ଭାରତର ପ୍ରଥମ ମୁସଲମାନ ଯୁଦ୍ଧ ବିମାନ ପାଇଲଟ୍ ହେବେ କି ୟୁପିର ସାନିଆ ମିର୍ଜା? IAS ଦେଲା ଏହି ସୂଚନା
ନୂଆଦିଲ୍ଲୀ: ଉତ୍ତରପ୍ରଦେଶର ମିର୍ଜାପୁରର ଟିଭି ମେକାନିକର ଙ୍କ ଝିଅ ସାନିଆ ମିର୍ଜା ନ୍ୟାସନାଲ ଡିଫେନ୍ସ ଏକାଡେମୀ (ଏନଡିଏ) ପରୀକ୍ଷାରେ ସଫଳତା ହାସଲ କରିଛନ୍ତି । ଶୁକ୍ରବାର ସକାଳେ ଅନେକ ରିପୋର୍ଟରେ କୁହାଯାଇଛି ଯେ ସାନିଆ ମିର୍ଜା ଭାରତର ପ୍ରଥମ ମୁସଲମାନ ମହିଳା ଯେ କି ଯୁଦ୍ଧ ବିମାନର ପାଇଲଟ୍ ହେବେ। ଅବଶ୍ୟ, ଏହା ପ୍ରକୃତରେ ନୁହେଁ କାରଣ ଏହି ସମସ୍ତ ରିପୋର୍ଟରେ ଭାରତୀୟ ବାୟୁସେନା (IAF) କିପରି ଏହାର ଯୁଦ୍ଧ ବିମାନ ପାଇଲଟ୍ ଚୟନ କରେ ସେ ସମ୍ବନ୍ଧରେ ଗୁରୁତ୍ୱପୂର୍ଣ୍ଣ ସୂଚନା ଦେଇ ନଥିଲା ।
ଆଇଏଏଫ ଏକ ବିବୃତ୍ତିରେ କହିଛି ଯେ ଜଣେ ପ୍ରାର୍ଥୀଙ୍କୁ ଭାରତୀୟ ବାୟୁସେନାରେ ପାଇଲଟ ଭାବରେ ନିଯୁକ୍ତ ହେବାକୁ ଚାରି ବର୍ଷ ଲାଗିଥାଏ। ଆଇଏଏଫ ଆହୁରି ମଧ୍ୟ କହିଛି ଯେ ଚାରି ବର୍ଷ ମଧ୍ୟରେ ପ୍ରାର୍ଥୀଙ୍କୁ ଫ୍ଲାଇଙ୍ଗ ଶାଖା ପାଇଁ ନିର୍ଦ୍ଦିଷ୍ଟ ତାଲିମ ସମାପ୍ତ କରିବାକୁ ପଡିବ।
ଆଇଏଏଫ୍ ମୁଖପାତ୍ର କହିଛନ୍ତି ଯେ “ଉଡ଼ାଣ ଶାଖାରେ ବାୟୁସେନା କ୍ୟାଡେଟ୍ ଭାବରେ ଏନଡିଏରେ ଯୋଗଦେଉଥିବା କୌଣସି ପ୍ରାର୍ଥୀଙ୍କୁ ଅନ୍ୟ ୨ଟି ସେବା ସହିତ ୩ ବର୍ଷ ମିଳିତ ତାଲିମ ନେବାକୁ ପଡିଥାଏ । ସେବାଗୁଡିକ ମଧ୍ୟରେ ମିଳିତ କୌଶଳକୁ ପ୍ରୋତ୍ସାହିତ କରିବା ହେଉଛି ଏନଡିଏର ଉଦ୍ଦେଶ୍ୟ, ତେଣୁ ତାଲିମ ସମସ୍ତଙ୍କ ପାଇଁ ସାଧାରଣ ଅଟେ ।
ଆଇଏଏଫ ତାଙ୍କୁ ତାଙ୍କ ଭବିଷ୍ୟତ ପାଇଁ ଶୁଭେଚ୍ଛା ଜଣାଇବା ସହିତ ତାଙ୍କର ସମସ୍ତ ସ୍ୱପ୍ନ ସାକାର ହେବାକୁ ଶୁଭେଚ୍ଛା ଦେଇଛନ୍ତି। ସନିଆ ଏନଡିଏ ପରୀକ୍ଷାରେ ୧୪୯ ତମ ପଦବୀ ହାସଲ କରିଛନ୍ତି।
ଏକ ହିନ୍ଦୀ ମଧ୍ୟମ ବିଦ୍ୟାଳୟରେ ପଢିଥିବା ସାନିଆ କହିଛନ୍ତି ଯେ ହିନ୍ଦୀ ମଧ୍ୟମ ଛାତ୍ରଛାତ୍ରୀ ମାନେ ମଧ୍ୟ ତାଙ୍କ ଲକ୍ଷ ସ୍ଥିର କରିଲେ ସଫଳତା ହାସଲ କରିପାରିବେ। ସାନିଆ ଗୁରୁ ନାନକ ବାଳିକା ଇଣ୍ଟର କଲେଜ, ମିର୍ଜାପୁରରୁ ଦ୍ୱାଦଶ ପରୀକ୍ଷାରେ ଉତ୍ତୀର୍ଣ୍ଣ ହୋଇଛନ୍ତି ଏବଂ ୟୁପି ଦ୍ୱାଦଶ ବୋର୍ଡରେ ଜିଲ୍ଲା ଟପ୍ପର ହୋଇଛନ୍ତି।
ସାନିଆ କହିଛନ୍ତି ଯେ “ମୁଁ ଏନଡିଏରେ ଉତ୍ତୀର୍ଣ ହେଇଛି ଏବଂ ୧୪୯ତମ ରାଙ୍କ ପାଇ ଏୟାରଫୋର୍ସ ପାଇଁ ମନୋନୀତ ହୋଇଛି। ଯେତେବେଳେ ମୁଁ ୟୁଟ୍ୟୁବରେ ପ୍ରଥମ ମହିଳା ପାଇଲଟ୍ ଅବନୀ ଚତୁର୍ବେଦୀ ଙ୍କୁ ଦେଖିଲି, ମୁଁ ଅନୁପ୍ରାଣିତ ହେଲି। ଏହା ମୋର ଦ୍ୱିତୀୟ ପ୍ରୟାସ ଥିଲା ଯେଉଁଥିରେ ମୁଁ ଏନଡିଏ ରେ ଉତ୍ତୀର୍ଣ ହେଇଛି । “
