“ରାହୁଲଙ୍କ ଲୋକପ୍ରିୟତା ସହିପାରୁନାହାନ୍ତି ମୋଦୀ”, କଂଗ୍ରେସ କାର୍ଯ୍ୟାଳୟରେ ବିଜେପିର ଗୁଣ୍ଡାରାଜ

ଭୁବନେଶ୍ୱର: ପୁଣି ତେଜିଲା ରାଜନୀତି।  ପଦାରେ ପଡିଲା ବିଜେପିର ହୀନ ଚକ୍ରାନ୍ତ।  କଂଗ୍ରେସ ସାଂସଦ ରାହୁଲ ଗାନ୍ଧୀଙ୍କୁ ସହି ନପାରି ମିଛ ରାଜନୀତି କରିବାରେ ଲାଗିଛି ବିଜେପି। ଯାହାର ଉଦାହରଣ ଏବେ ସାରା ଦେଶରେ ଦେଖିବାକୁ ମିଳୁଛି।

କାରଣ ଭୋଟ ଚୋରିର ପର୍ଦ୍ଦାଫାସ କରି ସାରା ଭାରତବର୍ଷରେ ଆଲୋଡନ ସୃଷ୍ଟି କରିଥିବା ଲୋକସଭାର ବିରୋଧୀ ଦଳ ନେତା ରାହୁଳ ଗାନ୍ଧୀଙ୍କ ବିହାରରେ “ ଭୋଟ ଅଧିକାର ଯାତ୍ରା ” ବର୍ତ୍ତମାନ ବିପୁଳ ଜନ ସମର୍ଥନ ହାସଲ କରୁଛି।

ଏହି ପରିପ୍ରେଷୀରେ ଅସହିଷ୍ଣ୍ଣୁ ବିଜେପି ଦଳ ହୀନ ଚକ୍ରାନ୍ତ କରି ରାଜ୍ୟରେ ହିଂସାକାଣ୍ଡ ଭିଆଊଛି। ଯାହାର ଊଦାହରଣ ଅଗଷ୍ଟ ୨୯ ତାରିଖରେ ବିହାରରେ ଘଟିଥିବା ଘଟଣାରୁ ଜଣାଯାଊଛି।

ଭୋଟ ଅଧିକାର ଯାତ୍ରା: ଅଗଷ୍ଟା ୨୯ ତାରିଖ ଦିନ କଂଗ୍ରେସ ଯୁବରାଜ ରାହୁଳ ଗାନ୍ଧୀଙ୍କ ଭୋଟ ଅଧିକାର ଯାତ୍ରାକୁ ଭଣ୍ଡୁର କରିବା ପାଇଁ ବିହାରରେ ବିଜେପି ତାର ସଂଖ୍ୟାଲଘୁ ବିଭାଗର ଜଣେ କର୍ମୀଙ୍କୁ ନିୟୋଜିତ କରିଥିଲା।

ଊକ୍ତ କର୍ମୀ ପ୍ରଧାନମନ୍ତ୍ରୀଙ୍କର ସ୍ୱର୍ଗୀୟା ମାଆଙ୍କୁ ଗାଳି ଦେଇଥିଲା। ସଦାକତ ଆଶ୍ରମ ଯାହାକି ଏବେ ପ୍ରଦେଶ କଂଗ୍ରେସ କାର୍ଯ୍ୟାଳୟ ଭାବେ କାର୍ଯ୍ୟ କରୁଛି ଏବଂ ଉକ୍ତ ଆଶ୍ରମ ଏକଦା ଭାରତର ପ୍ରଥମ ରାଷ୍ଟ୍ରପତି ଡକ୍ଟର ରାଜେନ୍ଦ୍ର ପ୍ରସାଦଙ୍କର ବାସଭବନ ଥିଲା।

ସେଠାରେ ଶୁକ୍ରବାର ଦିନ ବିଜେପିର ଗୁଣ୍ଡାବାହିନୀ ପ୍ରବେଶ କରି ବ୍ୟାପକ ହିଂସାକାଣ୍ଡ ଭିଆଇବା ସହ ଭଙ୍ଗାରୁଜା କରିଥିଲେ।। ଏହି ଘଟଣାକୁ ପାଟନା ଗସ୍ତରେ ଥିବା ଓଡିଶା ପ୍ରଦେଶ କଂଗ୍ରେସ ସଭାପତି ଭକ୍ତ ଚରଣ ଦାସ ପାଟନାଠାରେ ବରିଷ୍ଟ କଂଗ୍ରେସ ନେତୃବୃନ୍ଦଙ୍କ ଊପସ୍ଥିତିରେ ସାମ୍ବାଦିକ ସମ୍ମଳନୀରେ ଦୃଢ ନିନ୍ଦା କରିଛନ୍ତି।

