ନିଜଠାରୁ ୧୮ ବର୍ଷ ସାନ, ନିଜ ପୁଅର ସାଙ୍ଗ ସହ ବିବାହ କଲା ମାଆ
ଚାରି ପିଲାଙ୍କ ମାଆ। କିନ୍ତୁ ସ୍ୱାମୀଙ୍କୁ ଡିଭୋର୍ସ ଦେଇ ନିଜ ପୁଅର ସାଙ୍ଗକୁ ପ୍ରେମ କରି କଲେ ବିବାହ।
ନୂଆଦିଲ୍ଲୀ: କୁହାଯାଏ ଯେ ପ୍ରେମ ଅନ୍ଧ। ପ୍ରେମରେ ପଡ଼ିଥିବା ବ୍ୟକ୍ତି ଭଲ ଏବଂ ଖରାପ ମଧ୍ୟରେ ପାର୍ଥକ୍ୟ ବୁଝେ ନାହିଁ ଏବଂ ସେ କେବଳ ନିଜ ପ୍ରେମକୁ ପାଇବା ପାଇଁ ଚେଷ୍ଟା କରେ। ସେହିପରି ଜଣେ ୪୪ ବର୍ଷୀୟ ମହିଳା ତାଙ୍କ ନିଜ ପୁଅର ସାଙ୍ଗକୁ ମନ ଦେଇ ବସିଛନ୍ତି। ଆଉ ବିବାହ ମଧ୍ୟ କରିଛନ୍ତି।
ଯଦିଓ ପିଲାଟି ତାଙ୍କଠାରୁ ପାଖାପାଖି ୧୮ ବର୍ଷ ସାନ। ତଥାପି ଦୁହିଁଙ୍କ ମଝିରେ ବୟସ ବାଧକ ସାଜିପାରିନି। ଆଉ ସ୍ୱାମୀଙ୍କ ଠାରୁ ଛାଡ଼ପତ୍ର ନେଇ ନିଜ ପୁଅର ସାଙ୍ଗକୁ ଦ୍ୱିତୀୟ ବିବାହ କରିଛନ୍ତି ମହିଳା ଜଣକ। ଏଥିପାଇଁ ତାଙ୍କୁ ଟ୍ରୋଲ ମଧ୍ୟ କରାଯାଉଛି।
ପୁଅର ସାଙ୍ଗ ସହ ପ୍ରେମ: ତେବେ ଏହି ଅଜବ ଘଟଣାଟି କେଉଁଠିକାର ତାହା ତ ସମ୍ପୂର୍ଣ୍ଣ ଜଣା ପଡିନାହିଁ। କିନ୍ତୁ ସେମାନଙ୍କର ଲଭ ଷ୍ଟୋରି ଏବେ ‘ଲଭ୍ ଡୋଣ୍ଟ ଜଜ୍’ ନାମକ ଏକ ୟୁଟ୍ୟୁବ୍ ଚ୍ୟାନେଲରେ ଭାଇରାଲ ହେବାରେ ଲାଗିଛି।
ଦି ସନ୍ ରିପୋର୍ଟ ଅନୁଯାୟୀ, ଚାରି ପିଲାଙ୍କ ମାଆ ତାନ୍ୟା। ବୟସ ୪୪ ବର୍ଷ। ହେଲେ ତାଙ୍କ ପୁଅର ସାଙ୍ଗ ଯିଏକି ତାନ୍ୟାଙ୍କଠୁ ୧୮ ବର୍ଷ ସାନ। ହେଲେ ତା ପ୍ରେମରେ ପଡିଛନ୍ତି ତାନ୍ୟା। ଆଉ ତାକୁ ଆଇ ଲଭ ୟୁ ମଧ୍ୟ କହିଛନ୍ତି।
