ମହାତ୍ମା ଗାନ୍ଧୀ, ନାଥୁରାମ ଗଡସେ ଏବଂ ଆରଏସଏସ …NCERT ବହିରେ ବଢିବାକୁ ମିଳିବ ନାହିଁ ଏହି ସବୁ ବିଷୟ, ଜାଣନ୍ତୁ କଣ କଣ ହଟିଛି
ନୂଆଦିଲ୍ଲୀ: ନ୍ୟାସନାଲ୍ କାଉନସିଲ୍ ଅଫ୍ ଏଜୁକେସନାଲ୍ ରିସର୍ଚ୍ଚ ଆଣ୍ଡ ଟ୍ରେନିଂ (NCERT) ଦ୍ୱାଦଶ ଶ୍ରେଣୀ ପାଇଁ ଇତିହାସ, ସିଭିକ୍ସ ଏବଂ ହିନ୍ଦୀ ସିଲାବସରେ କିଛି ପରିବର୍ତ୍ତନ କରିଛି । ଯଦିଓ, ଗତ ବର୍ଷ ଏହି ପରିବର୍ତ୍ତନ କରାଯାଇଥିଲା, କିନ୍ତୁ ବର୍ତ୍ତମାନ ବହିଗୁଡ଼ିକ ବଜାରରେ ଛପା ଯାଇଛି। NCERT ଅନୁଯାୟୀ, ସିଲାବସ୍ ପରିବର୍ତ୍ତନ ଦେଶର ସମସ୍ତ ବିଦ୍ୟାଳୟରେ ପ୍ରଯୁଜ୍ୟ ହେବ ଯେଉଁଠାରେ NCERT ବହି ଶିକ୍ଷା ଦିଆଯାଉଛି । ଏହି ପରିବର୍ତ୍ତନଗୁଡିକ ସାମ୍ପ୍ରତିକ ଏକାଡେମିକ୍ ଅଧିବେଶନ (୨୦୨୩-୨୪) ରୁ କାର୍ଯ୍ୟକାରୀ ହେବ।
ଇଣ୍ଡିଆନ୍ ଏକ୍ସପ୍ରେସ ଅନୁଯାୟୀ ମହାତ୍ମା ଗାନ୍ଧୀ ଏବଂ ନାଥୁରାମ ଗଡସେଙ୍କ ସହ ଜଡିତ ଅନେକ ଜିନିଷ ମଧ୍ୟ ପୁସ୍ତକରୁ ହଟାଇ ଦିଆଯାଇଛି। ପ୍ରକାଶ ଥାଉକି, ଗତ ବର୍ଷ ଜୁନ୍ ମାସରେ NCERT ଦ୍ୱାରା ଆନୁଷ୍ଠାନିକ ଭାବେ ପ୍ରକାଶିତ ହୋଇଥିବା ତାଲିକାରେ, ସେମାନଙ୍କ ଅପସାରଣ ବିଷୟରେ କିଛି ଉଲ୍ଲେଖ କରାଯାଇନାହିଁ। କିନ୍ତୁ ବର୍ତ୍ତମାନ ବଜାରକୁ ଆସିଥିବା ନୂତନ ପୁସ୍ତକଗୁଡ଼ିକରେ କିଛି ବିଷୟ ଅପସାରିତ ହୋଇଛି ।
ଯେଉଁମାନେ ହିନ୍ଦୁଙ୍କ ପ୍ରତିଶୋଧ ଚାହୁଁଥିଲେ କିମ୍ବା ଭାରତ ହିନ୍ଦୁମାନଙ୍କ ପାଇଁ ଦେଶ ହେବାକୁ ଚାହୁଁଥିଲେ, ସେହିପରି ଗାନ୍ଧୀଙ୍କୁ ନାପସନ୍ଦ କରାଯାଇଥିଲା, ଯେପରି ପାକିସ୍ତାନ ମୁସଲମାନମାନଙ୍କ ପାଇଁ ଥିଲା ଏହିଭଳି କିଛି ବିଷୟକୁ ହଟାଇ ଦିଆ ଯାଇଛି ।
