ଚାଷୀଙ୍କୁ ବଡ଼ ଉପହାର ଦେବାକୁ ଯାଉଛନ୍ତି ମୋଦୀ ସରକାର, ପିଏମ କିଷାନ ସମ୍ମାନ ନିଧିରେ ମିଳିବ ୮୦୦୦ ଟଙ୍କା
ନୂଆଦିଲ୍ଲୀ: ଛୋଟ ଚାଷୀଙ୍କୁ ମୋଦୀ ସରକାର ଏକ ବଡ ଉପହାର ଦେବାକୁ ଯାଉଛନ୍ତି । ୨୦୨୪ ନିର୍ବାଚନକୁ ଦୃଷ୍ଟିରେ ରଖି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପିଏମ କିଷାନ ପରିମାଣକୁ ୬୦୦୦ ରୁ ୮୦୦୦ ଟଙ୍କାକୁ ବୃଦ୍ଧି କରିପାରନ୍ତି ।
ଏହି ଘଟଣାକୁ ଜାଣିଥିବା ଦୁଇଜଣ ଅଧିକାରୀଙ୍କ ଅନୁଯାୟୀ, ସରକାର କ୍ଷୁଦ୍ର ଚାଷୀଙ୍କୁ ବର୍ଷକୁ ତିନି କିସ୍ତିରେ ଦିଆଯାଉଥିବା ପିଏମ କିଷାନ ସମ୍ମାନ ନିଧିର ପରିମାଣ ୬,୦୦୦ ରୁ ୮,୦୦୦ ଟଙ୍କାକୁ ବୃଦ୍ଧି କରିବାର ବିକଳ୍ପ ଉପରେ ବିଚାର କରୁଛନ୍ତି ।
ପ୍ରଧାନମନ୍ତ୍ରୀ କିଷାନ ସମ୍ମାନ ନିଧିର ଏହି ଅପଡେଟରେ ନାମ ଗୋପନ ରଖିବା ସର୍ତ୍ତରେ ଏହି ଅଧିକାରୀମାନେ ଇକୋନମିକ ଟାଇମ୍ସକୁ କହିଛନ୍ତି ଯେ, ଏହି ମାମଲା ଏବେ ବିଚାରଧିନ ଅଛି । ଯଦି ଏହାକୁ ଅନୁମୋଦନ ମିଳେ, ତେବେ ଏହି ଯୋଜନାରେ ସରକାରଙ୍କୁ ଅତିରିକ୍ତ ୨୦,୦୦୦ କୋଟି ଟଙ୍କା ଖର୍ଚ୍ଚ କରିବାକୁ ପଡ଼ିବ । ତେବେ ଅର୍ଥ ମନ୍ତ୍ରଣାଳୟର ମୁଖପାତ୍ର ନାନୁ ଭାସିନ୍ ଏ ସମ୍ପର୍କରେ କିଛି କହିବାକୁ ମନା କରି ଦେଇଛନ୍ତି ।
ଗତ ପାଞ୍ଚ ବର୍ଷ ମଧ୍ୟରେ ଭାରତ ଦୁର୍ବଳ ମୌସୁମୀ ବର୍ଷା ରେକର୍ଡ କରିଛି, ଯାହା ଚଳିତ ବର୍ଷ ପ୍ରମୁଖ ଫସଲର ଦୁର୍ବଳ ଉତ୍ପାଦନ ହୋଇପାରେ । ଡିସେମ୍ବର ୨୦୧୮ ରେ ସବସିଡି କାର୍ଯ୍ୟକ୍ରମ ଆରମ୍ଭ ହେବା ପରଠାରୁ ମୋଦୀ ସରକାର ୧୧ କୋଟି ହିତାଧିକାରୀଙ୍କୁ ମୋଟ ୨.୪୨ ଲକ୍ଷ କୋଟି ଟଙ୍କା ପ୍ରଦାନ କରିଛନ୍ତି ।
