(Video) ‘ଆଗାମୀ ୧୦ ବର୍ଷରେ ବି ଓଡ଼ିଶାବାସୀଙ୍କ ହୃଦୟ ଜିତି ପାରିବନି..’, ବିଜେପିକୁ ଟାର୍ଗେଟ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
ଭୁବନେଶ୍ୱର: ୨୦୨୪ ସାଧାରଣ ନିର୍ବାଚନ ସମୟରେ ନେତା-ନେତାଙ୍କ ମଧ୍ୟରେ ଟାର୍ଗେଟ କରିବା ପ୍ରକ୍ରିୟା ଜାରି ରହିଛି । ଏହାରି ମଧ୍ୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶନିବାର ଦିନ ଓଡ଼ିଶାରେ ରାଲି କରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବଂ ବିଜେଡି ଦଳ ଉପରେ ଟାର୍ଗେଟ କରି ବର୍ଷିଥିଲେ । ଏହାପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ଭିଡିଓ ଜାରି କରି ପ୍ରଧାନମନ୍ତ୍ରୀଙ୍କୁ ଅନେକ ପ୍ରଶ୍ନ ପଚାରିଛନ୍ତି । ସେ କହିଛନ୍ତି ଯେ, ବିଜେପି ଆଗାମୀ ୧୦ ବର୍ଷରେ ବି ଓଡ଼ିଶାବାସୀଙ୍କ ହୃଦୟ ଜିତି ପାରିବ ନାହିଁ, ୧୦ ଜୁନରେ ସରକାର ଗଠନ କରିବା ବହୁ ଦୂରର କଥା ।
ସେ ପିଏମ ମୋଦୀଙ୍କୁ ଟାର୍ଗେଟ କରି କହିଛନ୍ତି ଯେ, ଗତ ୨୪ ବର୍ଷରେ ମୋର କଣ ମନେ ଅଛି ବା ନାହିଁ ତାହା ଓଡ଼ିଶାବାସୀ ଭଲଭାବେ ଜାଣିଛନ୍ତି । ହେଲେ ପ୍ରଧାନମନ୍ତ୍ରୀ କଣ ଆପଣଙ୍କୁ ଓଡ଼ିଶା କଥା ମନେ ଅଛି? ଏହା ପୂର୍ବରୁ ଶନିବାର ଦିନ ବଲାଙ୍ଗୀରରେ ଏକ ନିର୍ବାଚନ ସମାବେଶକୁ ସମ୍ବୋଧିତ କରିବାବେଳେ ପ୍ରଧାନମନ୍ତ୍ରୀ ମୋଦୀ କହିଥିଲେ ଯେ, ମୁଖ୍ୟମନ୍ତ୍ରୀ ରାଜ୍ୟଠାରୁ ସଂପୂର୍ଣ୍ଣ ଅଲଗା ଅଛନ୍ତି, ଏବଂ ଏହି ନିର୍ବାଚନରେ ତାଙ୍କର ଦ୍ୱିତୀୟ ଆସନ ଥିବା କଣ୍ଟାବଞ୍ଜୀର ନାମ ମଧ୍ୟ କହିପାରିବେ ନାହିଁ ।
ପ୍ରଧାନମନ୍ତ୍ରୀ ମୋଦୀଙ୍କ ଉପରେ ଟାର୍ଗେଟ କରି ପ୍ରଧାନମନ୍ତ୍ରୀ ନବୀନ ପଟ୍ଟନାୟକ କହିଥିଲେ ଯେ, ଓଡ଼ିଶା ଏକ ଶାସ୍ତ୍ରୀୟ ଭାଷା ଅଟେ, ହେଲେ ଆପଣ ଏହାକୁ ଭୁଲି ଯାଇଛନ୍ତି । ଆପଣ ସାରା ଦେଶରେ ସଂସ୍କୃତି ପାଇଁ ୧୦୦୦ କୋଟି ଟଙ୍କା ବଣ୍ଟନ କରିଛନ୍ତି । ହେଲେ ଓଡ଼ିଶା ପାଇଁ ଆପଣ ଏକ ଟଙ୍କା ବି ଆବଣ୍ଟନ କରିନାହାନ୍ତି । ଆପଣ ଓଡ଼ିଶା ସଂଗୀତକୁ ଶାସ୍ତ୍ରୀୟ ମାନ୍ୟତା ଦେବା ପାଇଁ ଆମର ଦାବିକୁ ଅଣଦେଖା କରିଛନ୍ତି । ମୁଁ ଓଡ଼ିଆ ସଂଗୀତର ମାନ୍ୟତା ପାଇଁ ପ୍ରପୋଜାଲ ପଠାଇଥିଲି, ହେଲେ ଆପଣ ତାକୁ ୨ ଥର ଅସ୍ୱୀକାର କରିଛନ୍ତି । ମୁଖ୍ୟମନ୍ତ୍ରୀ ଆହୁରି ମଧ୍ୟ ଅନେକ ପ୍ରଶ୍ନ ବିଜେପି ସରକାରଙ୍କୁ ପଚାରିଛନ୍ତି.. ଦେଖନ୍ତୁ ଏହି ଭିଡିଓରେ ।
ମୋର କ'ଣ ମନେ ଅଛି କି ନାହିଁ ସେଇଟା ମୋର ପ୍ରିୟ ସାଢ଼େ ଚାରି କୋଟି ଓଡ଼ିଶାବାସୀ ଜାଣିଛନ୍ତି। #JodiShankha pic.twitter.com/OpkecsQt72
— Naveen Patnaik (@Naveen_Odisha) May 11, 2024
