ଗୁଣି ନାମରେ ମହିଳାଙ୍କଠୁ ଠକିନେଲେ ୮.୮ ଲକ୍ଷ ଫକୀର, ଏପରି ଦେଲେ ଚକମା

ନୂଆଦିଲ୍ଲୀ: ଗୁଣି କରିବା ନାମରେ ମହିଳାଙ୍କ ସହ ୮ ଲକ୍ଷ ଟଙ୍କାରୁ ଅଧିକ ଠକେଇ ହୋଇଛି। ଏହି ଠକ ଅଣ୍ଡାରୁ କଣ୍ଟା ବାହାର କରି ମହିଳାଙ୍କୁ ଭରଷା ଦେଇଥିଲେ ଏବଂ କହିଥିଲେ ଯେ, ଗୁଣି ନ ବାହାରିଲେ ୬ ମାସରେ ଝିଅର ମୃତ୍ୟୁ ହୋଇଯିବ।

ସଂପୂର୍ଣ୍ଣ ଘଟଣା: ପ୍ରାଥମିକ ଭାବେ ସୂଚନା ମୁତାବକ, ମୁମ୍ବାଇର ସଟେ ଭିୱାଣ୍ଡି ଅଞ୍ଚଳରେ ଜଣେ ୪୪ ବର୍ଷୀୟ ଫକୀର ହଜରତ ବାବାଙ୍କ ଉପରେ ଜଣେ ମହିଳା ତାଙ୍କ ସ୍ୱାମୀ ଏବଂ ପୁଅଙ୍କୁ ଗୁଣିରୁ ଠିକ୍ କରିବା ଲାଗି ୮.୮ ଲକ୍ଷ ଟଙ୍କା ଠକେଇର ଅଭିଯୋଗ ଆଣିଛନ୍ତି।

ସୂଚନା ମୁତାବକ, ଅଭିଯୁକ୍ତ ଅମଜଦ ଅସଦ ଖାନ ଓରଫ ହଜରତ ବାବା ମହିଳାଙ୍କୁ ୩ ଲକ୍ଷ ଟଙ୍କାର ଲୋନ ମଧ୍ୟ ଦେଇଥିଲେ ଏବଂ ସେଥିପାଇଁ ସୁଧ ମଧ୍ୟ ନେଇଥିଲେ। ପୋଲିସ ମୁତାବକ, ଏହି ଠକେଇ ଅକ୍ଟୋବର ୨୦୨୩ଠାରୁ ଏପର୍ଯ୍ୟନ୍ତ ଚାଲିଥିଲା।

ହାଇବ୍ଲଡ ପ୍ରେସରରେ ପୀଡିତ ସ୍ୱାମୀକୁ ଠିକ୍ କରିବା ଲାଗି ସ୍ତ୍ରୀ ଜଣକ ଏହି ଫକୀର ବାବାଙ୍କ ପାଖକୁ ଯାଇଥିଲେ। ଅଭିଯୁକ୍ତ ଏହି ମହିଳାଙ୍କୁ କହିଥିଲେ ଯେ, ତାଙ୍କ ଉପରେ ଅତୃପ୍ତ ଆତ୍ମାର ପ୍ରଭାବ ରହୁଛି। ଏମାନଙ୍କୁ ଦୂର କରିବା ଲାଗି ଏକ ଶବର ଆବଶ୍ୟକତା ରହିଛି।

ଏହି ଶବର ବ୍ୟବସ୍ଥା ପାଇଁ ସେ ମହିଳାଙ୍କଠାରୁ ଲଗାତାର ଠକିବାରେ ଲାଗିଥିଲା। ଯେବେ ମହିଳା ଏହି ବାବାଙ୍କ ଉପରେ ସନ୍ଧେହ ହେଲା, ସେବେ ମହିଳା ଥାନାରେ ତାଙ୍କ ବିରୋଧରେ ଏତଲା ଦେଇଥିଲେ ଏବଂ ବର୍ତ୍ତମାନ ଏହାର ତଦନ୍ତ ଚାଲିଛି।