ବାପାଙ୍କ କଥା ବହୁତ ମନେ ପଡିବ, ମୁଁ କାହା ସହ କଥା ହେବି …ଏକଥା ଭାବି ବାପାଙ୍କ ମର ଶରୀରକୁ ୧୮ ମାସ ହେଲା ଫ୍ରିଜରେ ରଖିଥିଲା ପୁଅ

ନୂଆଦିଲ୍ଲୀ: ପ୍ରିୟଜନଙ୍କ ମୃତ୍ୟୁ ପରେ ଜଣେ ବ୍ୟକ୍ତି ବହୁତ ଭାଙ୍ଗି ପଡେ। ଅନେକ ଥର ସେ ଏପରି କିଛି କରନ୍ତି ଯାହା ବିଶ୍ୱାସ କରିବା କଷ୍ଟକର ହେଇପଡ଼େ । ତେବେ ଜଣେ ବ୍ୟକ୍ତି ଏଭଳି କିଛି କରିଛନ୍ତି ଯାହା ଶୁଣିଲେ ଆପଣ ଆଶ୍ଚର୍ଯ୍ୟ ହେଇଯିବେ । ଜଣେ ବ୍ୟକ୍ତି ତାଙ୍କ ପିତାଙ୍କୁ ଏତେ ଭଲ ପାଉଥିଲେ ଯେ ତାଙ୍କର ମୃତ୍ୟ ଖବର ସେ ସହଜରେ ଗ୍ରହଣ କରିପାରିନଥିଲେ । ପିତାଙ୍କ ମୃତ୍ୟୁ ପରେ ତାଙ୍କ ମୃତଦେହକୁ ଶବଦାହ କରିବା ପରିବର୍ତ୍ତେ ସେ ଏହାକୁ ଫ୍ରିଜରେ ରଖିଥିଲେ। ଯେତେବେଳେ ଏହି ଘଟଣା ଜାଣିଲା, ସମସ୍ତେ ଆଶ୍ଚର୍ଯ୍ୟ ହୋଇଗଲେ। ଏହାପରେ ବ୍ୟକ୍ତି ଜଣଙ୍କ ଏହା ପଛର କାରଣ ମଧ୍ୟ କହିଛନ୍ତି।

ସ୍କାଏ ନ୍ୟୁଜ୍ ରିପୋର୍ଟ ଅନୁଯାୟୀ, ଏହି ବିଷୟ ନେଦରଲ୍ୟାଣ୍ଡର ଲ୍ୟାଣ୍ଡଗ୍ରାଫ୍ ସହିତ ଜଡିତ। ଏଠାରେ ଜଣେ ପରିବାର ଡାକ୍ତର ୧୦୧ ବର୍ଷ ବୟସ୍କା ବ୍ୟକ୍ତିଙ୍କ ସ୍ୱାସ୍ଥ୍ୟ ବିଷୟରେ ଚିନ୍ତିତ ଥିଲେ। ପରେ ସେ ଜାଣିବାକୁ ପାଇଲେ ଯେ ଏହି ବୃଦ୍ଧଙ୍କର ମୃତ୍ୟୁ ହୋଇସାରିଛି। ସ୍ଥାନୀୟ ଗଣମାଧ୍ୟମ ରିପୋର୍ଟ କରିଛି ଯେ ୮୨ ବର୍ଷର ପୁଅ ପିତାଙ୍କ ମୃତଦେହକୁ ଏକ ଫ୍ରିଜରେ ରଖିଛି। ଆଉ ଧରାଯିବା ପରେ ସେ ଅଧିକାରୀମାନଙ୍କୁ କହିଥିଲେ, ‘ମୁଁ ତାଙ୍କୁ ଯିବାକୁ ଚାହୁଁ ନଥିଲି , ସେଥି ପାଇଁ ମୁଁ ତାଙ୍କୁ ଫ୍ରିଜରେ ରଖିଛି ।’

ସ୍ଥାନୀୟ ଖବରକାଗଜ ଡି ଲିମବର୍ଗ ଅନୁଯାୟୀ, ଏହି ପୁଅ ଦାବି କରିଛି ଯେ ତାଙ୍କ ପିତାଙ୍କର ୧୮ ମାସ ପୂର୍ବରୁ ମୃତ୍ୟୁ ଘଟିଛି। ସେଥିପାଇଁ ସେ ତାଙ୍କ ମୃତ ଶରୀରକୁ ଫ୍ରିଜରେ ରଖିବାକୁ ନିଷ୍ପତ୍ତି ନେଇଥିଲେ। ଏହା ସହିତ ସେ କହିଛନ୍ତି ଯେ ସେ ମୃତ ଶରୀରକୁ ଷ୍ଟୋରେଜରେ ରଖିଛନ୍ତି ଯାହାଦ୍ୱାରା ମୁଁ ତାଙ୍କ ସହିତ ନିରନ୍ତର କଥାବାର୍ତ୍ତା ଜାରି ରଖିପାରିବି । ବର୍ତ୍ତମାନ ପୋଲିସ ଏହି ଘଟଣାର ଅନୁସନ୍ଧାନ କରୁଛି ଏବଂ ଅନ୍ୟଦିଗ ପ୍ରତି ମଧ୍ୟ ତଦନ୍ତ କରୁଛି । ଅଧିକାରୀମାନେ ଘର ପରିଦର୍ଶନ କରି ଉକ୍ତ ବ୍ୟକ୍ତିଙ୍କୁ ସଫା କରିବା ପାଇଁ ଏକ ସପ୍ତାହ ସମୟ ମଧ୍ୟ ଦେଇଛନ୍ତି ।