2023 Miss Universe: ଶେନିସ୍ ପାଲାସିଓସ୍ ପିନ୍ଧିଲେ ବିଜେତା ମୁକୁଟ, ହେଲେ ଭାବବିହ୍ୱଳ
ନୂଆଦିଲ୍ଲୀ: ନିକାରାଗୁଆର ଶେନିସ୍ ପାଲାସିଓସ୍ ଚଳିତ ବର୍ଷ ମିସ୍ ୟୁନିଭର୍ସ ମୁକୁଟ ଜିତିଛନ୍ତି। ତେବେ ତାଙ୍କ ଦେଶର ପ୍ରଥମ ମିସ ୟୁନିଭର୍ସ ବିଜେତା ଭାବେ ଶେନିସ୍ ଇତିହାସ ସୃଷ୍ଟି କରିଛନ୍ତି । ନଭେମ୍ବର ୧୯ ତାରିଖରେ ଏଲ ସାଲଭାଡରରେ ଅନୁଷ୍ଠିତ ଏହି କାର୍ୟ୍ୟକ୍ରମରେ ୨୩ ବର୍ଷୀୟ ଶେନିସ୍ ୨୦୨୨ ମିସ୍ ୟୁନିଭର୍ସ ବିଜେତା ଆର. ବୋନୀ ଗ୍ରାବ୍ରିଏଲଙ୍କ ଦ୍ୱାରା ମୁକୁଟ ପିନ୍ଧିଥିଲେ ।
ତେବେ ଅଷ୍ଟ୍ରେଲିଆର ମୋରେୟା ୱିଲସନ ଦ୍ୱିତୀୟ ରନର୍ ଅପ୍ ହୋଇଥିବାବେଳେ ଥାଇଲ୍ୟାଣ୍ଡର ଆନ୍ଥୋନିଆ ପୋର୍ସିଲ୍ଡ ମିସ ଯୁନିଭର୍ସ ପ୍ରତିଯୋଗିତାରେ ପ୍ରଥମ ରନର୍ ଅପ୍ ହୋଇଥିଲେ।
୨୦୦୦ ରେ ଜନ୍ମଗ୍ରହଣ କରିଥିବା ଶେନିସ୍ ଜନ ଯୋଗାଯୋଗରେ ଡିଗ୍ରୀ ହାସଲ କରିଛନ୍ତି । ଏଥି ସହ ଖେଳରେ ରୁଚି ରଖୁଥିବା ଶେନିସ୍ ତାଙ୍କ ବିଶ୍ୱବିଦ୍ୟାଳୟ ପାଇଁ ଭର୍ସିଟି ଭଲିବଲ୍ ମଧ୍ୟ ଖେଳିଛନ୍ତି ।
ତେବେ ସେ ୨୦୧୬ ରେ ସେ ଗ୍ଲାମର ଦୁନିଆରେ ପାଦ ରଖିଥିଲେ । ସେ ୨୦୧୬ରେ ମିସ୍ ଟିନ୍ ନିକାରାଗୁଆ ଟାଇଟଲ୍ ଜିତିବା ସହ ୨୦୨୦ରେ ମିସ୍ ୱାର୍ଲ୍ଡ ନିକାରାଗୁଆ ମଧ୍ୟ ଜିତିଥିଲେ । ଏଥି ସହିତ ୨୦୨୨ ମସିହାରେ ପୁଏର୍ତୋ ରିକୋର ସାନ ଜୁଆନରେ ଆୟୋଜିତ ମିସ୍ ୱାର୍ଲ୍ଡ ପ୍ରତିଯୋଗିତାରେ ନିଜ ଦେଶର ପ୍ରତିନିଧିତ୍ୱ କରିଥିଲେ। ସେ ଶ୍ରେଷ୍ଠ ୪୦ ଜଣଙ୍କ ମଧ୍ୟରେ ସ୍ଥାନ ପାଇଥିଲେ।