ଦୃଢ଼ ନିନ୍ଦା କଲେ ଭକ୍ତ: ସେ କହିଛନ୍ତି “ସାଧାରଣ ଜନତା ଏଭଳି ଘଟଣାରେ କେବେ ବି ବିଜେପିକୁ କ୍ଷମା ଦେବେ ନାହିଁ। ବିଜେପିର ଏହି ହୀନ ଚକ୍ରାନ୍ତ ଆଜି ସମସ୍ତଙ୍କ ସାମନାକୁ ଚାଲି ଆସିଛି”।

“ବିଜେପିର ଅସଲ ଚରିତ୍ର ଓ ଚେହେରା ଆଜି ଆଊ କାହାକୁ ଅଛପା ନାହିଁ। ବିଜେପି ସଂଙ୍ଖ୍ୟାଲଘୁ ସେଲର ଜଣେ କର୍ମୀଙ୍କୁ ଏଭଳି କାର୍ଯ୍ୟରେ ନିୟୋଜିତ କରି ନିଜର ସ୍ୱରୂପକୁ ପଦାରେ ପକାଇଛି”।

ସୋସିଆଲ ମିଡିଆରେ ବିଜେପି ସଂଖ୍ୟାଲଘୁ ବିଭାଗର ସଂପୃକ୍ତ କର୍ମୀଙ୍କ ଫଟୋ ବିଜେପିର ପୂର୍ବତନ ମୁଖ୍ୟମନ୍ତ୍ରୀ ତଥା କେନ୍ଦ୍ର ମନ୍ତ୍ରୀ ଶିବରାଜ ସିଂହ ଚୌହାନ ଏବଂ ଅନ୍ୟ ବିଜେପି ନେତାମାନଙ୍କ ସହିତ ଘୂରିବୁଲୁଛି।

ଶ୍ରୀ ଦାସ କହିଛନ୍ତି ଯେ, ଭୋଟ ଚୋରି ସାରା ଦେଶରେ ବର୍ତ୍ତମାନ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଥିବାବେଳେ ଏବଂ ଏହି ପ୍ରସଙ୍ଗରେ ରାହୁଳ ଗାନ୍ଧୀଙ୍କ ଲୋକପ୍ରିୟତା ବୃଦ୍ଧି ପାଊଥିବା ଦେଖି ଭୋଟ ପ୍ରସଙ୍ଗକୁ ଏଡେଇବା ପାଇଁ ନୂଆ ଊପାୟ ଅବଲମ୍ବନ କରୁଛନ୍ତି।

ବିହାରରେ ବିଜେପି ନିର୍ବାଚନ ଆୟୋଗକୁ ହାତବାରିସୀ କରି ଏସଆଇଆର ମାଧ୍ୟମରେ ଗରିବ ଲୋକଙ୍କ ଭୋଟ ଅଧିକାରକୁ ଛଡାଇ ନେଇ ପୁନର୍ବାର କ୍ଷମତାସୀନ ହେବା ପାଇଁ ଏଭଳି ପ୍ରୟାସ କରିଛି ବୋଲି ଶ୍ରୀ ଦାସ କହିଛନ୍ତି।

ଏଭଳି ଘଟଣାରେ ପୋଲିସ ଊପସ୍ଥିତ ଥାଇ ମଧ୍ୟ ନୀରବଦ୍ରଷ୍ଟା ସାଜିବା ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ପୋଲିସର ଏଭଳି ବ୍ୟବହାର ସାଧାରଣ ଜନତାଙ୍କୁ ଭୟଭୀତ କରିଛି।

“ସେ କହିଛନ୍ତି ଯେ ବିଜେପିର ଗୁଣ୍ଡା ବାହିନୀ ଏଭଳି ଘଟଣା ଘଟେଇ ଆମ ପ୍ରିୟ ରାହୁଳ ଗାନ୍ଧୀଙ୍କୁ ଏବଂ କଂଗ୍ରେସକୁ ଭୟଭୀତ କରି ପାରିବେ ନାହିଁ”।

ଯେତେ ବାଧା ବିଘ୍ନ ଘଟିଲେ ବି ଭୋଟ ଚୋରି ପ୍ରସଙ୍ଗକୁ ନେଇ କଂଗ୍ରେସ ବିହାର ଏବଂ ସାରା ସାରା ଭାରତ ବର୍ଷରେ ଊଜାଗର ରହିବ। ସୂଚନା ଯୋଗ୍ୟ ଯେ ପିସିସି ସଭାପତି ଶ୍ରୀଯୁକ୍ତ ଦାସ ରାହୁଳ ଗାନ୍ଧୀଙ୍କ ସହିତ ଭୋଟ ଅଧିକାର ଯାତ୍ରାରେ ସାମିଲ ହେବା ପାଇଁ ବିହାର ଗସ୍ତରେ ଅଛନ୍ତି।