ସୂଚନାନୂଯାୟୀ, ପୁଅଙ୍କ ନାମ ଜୋସୁ। ଜୋସୁ ମହିଳାଙ୍କ ଦୁଇ ପୁଅଙ୍କ ବନ୍ଧୁ। ତାନ୍ୟା କହିଲା, ଯେତେବେଳେ ସେ ଘରକୁ ଆସୁଥିଲେ, ମୋତେ ଦେଖି ଆଶ୍ଚର୍ଯ୍ୟ ହୋଇଯାଉଥିଲେ। ତାଙ୍କ ମତରେ, କୌଣସି ଦୃଷ୍ଟିକୋଣରୁ ମୁଁ ଚାରି ପିଲାର ମାଆ ପରି ଦେଖାଯାଉ ନଥିଲି।
ସ୍ୱାମୀଙ୍କ ଠାରୁ ଛାଡପତ୍ର: ସ୍ୱାମୀଙ୍କଠାରୁ ଛାଡପତ୍ର ପରେ, ତାନ୍ୟା ଏକାକୀ ଅନୁଭବ କରିବା ଆରମ୍ଭ କଲେ। ସେହି ସମୟରେ, ଜୋସୁଙ୍କର ତାଙ୍କ ସାଥୀଙ୍କ ସହିତ ବ୍ରେକଅପ୍ ମଧ୍ୟ ହୋଇଥିଲା।
ଏହି କାରଣରୁ, ଦୁହେଁ ନିକଟତର ହେଲେ ଏବଂ ପରେ ପରସ୍ପରକୁ ଡେଟ୍ କରିବା ଆରମ୍ଭ କଲେ। ମହିଳା ଜଣକ କହିଲେ, ପ୍ରଥମେ ମୁଁ ଜୋସୁକୁ ପସନ୍ଦ କରିନଥିଲି କାରଣ ସେ ବହୁତ ପିଲାଳିଆ ଥିଲେ ଏବଂ କେତେବେଳେ ସେ ଜୋରରେ କହିଯାଉଥିଲେ।
ପୁଅର ସାଙ୍ଗ ସହ ବିବାହ: କିନ୍ତୁ ଖୁବ୍ ଶୀଘ୍ର ଉଭୟ ପ୍ରେମରେ ପଡ଼ିଗଲେ। ସେମାନେ ସାକ୍ଷାତ ହେବାର ପ୍ରାୟ ଦୁଇ ବର୍ଷ ପରେ ବିବାହ କରିଥିଲେ, ଏବଂ ଏବେ ସେମାନଙ୍କ ପରିବାରକୁ ବୃଦ୍ଧି କରିବାକୁ ଚାହୁଁଛନ୍ତି।
ତଥାପି, ଏହି ଅଜବ ସମ୍ପର୍କ ଯୋଗୁଁ ଏହି ଦମ୍ପତି ପ୍ରାୟତଃ ଟ୍ରୋଲିଂର ସମ୍ମୁଖୀନ ହୁଅନ୍ତି। ନିଜ ପୁଅର ବନ୍ଧୁକୁ ବିବାହ କରିବା ପାଇଁ ଲୋକମାନେ ସେହି ମହିଳାଙ୍କୁ ବହୁତ ଅଭିଶାପ ଦିଅନ୍ତି।
ତଥାପି, ମହିଳା ଜଣକ କହିଛନ୍ତି ଯେ ଯେତେବେଳେ ଉଭୟ ସମ୍ପର୍କରେ ଆସିଥିଲେ, ସେତେବେଳେ ଜୋସୁଙ୍କ ବୟସ 21 ବର୍ଷ ଥିଲା, ଅର୍ଥାତ୍ ସେ ଜଣେ ପ୍ରାପ୍ତବୟସ୍କ ଥିଲେ ଏବଂ ନିଜର ନିଷ୍ପତ୍ତି ନେବାକୁ ସ୍ୱାଧୀନ ଥିଲେ। ତେଣୁ, ଏଥିରେ କୌଣସି କ୍ଷତି ନାହିଁ।