେଉଛି । ଭାରତୀୟ କ୍ରିକେଟ ଖେଳାଳିମାନଙ୍କ ଉପରେ ଆମେ ଗର୍ବ କରୁଛେ ଏବଂ ମୋର ବିଶ୍ୱାସ ଅଛି, ଯେ ସେମାନେ ବିଶ୍ୱବିଜେତା ହେବେ… କିନ୍ତୁ ସେମାନଙ୍କ ଅଭ୍ୟାସ ଜର୍ସି ମଧ୍ୟ ନାରଙ୍ଗୀ ରଙ୍ଗରେ ବଦଳି ଯାଇଛି । ପୂର୍ବର ସେ ନୀଳ ରଙ୍ଗର ଜର୍ସି ପିନ୍ଧୁଥିଲେ । କିନ୍ତୁ ବିଶ୍ୱକପରେ ନାରଙ୍ଗୀ ଜର୍ସି ପିନ୍ଧିଛନ୍ତି ଇଣ୍ଡିଆନ୍ ଟିମ୍ । ସେପଟେ ମେଟ୍ରୋ ଷ୍ଟେସନକୁ ମଧ୍ୟ ନାରଙ୍ଗୀ ରଙ୍ଗ ଦିଆଯାଇଛି । ଏହାପରେ ମମତା କହିଛନ୍ତି ଯେ ମାୟାବତୀ ନିଜ ମୂର୍ତ୍ତି ପ୍ରସ୍ତୁତ କରିଥିଲେ, କିନ୍ତୁ ବର୍ତ୍ତମାନ ଏହା ସାଧାରଣ ହୋଇଯାଇଛି । ବର୍ତ୍ତମାନ ସବୁ ଜିନିଷର ନାମ ବଦଳି ‘ନମୋ’ ନାମରେ ନାମିତ ହେଉଛି । କିନ୍ତୁ ଏହାକୁ ସ୍ୱୀକାର କରାଯାଇ ପାରିବ ନାହିଁ । ତେବେ କୌଣସି ବ୍ୟକ୍ତିଙ୍କ ନାମ ନ ନେଇ ଏହାକୁ ନିନ୍ଦା କରିଛନ୍ତି ମମତା ବାନାର୍ଜୀ । ବିଜେପିକୁ କଟାକ୍ଷ କରି ଏଭଳି କହିଛନ୍ତି ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ।
ତେବେ ମମତାଙ୍କ ଏହି ବୟାନ ପରେ ବିଜେପି ମଧ୍ୟ ପାଲଟା ଉତ୍ତର ଦେଇଛି । ବିଜେପି ନେତା ଶିଶିର ବାଜୋରିୟା କହିଛନ୍ତି ଯେ, ଯଦି ଟିମ ଇଣ୍ଡିଆର ଜର୍ସିକୁ ନେଇ ପ୍ରଶ୍ନ ଉଠୁଛି, ତେବେ ଜାତୀୟ ପତାକା ତ୍ରିରଙ୍ଗାର ଉପରି ଭାଗରେ ଥିବା ନାରଙ୍ଗୀ ରଙ୍ଗ ବିଷୟରେ କ’ଣ କୁହାଯିବ ? ସୂର୍ଯ୍ୟଙ୍କ ପ୍ରଥମ କିରଣ ରଙ୍ଗ କ’ଣ? ସେ କହିଛନ୍ତି ଯେ, ଟିମ୍ ଇଣ୍ଡିଆ ନୀଳ ରଙ୍ଗର ପୋଷାକ ପିନ୍ଧିବାକୁ ସଂଘର୍ଷ କରୁଥିବାବେଳେ ସେମାନେ ଜାଣିବା ଉଚିତ ଯେ କୂଟନନୈତିକ କାରଣରୁ ଭାରତ ଆନ୍ତର୍ଜାତୀୟ ସ୍ତରରେ ନୀଳ ରଙ୍ଗ ବ୍ୟବହାର କରେ। ସେ ନିଜେ ସହରକୁ ନୀଳ ଏବଂ ଧଳା ରଙ୍ଗରେ ରଙ୍ଗ କରିଛନ୍ତି ।
ବିଜେପି ନେତା ଦିଲୀପ ଘୋଷ କହିଛନ୍ତି ଯେ, ନେଦରଲ୍ୟାଣ୍ଡ କ୍ରିକେଟରମାନେ ମଧ୍ୟ ନାରଙ୍ଗୀ ରଙ୍ଗର ଜର୍ସିି ପିନ୍ଧନ୍ତି । ତେବେ ଏହା ଏକ ହିନ୍ଦୁ ରାଷ୍ଟ୍ରରେ ପରିଣତ ହୋଇଛି କି? ଯଦି ସାଫ୍ରନ୍ ଦଳର ଜର୍ସି ତିଆରି କରେ ତେବେ ଟିଏମସି ଲୋକମାନେ କ’ଣ କରିବେ – ସେମାନେ ଗ୍ୟାଲେରୀରୁ ତଳକୁ ଡେଇଁଯିବେ ନା ଗଙ୍ଗାକୁ ଡେଇଁଯିବେ, ସେମାନଙ୍କୁ କିଛି କରିବାକୁ ପଡିବ ନାହିଁ .. ଏହା କରିବା ଉଚିତ୍ .. ଲୋକମାନେ ଗେରୁ ନାମରେ ମଧ୍ୟ ଜାଣିଛନ୍ତି ।