-ଗାନ୍ଧିଜୀଙ୍କୁ ହତ୍ୟା କରିବା ପାଇଁ ଅନେକ ଚେଷ୍ଟା କରିଥିଲେ। ଗାନ୍ଧିଜୀଙ୍କ ମୃତ୍ୟୁ ଦେଶର ସାମ୍ପ୍ରଦାୟିକ ପରିସ୍ଥିତି ଏହିସବୁ ବିଷୟ ସାମ୍ପ୍ରଦାୟିକ ଘୃଣା ବିସ୍ତାର କରୁଥିବା ଏହାକୁ ସ୍ଥାନ ଦିଆଯାଇନାହିଁ ।
-NCERT ପାଠ୍ୟପୁସ୍ତକରେ ଗୁଜୁରାଟ ଦଙ୍ଗାର ତୃତୀୟ ତଥା ଅନ୍ତିମ ସନ୍ଦର୍ଭ ଶ୍ରେଣୀ ୧୧ ସମାଜବିଜ୍ଞାନ ପୁସ୍ତକ ‘ଅଣ୍ଡରଷ୍ଟ୍ରାଡିଙ୍ଗ ସୋସାଇଟି’ ରୁ ହଟାଇ ଦିଆଯାଇଛି।
-NCERT ଏକ ଅନୁଚ୍ଛେଦକୁ ହଟାଇ ଦେଇଛି ଯେଉଁଥିରେ କି ଶ୍ରେଣୀ, ଧର୍ମ ଏବଂ ଜାତି କୁ ପୃଥକତାକୁ ଦର୍ଶାଇବା ଏବଂ ତା’ପରେ ୨୦୦୨ ରେ ଦର୍ଶା ଯାଇଥିବା ଗୁଜୁରାଟର ସାମ୍ପ୍ରଦାୟିକ ହିଂସା ।
-ଦ୍ୱାଦଶ ଶ୍ରେଣୀ ଇତିହାସ ପୁସ୍ତକରୁ ‘ଥିମ୍ସ ଇନ୍ ଇଣ୍ଡିଆନ୍ ହିଷ୍ଟ୍ରୀ ପାର୍ଟ ୩ ‘ରେ ପରିଷଦ ଗଡସେଙ୍କ ଉପରେ ଏକ “ବ୍ରାହ୍ମଣ” ସନ୍ଦର୍ଭ ହଟାଇ ଦେଇଛି ଏବଂ ସେ ଜଣେ ଉଗ୍ରବାଦୀ ହିନ୍ଦୁ ଖବରକାଗଜର ସମ୍ପାଦକ ବୋଲି ଦର୍ଶା ଯାଇଛି ।
ସୂଚନାମୁତାବକ ଗତ ବର୍ଷ NCERT ପିଲାମାନଙ୍କ ଭାର କମାଇବା ପାଇଁ ସମସ୍ତ ବିଷୟର ସିଲାବସ୍ ବଦଳାଇ ଦେଇଥିଲା । ଏହାଦ୍ୱାରା ପିଲାମାନଙ୍କୁ ଶୀଘ୍ର ସିଲାବସ୍ କଭର୍ କରିବାରେ ସାହାଯ୍ୟ କରିବ । କେତେକ କବିତା ଏବଂ ଅନୁଚ୍ଛେଦ ମଧ୍ୟ ହିନ୍ଦୀ ପୁସ୍ତକରୁ ଅପସାରିତ ହୋଇଛି। ମୋଗଲ ସମୟର ଶାସକ ଏବଂ ସେମାନଙ୍କ ଇତିହାସ ଉପରେ ଆଧାରିତ ଅଧ୍ୟାୟଗୁଡ଼ିକ ଥିମ୍ ଅଫ୍ ଇଣ୍ଡିଆନ୍ ହିଷ୍ଟ୍ରୀ ପାର୍ଟ-୨ ନାମକ ପୁସ୍ତକରୁ ଅପସାରିତ ହୋଇଛି। ‘ବିଶ୍ୱ ରାଜନୀତିରେ ଆମେରିକାର ସର୍ବୋଚ୍ଚତା ଏବଂ ଶୀତଳ ଯୁଦ୍ଧ ଯୁଗ’ ଭଳି ଶିକ୍ଷା ସିଭିକ୍ସ ପୁସ୍ତକରୁ ସମ୍ପୂର୍ଣ୍ଣ ହଟାଇ ଦିଆଯାଇଛି।
