ମା’ ଚାମୁଣ୍ଡାଙ୍କୁ ପ୍ରସନ୍ନ କରିବା ପାଇଁ ଜାଣନ୍ତୁ ପୂଜା ବିଧି, ଜୀବନରୁ କଷ୍ଟ ଯିବ ଉଭେଇ…

ଓଡ଼ିଶା ଭାସ୍କର: ଚୈତ୍ର ନବରାତ୍ରୀର ଆଜି ହେଉଛି ସପ୍ତମ ଦିନ । ଆଜିର ଦିନରେ ଦେବୀ ମା’ କାଳରାତ୍ରୀଙ୍କ ସ୍ୱରୂପ ପୂଜା କରାଯାଏ । ମା’ଙ୍କ ପୂଜା କଲେ ଶତ୍ରୁନାଶ ହେବାସହ ସୌଭାଗ୍ୟ ପ୍ରାପ୍ତି ହୋଇଥାଏ । ମା’ କାଳ ରାତ୍ରୀଙ୍କୁ ସଙ୍କଟହାରିଣୀ ଦେବୀ ବୋଲି କୁହାଯାଏ ।

ନବରାତ୍ରୀର ସପ୍ତମ ଦିନକୁ ମହାସପ୍ତମୀ ବୋଲି କୁହାଯାଏ । ପଣ୍ଡିତଙ୍କ ମତରେ ମା’ କାଳରାତ୍ରୀଙ୍କ ସ୍ୱରୂପ ଉଗ୍ର ଅଟେ । ରାକ୍ଷସମାନଙ୍କ ସହାଂର ପାଇଁ ଦେବୀଙ୍କୁ କାଳରାତ୍ରୀଙ୍କ ରୂପ ନେବାକୁ ପଡ଼ିଥିଲା । ଏଥିପାଇଁ କାଳରାତ୍ରୀଙ୍କ ପୂଜା ସାଧାରଣ ଲୋକଙ୍କ ଜୀବନରେ ବଡ଼ ମହତ୍ୱ ରଖିଥାଏ ।

ଦୁର୍ଗା ସପ୍ତସତି ଅନୁଯାୟୀ, କାଳରାତ୍ରୀ ରୂପରେ ଦେବୀ ମା’ ଅବତାର ନେବା ପରେ ଶୁମ୍ଭ, ନିଶୁମ୍ଭଙ୍କ ସହ ମିଶି ରକ୍ତବୀଜ ରାକ୍ଷସର ବିନାଶ କରିଥିଲେ । ମା’ଙ୍କ ପୂଜା କରିବା ଦ୍ୱାରା ଭୟ ଏବଂ ରୋଗର ନାଶ ହୋଇଥାଏ । ଏହାବ୍ୟତୀତ ଅକାଳ ମୃତ୍ୟୁ ଭୟ, ରୋଗ, ଶୋକ ଆଦିରୁ ମୁକ୍ତି ମିଳେ ।

ମା’ ଦୂର୍ଗାଙ୍କ ସପ୍ତମ ସ୍ୱରୂପ କାଳରାତ୍ରୀ ତ୍ରି-ନେତ୍ରୀ ଦେବୀ । ମା’ଙ୍କୁ ନୀଳ ପଦ୍ମ ଫୁଲ ଅତ୍ୟନ୍ତ ପ୍ରିୟ । କାଳରାତ୍ରୀଙ୍କ ପୂଜାରେ ଗୁଡ଼ ଏବଂ ବିରି ଡାଲିରେ ପ୍ରସ୍ତୁତ ଖାଦ୍ୟକୁ ଭୋଗ ଲଗାଯାଏ । ଏଥିରେ ମା’ ଅତ୍ୟନ୍ତ ପ୍ରସନ୍ନ ହୋଇଥାନ୍ତି ।

ଭକ୍ତମାନଙ୍କ ପାଇଁ କାଳରାତ୍ରୀଙ୍କ ପୂଜା ଅତ୍ୟନ୍ତ ଫଳପ୍ରଦ ହୋଇଥାଏ । ମା’ଙ୍କ ପୂଜା କଲେ ଭୟ, କଷ୍ଟ , ସଙ୍କଟ ଦୂର ହୋଇଯାଏ । ମା’ ଚାମୁଣ୍ଡା ନାମରେ ମଧ୍ୟ ଦେବୀ ଜଣାଯାଆନ୍ତି । ଦିନ ତମାନ ପୂଜା କରିବାର ଶୁଭ ମୁହୂର୍ତ୍ତ ରହିଥିବାରୁ ସକାଳ ୬ରୁ ସନ୍ଧ୍ୟା ୮ଟା ପର୍ଯ୍ୟନ୍ତ ଆଜିର ଦିନରେ ମା’ଙ୍କ ପୂଜା କରାଯିବ ।

ମା’ଙ୍କ ସ୍ୱରୂପ ଅତ୍ୟନ୍ତ ଭୟଙ୍କର ହୋଇଥିବାବେଳେ କନ୍ତୁ ମା’ ଭକ୍ତଙ୍କ ପାଇଁ ଖୁବ୍ ଦୟାଳୁ ।